கோவையில் சிபிஎம் வேட்பாளர் நடராஜன் அபார வெற்றி... சிபி ராதாகிருஷ்ணனின் தோல்விக்கு இவர் தான் காரணம்

கோவை: கோவையில் மார்க்சிஸ்ட் கம்யூனிஸ்ட் வேட்பாளர் நடராஜன் ஒரு லட்சத்து 79 ஆயிரம் வாக்குகள் வித்தியாசத்தில் பாஜக வேட்பாளர் சிபி ராதாகிருஷ்ணன்னை தோற்கடித்தார்.

கோவையில் அதிமுக கூட்டணி சார்பில் பாஜக வேட்பாளர் சிபி ராதாகிருஷ்ணன் போட்டியிட்டார். அவரை எதிர்த்து திமுக கூட்டணி சார்பில் மார்க்சிஸ்ட் கம்யூனிஸ்ட் வேட்பாளர் எம் நடராஜன் போட்டியிட்டார்.

இதில் சிபிஎம் வேட்பாளர் நடராஜன் 5லட்சத்து 70 ஆயிரத்து 514 வாக்குகள் பெற்று வெற்றி பெற்றார். அவரை எதிர்த்து போட்டியிட்ட பாஜக வேட்பாளர் சிபி ராதாகிருஷ்ணன் 3 லட்சத்து 91 ஆயிரத்து 505 வாக்குகள் பெற்று இரண்டாம் இடத்தை பிடித்தார். இதன் மூலம் நடராஜன் ஒரு லட்சத்து 79 ஆயிரம் வாக்குகள் வித்தியாசத்தில் பாஜக வேட்பாளர் சிபி ராதாகிருஷ்ணன்னை தோற்கடித்தார்.

மக்கள் நீதி மய்யம் வேட்பாளர் மகேந்திரன் ஒரு லட்சத்து 44 ஆயிரம் வாக்குகள் பெற்று அசத்தி உள்ளார். இதேபோல் நாம் தமிழர் கட்சி வேட்பாளர் 60 ஆயிரத்து 400 வாக்குகள் பெற்று 4வது இடத்தை பிடித்தார். இந்த தொகுதியில் அமமுக வெறும் 38 ஆயிரத்து 24 வாக்குகள் மட்டுமே பெற்று 5 வது இடத்துக்கு தள்ளப்பட்டது.

இதில் மக்கள் நீதி மய்யம் பெற்ற வாக்குகளும், நாம் தமிழர் கட்சி பெற்ற வாக்குகளும் பாஜக வேட்பாளருக்கு கிடைத்து இருந்தால் கோவையில் வெற்றி பெற்று இருப்பார்.

English summary

lok sabha election results 2019 live updates: coimbatore cp radhakrishnan, triupur anandhan- aiadmk bjp alliance trailing