முதல்வர் பற்றி அவதூறு.. பாஜக ஆதரவாளர் உமா கார்கி அதிரடியாக கைது! நேற்றுதான் அண்ணாமலை பாராட்டினாராமே!
கோவை: முதல்வர் ஸ்டாலின் மற்றும் திமுக குறித்து அவதூறாக ட்விட்டரில் பதிவிட்ட பாஜக ஆதரவாளரான உமா கார்கி கைது செய்யப்பட்டுள்ளார்.
தந்தை பெரியார், முன்னாள் முதலமைச்சர் கருணாநிதி, தற்போதைய முதலமைச்சர் மு.க.ஸ்டாலின் குறித்து ட்விட்டரில் பாஜக ஆதரவாளர் உமா கார்கி தொடர்ந்து அவதூறு கருத்துகளைப் பதிவிட்டதாக புகார் எழுந்து வந்தது.
இந்நிலையில், தற்போது உமார் கார்கி கோவை சைபர் கிரைம் போலீசாரால் கைது செய்யப்பட்டுள்ளார். கோவை சைபர் கிரைம் காவல நிலையத்தில் உமா கார்கியிடம் போலீசார் விசாரணை நடத்தி வருகின்றனர்.
பாஜக மாநிலத் தலைவர் அண்னாமலை, கோவை காளப்பட்டியில் நேற்று நடைபெற்ற கட்சிக் கூட்டத்தில், சிறந்த சமூக ஊடக செயல்பாட்டிற்காக உமா கார்கிக்கு பாராட்டு தெரிவித்து சிறந்த செயற்பாட்டாளர் விருது அளித்தது குறிப்பிடத்தக்கது.
உமா கார்கி, சமூக வலைதளங்களில் பாஜகவுக்கு ஆதரவாக தொடர்ந்து செயல்பட்டு வருபவர் என்றாலும், அவர் பாஜகவில் உறுப்பினராக இல்லை என்ற தகவலும் வெளியாகியுள்ளது.
Click it and Unblock the Notifications
Sign in with Google