'அம்மா சாவில் கூட இல்லை'.. தினகரன் குறித்து கோவை ஓட்டலில் புகழேந்தி கடும் விமர்சனம்.. வைரல் வீடியோ

கோவை: அமமுகவைச் சேர்ந்த புகழேந்தி அக்கட்சியின் பொதுச்செயலாளர் டிடிவி தினகரனை கோவையில் உள்ள ஹோட்டல் ஒன்றில் கடுமையாக விமர்சித்து பேசும் வீடியோ ஒன்று இணையதளங்களில் வெளியாகி உள்ளது. அதில் கட்சி தாவுவது குறித்து பேசும் புகழேந்தி தினகரனையும் விமர்சித்து பேசுவது போன்ற காட்சிகள் உள்ளது.

லோக்சபா மற்றும் சட்டசபை இடைத்தேர்தல் தோல்விக்கு பிறகு பலரும் அமமுகவில் இருந்து விலகி திமுக மற்றும் அதிமுகவில் இணைந்து வருகிறார்கள். முன்னணி நிர்வாகியான தங்கத்தமிழ்செல்வன் திமுகவில் இணைந்தார். இதேபோல் அமமுக நிர்வாகிகள் பலரும் அதிமுகவில் இணைந்தனர்.

இந்நிலையில் அமமுகவின் முக்கிய நிர்வாகியான புகழேந்தி கட்சி தாவுவது குறித்து ஹோட்டலில் பேசிக்கொண்டிருக்கும் வீடியோ காட்சிகள் வெளியாகி உள்ளது.

அதில் புகழேந்தி பேசுகையில், நாம் போகும் இடத்தில் நமக்கு உள்ள இடத்தை சரி செய்துவிட்டு தான் செல்ல வேண்டும். அதனால் அந்த பட்டியலை சேர்த்து ரெடி செய்து வைக்கிறேன். 14 வருஷம் அட்ரஸ் இல்லாமல் இருந்த டிடிவி தினகரனை ஊருக்கு காண்பித்து போராட்டம் எல்லாம் செய்தோம். அம்மா மரணம் அடைந்த போது கூடஇவர் இல்லை" என பேசுகிறார்.

இந்த வீடியோ காட்சிகளை பார்க்கும் போது புகழேந்தியும் கட்சி தாவத்தயாராகிவிட்டதாக சொல்கிறார்கள். ஏற்கனவே அமமுகவில் பலரும் கட்சி தாவிய நிலையில் இப்போது இருப்பவர்களும் அணி மாறத்தயாராக இருப்பது பரபரப்பை ஏற்படுத்தி உள்ளது.

English summary

ammk pugazhendhi may jump to other party, he attacks ttv dinakaran on coimbatore hotel