2024ல் சித்தராமையாவுக்கும் டிகே சிவகுமாருக்கும் நோபல் பரிசே கொடுத்திடலாம்.. அண்ணாமலை கிண்டல்

சென்னை: "கர்நாடக அரசு ஒரு வருடத்தில் சீட்டுக்கட்டு போல் சரிந்துவிடும். டி.கே.சிவகுமாரும் சித்தராமையாவும் 2024க்குள் சண்டையிடாவிட்டால் இருவருக்கும் அமைதிக்கான நோபல் பரிசு வழங்கிடலாம்" என தமிழக பாஜக தலைவர் அண்ணாமலை, கர்நாடகாவில் காங்கிரஸ் ஆட்சியை கிண்டல் செய்துள்ளார்

சென்னையில் அண்ணாமலை சனிக்கிழமை ஏஎன்ஐ செய்தியாளரிடம் பேசுகையில் , பொதுவாக அமைச்சர்களுக்கு எல்லாம் முதன்மையானவர் முதலமைச்சர், முதலமைச்சர் ஆளுநருக்கு பதில் சொல்ல கடமைப்பட்டுள்ளவர். இப்படித்தான் தற்போது உள்ள அரசுகள் இயங்குகின்றன.

ஆனால் கர்நாடகாவில் எப்படி இருக்கிறது என்றால், ஒரு முதலமைச்சர் 2.5 ஆண்டுகளும், அடுத்த முதலமைச்சர் 2.5 ஆண்டுகளும் ஆட்சி செய்ய போகிறார்களாம். ஒரு முதலமைச்சர் சித்தராமையா கட்டுப்பாட்டில் 10 அமைச்சர்களும், டிகே சிவகுமார் கட்டுப்பாட்டில் 10 அமைச்சர்களும், காங்கிரஸ் தேசிய தலைவர் மல்லிகார்ஜூனா கார்கே கட்டுப்பாட்டில் 10 அமைச்சர்களும் இருக்கிறார்கள்.

இப்படி ஒரு கட்டமைப்பு எந்த உலகத்தில் எங்காவது உண்டா? எல்லா இடத்திலும் ஒரு முதலமைச்சர் தான் பொறுப்பில் இருப்பார். ஆனால் கர்நாடாகவில் மூன்று முதலமைச்சர்கள் கட்டுப்பாட்டில் அமைச்சர்கள் இருக்கிறார்கள்.

எனவே கர்நாடகா உள்ள காங்கிரஸ் அரசு அடுத்த ஒரு வருடத்தில் சீட்டு கட்டுபோல் சரிந்துவிடும். டி.கே.சிவகுமாரும் சித்தராமையாவும் 2024க்குள் சண்டையிடாவிட்டால் இருவருக்கும் 2024ம் ஆண்டில் அமைதிக்கான நோபல் பரிசு வழங்கிடலாம். ஏனெனில் 100 சதவீதம் மோதல் இவர்களுக்குள் வரும். ஏனெனில் அப்படித்தான் கட்டமைப்பு இருக்கிறது.

2.5 வருசத்திற்கு ஒரு முதலமைச்சர் என்று இருந்தால் வெளியில் இருந்து பார்ப்பவர்களுக்கு எப்படி தெரியும். கர்நாடகாவில் ஒரு வலிமையான முதல்வர் இல்லை என்று தானே தெரியும். டிகே சிவகுமார் கட்டுப்பாட்டில் 10 பேர், சித்தராமையா கட்டுப்பாட்டில் 10 பேர் என அமைச்சர்கள் இருந்தால் யாருக்கு பொறுப்புள்ளவர்களா இருப்பார்கள்

அப்புறம் நீங்கள் எதிர்க்கட்சிகளுக்குள் ஒற்றுமையை பற்றி கேட்கிறீர்கள்? காங்கிரஸ் கட்சிக்குள்ளேயே ஒற்றுமை இல்லை என்கிற போது எதிர்க்கட்சிகள் எப்படி ஒன்றுபடும். மம்தா பானர்ஜி, அரவிந்த் கெஜ்ரிவால், கேசிஆர், என இவர்கள் யாருமே காங்கிரஸ் கூட்டணியில் இல்லை. எதிர்க்கட்சிகள் ஒன்றுபடாது" இவ்வாறு அண்ணாமலை கூறினார்.

English summary

"Karnataka government will collapse like a house of cards in a year. If DK Sivakumar and Siddaramaiah do not fight by 2024, they can be awarded the Nobel Peace Prize," Tamil Nadu BJP president Annamalai has teased the Congress government in Karnataka. டி.கே.சிவகுமாரும் சித்தராமையாவும் 2024க்குள் சண்டையிடாவிட்டால் இருவருக்கும் அமைதிக்கான நோபல் பரிசு வழங்கிடலாம் என பாஜக மாநில தலைவர் அண்ணாமலை கூறினார்.