ஐ யம் வெயிட்டிங்.. அண்ணாமலை வேட்பாளர் ஆன அடுத்த நொடி.. அடித்து ஆடும் அதிமுக.. இதை பாருங்க
கோவை: லோக்சபா தேர்தலில் கோவையில் அண்ணாமலை போட்டியிடுவார் என அறிவிக்கப்பட்டுள்ள நிலையில், அவருக்கு அதிமுக கோவை வேட்பாளர் சிங்கை ராமச்சந்திரன் சவால் விடுத்து இருக்கிறார்.
லோக்சபா தேர்தல் விரைவில் நடைபெறும் நிலையில், மொத்தம் ஏழு கட்டங்களாகத் தேர்தல் நடைபெறுகிறது. வாக்குப்பதிவு முடிந்து வரும் ஜூன் 4ஆம் தேதி வாக்கு எண்ணிக்கை நடைபெற உள்ளது.
வழக்கமாகத் தமிழ்நாட்டில் இரண்டாம் கட்டத்தில் தான் லோக்சபா தேர்தல் நடைபெறும் நிலையில், இந்த முறை முதல்கட்டத்திலேயே வரும் ஏப்ரல் 19ஆம் தேதி லோக்சபா தேர்தல் நடைபெறுகிறது.
தமிழ்நாட்டில் இத்தனை காலம் அதிமுக கூட்டணியில் இருந்த பாஜக இந்த முறை தனியாகக் கூட்டணியை அமைத்துள்ளது. பாமக, தாமக, டிடிவி, ஓபிஎஸ் எனப் பலரும் பாஜக கூட்டணியில் இணைந்துள்ளனர். இதற்கிடையே பாஜக தரப்பில் 3ஆம் கட்ட வேட்பாளர்கள் பட்டியல் இப்போது வெளியிடப்பட்டுள்ளது. ஏற்கனவே இரண்டு கட்ட வேட்பாளர் பட்டியில் வெளியிடப்பட்ட போதிலும், அதில் தமிழ்நாட்டில் இருந்து யாருடைய பெயரும் இடம்பெறவில்லை.
இந்தச் சூழலில் தான் 3ஆம் கட்ட வேட்பாளர் பட்டியல் அறிவிக்கப்பட்டுள்ளது. தமிழ்நாட்டில் இருந்து மொத்தம் 9 லோக்சபா தொகுதிகளின் வேட்பாளர்கள் அறிவிக்கப்பட்டுள்ளது. இதில் தென் சென்னை தொகுதியில் தமிழிசை சவுந்தரராஜன் களமிறங்கும் நிலையில், நீலகிரியில் எல் முருகன், நெல்லையில் நயினார் நாகேந்திரன், கன்னியாகுமரியில் பொன் ராதாகிருஷ்ணன் போட்டியிடுகிறார்கள்.
அதில் முக்கியமாகக் கோவையில் பாஜக மாநில தலைவர் அண்ணாமலை போட்டியிடுவார் என அறிவிக்கப்பட்டுள்ளது. முதலில் லோக்சபா தேர்தலில் போட்டியிட மாட்டேன் என்று அண்ணாமலை கூறியிருந்த நிலையில், டெல்லி பாஜக தலைமை உத்தரவின் பெயரில் கோவையில் போட்டியிடுவதாகக் கூறப்படுகிறது. ஏற்கனவே கோவையில் இந்த முறை திமுக, அதிமுக நேரடியாகப் போட்டியிடும் நிலையில், அங்கே திமுக vs அதிமுக vs பாஜக என்ற சூழல் உருவாகி உள்ளது.
இதற்கிடையே கோவையில் இப்போது அண்ணாமலை போட்டியிடுவார் என அறிவிக்கப்பட்டுள்ளது. இதற்கிடையே அதிமுக சார்பில் கோவை வேட்பாளராக அறிவிக்கப்பட்டுள்ள சிங்கை ராமச்சந்திரன் இது குறித்து தனது எக்ஸ் பக்கத்தில் சேலஞ் செய்துள்ளார். பாஜகவின் வேட்பாளர் பட்டியலைப் பகிர்ந்துள்ள சிங்கை ராமச்சந்திரன் விஜய் பட டயலாக்கான "ஐ யம் வெயிட்டிங்" என்று பதிவிட்டு அவர் அண்ணாமலையையும் டேக் செய்துள்ளார். அவரது இந்த பதிவு இணையத்தில் வேகமாக பரவி வருகிறது.
Click it and Unblock the Notifications
Sign in with Google