சர்ச்சையை கிளப்பிய.. ‛தி கேரளா ஸ்டோரி' திரைப்படத்துக்கு 2 தேசிய விருதுகள்.. இயக்குநருக்கு ஜாக்பாட்

டெல்லி: நாடு முழுவதும் பெரும் சர்ச்சையை கிளப்பிய ‛தி கேரளா ஸ்டோரி' திரைப்படத்துக்கு 2 தேசிய விருதுகள் அறிவிக்கப்பட்டுள்ளது. கேரளாவில் இஸ்லாமியர்களின் கடும் எதிர்ப்பை சம்பாதித்த இந்த திரைப்படம் தமிழகம் உள்பட பல மாநிலங்களிலும் சர்ச்சையை கிளப்பியது. திரையரங்குகளில் பலத்த பாதுகாப்பு போடப்பட்டு இருந்தது. இந்நிலையில் தான் அந்த படத்துக்கு 2 தேசிய விருது அறிவிக்கப்பட்டுள்ளது.

நம் நாட்டில் சினிமாத்துறையை பொறுத்தவரை தேசிய விருது தான் உயரிய விருதாக உள்ளது. சிறந்த நடிகர், நடிகைகள், திரைக்கதை, ஒளிப்பதிவு, இயக்குநர் என்று ஒவ்வொருவரையும் அடையாளம் கண்டு இந்த விருது வழங்கப்பட்டு வருகிறது.

ஒவ்வொரு ஆண்டும் தேசிய விருது வழங்கப்பட்டு வருகிறது. இந்நிலையில் தான் 71வது தேசிய திரைப்பட விருதுகள் இன்று அறிவிக்கப்பட்டன. 2023ம் ஆண்டில் வெளியான திரைப்படங்களில் அடிப்படையில் இந்த விருது அறிவிக்கப்பட்டது.

அதன்படி கேரளா உள்பட இந்தியா முழுவதும் பெரும் சர்ச்சையை கிளப்பிய ‛தி கேரளா ஸ்டோரி' திரைப்படத்துக்கு 2 தேசிய விருதுகள் அறிவிக்கப்பட்டது. அந்த படத்தின் இயக்குநர் சுதிப்தோ சென்னுக்கு சிறந்த இயக்குநருக்கான தேசிய விருதும், படத்தின் ஒளிப்பதிவாளர் பிரசந்தனு மொஹபத்ராவுக்கு சிறந்த ஒளிப்பதிவுக்கான தேசிய விருதும் அறிவிக்கப்பட்டது.

இந்த திரைப்படம் அடா சர்மா, சித்னி இட்னானி உள்ளிட்டோர் முக்கிய கதாபாத்திரங்களில் நடித்து இருந்தார். கேரளாவைச் சேர்ந்த 4 பெண்கள் நர்சிங் கல்லூரியில் படிக்கின்றனர். விடுதியில் அவர்கள் ஒரே அறையில் தங்குகின்றனர். அதில் ஒருவர் இஸ்லாமியர். அவர் 3 பேரிடமும் இஸ்லாம் பற்றி பேசி மூளைச்சலவை செய்கிறார். இதில் 2 பேர் மதமாற்றம் அடைகின்றனர். அவர்களை ஐஎஸ்ஐஎஸ் தீவிரவாத அமைப்புக்காக சிரியா போன்ற நாடுகளுக்கு கடத்தி ஒப்படைக்கும் முயற்சி பலித்ததா? இல்லையா? என்பது தான் திரைப்படமாகும்.

மேலும் இது உண்மை கதை எனவும், கேரளாவைச் சேர்ந்த 32,000 பெண்கள் மதமாற்றம் செய்யப்பட்டு ஐஎஸ்ஐஎஸ் அமைப்பில் சேர்க்கப்பட்டனர் என்றும் டிரெயிலரில் தெரிவிக்கப்பட்டது. இந்த திரைப்படம் கேரளாவில் சர்ச்சையை கிளப்பியது. படத்தை வெளியிட எதிர்ப்பு கிளம்பியது. இஸ்லாமியர்கள் கொதிப்படைந்தனர்.

அதேபோல் தமிழகம் உள்பட இந்தியா முழுவதும் இந்த திரைப்படம் சர்ச்சையை கிளப்பிய நிலையத்தில்சிறந்ந்த இயக்குநர், சிறந்த ஒளிப்பதிவு என 2 பிரிவுகளில் ‛தி கேரளா ஸ்டோரி' தேசிய விருது வென்றுள்ளது கவனிக்கத்தக்கது.

English summary

National Film Awards for The Kerala Story (தி கேரளா ஸ்டோரி திரைப்படத்துக்கு 2 தேசிய விருதுகள் அறிவிப்பு): The film 'The Kerala Story', which has sparked a huge controversy across the country, has been announced to win 2 National Awards. The film, which has drawn strong opposition from Muslims in Kerala, has also sparked controversy in many states including Tamil Nadu. Heavy security was put in place in the cinema halls. It is in this context that the film has been announced to win 2 National Awards.