கமலின் பக்கா பிளான்.. கவலையின்றி களமிறங்கும் வானதி.. தகிக்கும் கோவை தெற்கு.. கடும் போட்டி!
கோயம்புத்தூர்: தமிழக சட்டசபை தேர்தலில் கோவை தெற்கு தொகுதியில் மிகவும் கடுமையான போட்டி நிலவ போகிறது.. இங்கு மும்முனை போட்டி நிலவ போகிறது.
தமிழகத்தில் அதிமுக கூட்டணியில் பாஜக சார்பாக போட்டியிடும் 20 வேட்பாளர்களில் 17 வேட்பாளர்களின் பட்டியல் வெளியிடப்பட்டுள்ளது. பாஜகவின் முக்கியமான முகங்களுக்கு இந்த முதல்கட்ட வேட்பாளர் பட்டியலில் வாய்ப்பு கொடுக்கப்பட்டுள்ளது.
இன்னும் 3 வேட்பாளர்களின் பட்டியலை பாஜக வெளியிட வேண்டும். விரைவில் இந்த பட்டியல் வெளியிடப்படும் என்று எதிர்பார்க்கப்படுகிறது.
கோவை தெற்கு
தமிழக சட்டசபை தேர்தலில் கோவை தெற்கு தொகுதியில் மிகவும் கடுமையான போட்டி நிலவ போகிறது. கடந்த சட்டசபை தேர்தலில் இங்கு அதிமுக போட்டியிட்டு வெற்றிபெற்றது. அதிமுக சார்பாக அம்மன் கே. அர்ஜுனன் இங்கு போட்டியிட்டு வெற்றிபெற்றார்.
வாய்ப்பு
இந்த நிலையில் இந்த முறை இங்கு அதிமுக கூட்டணியில் பாஜகவிற்கு வாய்ப்பு கொடுக்கப்பட்டுள்ளது. பாஜக சார்பாக வானதி சீனிவாசன் போட்டியிடுகிறார். கோவை தெற்கு வானதி சீனிவாசனுக்கு கிடைக்கும் என்று பல நாட்களாக எதிர்பார்க்கப்பட்ட நிலையில் பாஜக தேசிய தலைமை அவரின் ஆசையை நிறைவேற்றி உள்ளது.
கமல்ஹாசன்
இங்கு மக்கள் நீதி மய்யம் சார்பாக அதன் தலைவர் கமல்ஹாசன் போட்டியிடுகிறார். இது கமல்ஹாசனுக்கு முதல் சட்டசபை தேர்தல் ஆகும். இங்கு காங்கிரஸ் சார்பாக மயூரா ஜெயக்குமார் போட்டியிட உள்ளார். இதனால் இங்கு கடும் போட்டி நிலவும்.
மயூரா ஜெயக்குமார்
இங்கு காங்கிரஸ் சார்பாக போட்டியிடும் மயூரா ஜெயக்குமாரும் மிகவும் வலிமையான வேட்பாளர் ஆவார். வானதி சீனிவாசனும் இங்கு நடக்கும் தேர்தலுக்காக பல நாட்களாக பிரச்சாரம் செய்து தேர்தல் பணிகளை செய்து வந்தார். இதனால் கமல்ஹாசனுக்கு இவரும் டப் பைட் கொடுக்க வாய்ப்புள்ளது.
ஸ்டார்
இந்த தொகுதியில் போட்டியிடும் மூன்று பேரில் இரண்டு பேர் ஸ்டார் வேட்பாளர்கள். கமலின் அரசியல் எதிர்காலம் இந்த தொகுதியை நம்பியே இருக்கிறது. முதல் தேர்தலில் வெற்றிபெற்றாகி வேண்டிய கட்டாயத்தில் இவர் இருக்கிறார். வானதி சீனிவாசனின் அரசியல் எதிர்காலமும் இதே தொகுதியை நம்பி இருப்பதால் தேர்தல் களம் சூடு பிடித்துள்ளது.
Click it and Unblock the Notifications
Sign in with Google