அண்ணாமலையின் மூளை.. நாங்கள் வியந்து போகிறோம்.. இனி ஆட்டுக்குட்டி என்று கூப்பிடாதுங்க.. யார்னு பாருங்க

கோவை: இன்னொருமுறை யாரையுமே தரக்குறைவாக விமர்சனம் செய்யாதீங்க.. அப்படி செய்தால், நாங்கள் என்ன விமர்சனம் செய்ய வேண்டும் என்பதை நீங்கள்தான் முடிவு செய்கிறீர்கள்" என்று கோவை பாஜக வேட்பாளர் அண்ணாமலையை பாடலாசிரியர் விமர்சித்துள்ளார்.

நேற்றைய தினம் பல்லடத்தில் திமுக கூட்டணி வேட்பாளர் கணபதி ராஜ்குமாரை ஆதரித்து மநீம தலைவர் கமல்ஹாசன் தேர்தல் பிரச்சாரம் மேற்கொண்டார்...

ஆனால், கமல் வருவதற்கு முன்னதாக., பாடலாசிரியர் சினேகன் அங்கிருந்த மக்களிடம் பேசிக் கொண்டிருந்தார். அப்போது பாஜக வேட்பாளர் அண்ணாமலையை கடுமையாக விமர்சித்தார். உடனே அங்கிருந்தவர்கள், "ஆட்டுக்குட்டி ஆட்டுக்குட்டி" என்று கோஷம் எழுப்பினர்.

சிநேகன்: அப்போது பேசிய சினேகன், "தயவு செய்து இனிமேல் ஆட்டுக்குட்டி என்று சொல்லாதீங்க.. ஆட்டுக்குட்டிக்கென்று ஒரு மரியாதை இருக்கு.. ஆட்டுக்குட்டி மீது பெரிய மதிப்பு உண்டு. அதை கெடுத்துட வேண்டாம்..

பச்சை இலையை பறித்து போட்டால் பண்போடு அந்த ஆட்டுக்குட்டிகள் பின்னால் வரும்.. எந்த ஆட்டுக்குட்டியும், கொண்ட வீட்டுக்கு ரெண்டகம் பண்ணாது.. தன்னுடைய குட்டிகளுக்கு ஒழுங்காக பால் கொடுக்கும்... யார் எஜமான் என்பது ஆட்டுக்குட்டிக்கு நன்றாகவே தெரியும். அடுத்தவர்களின் வீட்டை தாவி பார்க்காது... அடுத்தவர்களை போட்டு கொடுக்காது.

தனிமனித விமர்சனம்: அரசியலில் தனிமனித விமர்சனம் கூடாது என்று எங்கள் தலைவர் சொல்லிஉள்ளார். 4 நாளைக்கு அண்ணாமலை அவர்கள் எங்கள் தலைவர் கமல்ஹாசனுக்கு மூளை இருக்கிறதா? பரிசோதனை செய்யுங்கள் என்கிறார்..

ஒரு பொருளை வாங்க வேண்டும் என்றாலோ, அந்த பொருள் மீது ஆசை இருந்தாலோதான் அது குறித்து தொடர்ச்சியாக நாம் பேசுவோம். உங்களுக்கு மூளை இல்லை என்பதற்காக எங்கள் தலைவரை பற்றி சொன்னீர்களா? அல்லது நீங்கள் படித்த 20 ஆயிரம் புத்தகத்தில் மூளை குறித்து ஒரு புத்தகம் கூட இல்லையா? மூளையை பற்றி பேச, மூளை இருக்கணும் இல்லையா? யாரை பற்றியுமே பேசுவதற்கு ஒரு அருகதை இருக்கணும் இல்லையா?

வெப்பம்: கோவையில் வெப்பம் அதிகரிக்க திமுக தான் காரணம் என்றாரே, அப்படிப்பட்ட அண்ணாமலையின் மூளையை பார்த்து ஆச்சரியப்பட்டு வியந்து போகிறோம். அரசியல் சட்டங்களுக்கு கட்டுப்பட்டு பண்பாட்டுக்கு கட்டுப்பட்டு நியாயமான முறையில் நாங்கள் விமர்சனம் செய்கிறோம்.

இன்னொருமுறை யாரையுமே தரக்குறைவாக விமர்சனம் செய்யாதீங்க.. அப்படி செய்தால், நாங்கள் என்ன விமர்சனம் செய்ய வேண்டும் என்பதை நீங்கள்தான் முடிவு செய்கிறீர்கள்" என்றார் சினேகன்.

English summary

Did Snehan slam Annamalai and what did he say about DMK, MNM Kamal haasan in Palladam campaign