மோடியின் கட்டமைப்பை.. ஒரேயொரு ஸ்வீட் பாக்ஸால் க்ளோஸ் செய்தவர் ராகுல்.. கோவையில் பூரித்த ஸ்டாலின்

Updated: Saturday, June 15, 2024, 21:42 [IST]

Subscribe to Oneindia Tamil

கோவை: கடந்த முறை கோவையில் நான் பங்கேற்ற கூட்டம் இந்திய அளவில் டிரெண்டானது. ஏனென்றால் 8 முறை தமிழகம் வந்து பிரதமர் மோடி கட்டமைத்த பிம்பத்தை ஒரு ஸ்வீட்ச் பாக்ஸால் சகோதரர் ராகுல் காந்தி க்ளோஸ் செய்தார். ராகுலின் அன்பை என்றைக்கும் என்னால் மறக்க முடியாது. ராகுல் வழங்கிய இனிப்பு எதிர்க்கட்சிகளின் கணிப்புகளை பொய்யாக்கியது, என்று முதல்வர் ஸ்டாலின் பேசினார்.

கோவையில் திமுகவின் முப்பெரும் விழா நடந்து வருகிறது. மறைந்த முன்னாள் முதலமைச்சர் கருணாநிதியின் நூற்றாண்டு நிறைவு விழா, நடந்து முடிந்த லோக்சபா தேர்தலில் தமிழகம் மற்றும் புதுச்சேரியில் 40க்கு 40 தொகுதிகளில் வெற்றி பெற வைத்த மக்களுக்கு நன்றி தெரிவிக்கும் விழா, முதலமைச்சர் முக ஸ்டாலினுக்கு பாராட்டு விழா என முப்பெரும் விழா நடந்து வருகிறது.

mk stalin rahul gandhi narendra modi covai coimbatore dmk

இந்த விழாவில் திமுகவின் கூட்டணி கட்சி தலைவர்கள், எம்பி, எம்எல்ஏக்கள் பங்கேற்றனர். கூட்டணி கட்சி தலைவர்களின் பேச்சை தொடர்ந்து முதல்வர் ஸ்டாலின் பேசினார். அப்போது அவர் கூறியதாவது:

கடந்த முறை கோவையில் நான் பங்கேற்ற கூட்டம் இந்திய அளவில் டிரெண்டானது. ஏனென்றால் 8 முறை தமிழகம் வந்து பிரதமர் மோடி கட்டமைத்த பிம்பத்தை ஒரு ஸ்வீட்ச் பாக்ஸால் சகோதரர் ராகுல் காந்தி க்ளோஸ் செய்தார். ராகுலின் அன்பை என்றைக்கும் என்னால் மறக்க முடியாது. ராகுல் வழங்கிய இனிப்பு எதிர்க்கட்சிகளின் கணிப்புகளை பொய்யாக்கியது.

தமிழகத்தை பொறுத்தமட்டில் தேர்தல் முடிவுகளை பார்த்து நான் அடைந்த மகிழ்ச்சிக்கு அளவே இல்லை. 40க்கு 40வெற்றி என முழங்கியபோது அதனை பலரும் யோசித்தனர். ஆனால் அந்த நம்பிக்கை எனக்கு இருந்தது. அதற்கான அடித்தளம் கொள்கைக்காக இங்கே கூடியிருக்கும் கூட்டம் தான். அதோடு மேடையில் உள்ள தலைவர்கள் நம்பிக்கைக்கு ஆதாரம். இதனால் தான் 40க்கு 40 தொகுதிகளில் வென்றோம்.திமுகவின் உடன்பிறப்புகள் இந்தியா கூட்டணி கட்சிகளின் தோழர்கள் இருக்கும் திசை நோக்கி நான் வணங்குகிறேன்'' என்றார்.

முதல்வர் ஸ்டாலின் இப்படி பேசியதன் பின்னணி என்னவென்று பார்த்தால் நாம் ஏப்ரல் மாதம் 12 ம் தேதிக்கு செல்ல வேண்டும். அன்றைய தினம் கோவை செட்டிபாளையத்தில் நடந்த பிரசார கூட்டத்தில் முதல்வர் ஸ்டாலினுடன் ராகுல் காந்தி பங்கேற்றார். அப்போது கோவையில் முதல்வர் ஸ்டாலினுக்கு ‛கிப்ட்' கொடுப்பதற்காக ராகுல் காந்தி இரவில் சாலை மத்தியில் உள்ள தடுப்பு சுவரை தாண்டி குதித்து சென்று இனிப்பு கடையில் ஸ்வீட் பாக்ஸ் வாங்கினார்.

அப்போது ஒருவர் ‛யாருக்கு வாங்குகிறீர்கள்' என ராகுல் காந்தியிடம் கேட்க அவர், ‛‛என் சகோதரர் ஸ்டாலினுக்கு.. '' என தெரிவித்தார். இந்த வீடியோ இணையதளங்களில் அப்போது அதிகமாக பரவியது. இந்த நிகழ்வை தான் முதல்வர் ஸ்டாலின் குறிப்பிட்டு பேசி உள்ளார் என்பது குறிப்பிடத்தக்கத்தது.