ஆசியாவிலேயே சிறந்த 200 கல்வி நிறுவனங்கள்.. ஐஐடி மெட்ராஸ், அண்ணா பல்கலைக்கழத்துக்கு இடம்.. அசத்தல்

டெல்லி: ஆசியாவில் உள்ள முக்கிய 200 கல்வி நிறுவனங்களின் தரவரிசை பட்டியலை க்யூஎஸ் அமைப்பு வெளியிட்டுள்ளது. இதில் தமிழ்நாட்டில் இயங்கி வரும் ஐஐடி மெட்ராஸ், அண்ணா பல்கலைக்கழகம், விஐடி வேலூர் உள்பட மொத்தம் 19 இந்திய பல்கலைக்கழகங்கள் இடம்பிடித்துள்ளன.

உலகம் முழுவதும் பல்வேறு நிறுவனங்கள்/அமைப்புகள் குறிப்பிட்ட துறை சார்ந்து ஆய்வுகள் மேற்கொண்டு வருகின்றனர். சிறந்த பல்கலைக்கழங்கள், சிறந்த கல்லூரிகள், சிறந்த சுற்றுலா தலங்கள் எவை என்பது பற்றி பல்வேறு ஆய்வுகள் நடந்து வருகின்றன.

அந்த வகையில் சர்வதேச தரவரிசை கழங்களில் ஒன்றாக க்யூஎஸ் அமைப்பு உள்ளது. இந்த அமைப்பு ஆசியாவில் சிறந்த கல்வி நிறுவனங்களாக உள்ள பல்கலைக்கழங்களின் தரவரிசை பட்டியலை வெளியிட்டுள்ளது.

ஐஐடி மெட்ராஸ்/அண்ணா பல்கலைக்கழகம்

இந்த அமைப்பு ஒவ்வொரு ஆண்டும் சிறந்த பல்கலைக்கழங்களின் பட்டியலை வெளியிட்டு வருகிறது. அதன்படி தற்போது 2023ம் ஆண்டுக்கான ஆசிய பல்கலை கழகங்களின் டாப் 200 தரவரிசை பட்டியலை வெளியிட்டுள்ளது. இந்த பட்டியலில் ஐஐடி மெட்ராஸ், அண்ணா பல்கலைகழகம் உள்பட இந்தியாவில் இயங்கி வரும் 19 பல்கலைக்கழங்கள் இடம்பெற்றுள்ளன.

ஐஐடி மெட்ராசுக்கு எந்த இடம்?

அதன்படி இந்த தரவரிசை பட்டியலில் மும்பை ஐஐடி 40வது இடத்தில் உள்ளது. டெல்லி ஐஐடி 46வது இடத்திலும், பெங்களூர் ஐஐஎஸ்சி 52வது இடத்திலும், ஐஐடி மெட்ராஸ் 53வது இடத்திலும் உள்ளது. இதையடுத்து ஐஐடி காரக்பூர் 61வது இடத்திலும், ஐஐடி கான்பூர் 66வது இடத்திலும், டெல்லி யூனிவர்சிட்டி 85வது இடத்திலும் ஐஐடி ரூர்க்கேவும் உள்ளது. மேலும் ஜேஎன்யூ 119வது இடத்திலும், ஐஐடி கவுஹாத்தி 124வது இடத்திலும், வேலூர் விஐடி பல்கலைக்கழகம் 173வது இடத்தையும் பிடித்துள்ளது. மேலும் அமித்தி பல்கலைக்கழம் நொய்டா 200வது இடத்தை பிடித்துள்ளது. இதுதவிர

அண்ணா பல்கலைக்கழகம்

மேலும் கொல்கத்தா பல்கலைக்கழகம் 181வது இடத்திலும், ஜாதவ்பூர் பல்கலைக்கழகம் 182வது இடத்திலும், அண்ணா பல்கலைக்கழகம், சண்டிகர் பல்கலைக்கழகம் 185வது இடத்திலும், ஐஐடி இந்தூர் 185வது இடத்திலும், பிட்ஸ் பிலானி 188வது இடத்திலும், ஜாமியா மில்லியா இஸ்லாமியா 188வது இடத்திலும் உள்ளன. அமிட்டி யூனிவர்சிட்டி நொய்டா 200வது இடத்திலும் உள்ளது.

8 பல்கலைகழகங்கள் முன்னேற்றம்

இவை அனைத்தும் இந்திய பல்கலை கழகங்களும் கல்வி பொது மதிப்பீடு மற்றும் சர்வதேச ஆராய்ச்சி பணியில் மேம்பாடு அடைந்து உள்ளன. மேலும் கடந்த ஆண்டை காட்டிலும் இந்த முறை வெளியான பட்டியலில் இந்தியாவின் 8 பல்கலைக்கழங்கள் தரவரிசையில் முன்னேற்றம் கண்டுள்ளன என்ற தகவலும் வெளியாகி உள்ளது.

English summary

QS has published a ranking list of top 200 educational institutions in Asia. A total of 19 Indian universities including IIT Madras, Anna University, VIT Vellore operating in Tamil Nadu are included in this.