மளமளவென இடிந்த கட்டடம்.. டெல்லியில் அதிகாலையில் நடந்த சோகம்.. 4 பேர் பலி.. மீட்பு பணி தீவிரம்

டெல்லி: டெல்லி முஸ்தபாபாத்தில் இன்று அதிகாலையில் திடீரென கட்டடம் இடிந்து விழுந்தது. இதில் கட்டடத்தில் வசித்தவர்கள் இடிபாடுகளுக்குள் சிக்கினர். மீட்பு பணி தீவிரமாக நடந்து வரும் நிலையில் 4 பேர் இறந்துள்ளனர். இன்னும் பலர் இடிபாடுகளுக்குள் சிக்கி இருப்பதால் பலி எண்ணிக்கை அதிகரிக்க வாய்ப்புள்ளது.

டெல்லி முஸ்தபாபாத் ஏரியாவில் வீடுகள் நெருக்கமாக அமைந்துள்ளது. இடபற்றாக்குறை காரணமாக ஒவ்வொரு வீடுகளுக்கும் இடையேயான இடைவெளி என்பது மிகவும் குறைவாக தான் இருக்கிறது.

அதுமட்டுமின்றி ஒவ்வொரு கட்டடங்களும் அடுக்குமாடி கட்டடமாக கட்டப்பட்டுள்ளன. இதனால் ஒரே கட்டடத்தில் ஒன்றுக்கும் மேற்பட்டு பல குடும்பங்களால் தங்க முடியும்.

இந்நிலையில் தான் டெல்லி முஸ்தபாபாத் ஏரியாவில் இன்று அதிகாலையில் திடீரென்று ஒரு கட்டடம் இடிந்து விழுந்தது. கட்டடம் இடிந்து விழுந்த சத்தம் கேட்டு அக்கம்பக்கத்தில் உள்ளவர்கள் அதிர்ந்து போயினர். தூக்கத்தில் இருந்து கண்விழித்த அவர்கள் உடனடியாக போலீசாருக்கு தகவல் தெரிவித்தனர். போலீசார், தீயணைப்பு வீரர்கள், தேசிய பேரிடர் மீட்பு படையினர் விரைந்து வந்து கட்டட இடிபாடுகளுக்குள் சிக்கியவர்களை மீட்கும் பணியில் ஈடுபட்டு வருகின்றனர்.

#WATCH | Delhi: Mustafabad building collapse caught on camera.

As per Delhi Police, "Among the 10 people who were taken out, 4 succumbed. Rescue operations still underway"

(Source - local resident) https://t.co/lXyDvOpZ3q pic.twitter.com/NlknYWODRR

— ANI (@ANI) April 19, 2025

இன்று காலை 7.30 மணி நிலவரப்படி 10 பேர் வரை மீட்கப்பட்டுள்ளனர். இதில் 4 பேர் வரை இறந்துள்ளனர் என்பது சோகமான விஷயமாகும். மற்றவர்கள் மருத்துவமனையில் அனுமதிக்கப்பட்டுள்ளனர். இன்னும் சிலர் கட்டட இடிபாடுகளுக்குள் சிக்கியிருப்பதால் மீட்பு பணி தொடர்ந்து நடைபெற்று வருகிறது.

திடீரென்று இந்த கட்டடம் இடிந்து விழுந்ததற்கான காரணம் என்ன? என்பது தெரியவில்லை. முன்னதாக நேற்று இரவு டெல்லியில் இடி, மின்னலுடன் கனமழை வெளுத்து வாங்கியது. இதனால் மழையின் காரணமாக கட்டடம் இடிந்து விழுந்து இருக்கலாம் என்ற சந்தேகம் உள்ளது. இதுபற்றி போலீசார் விசாரணை மேற்கொண்டு வருகின்றனர்.

English summary

4 people died after a building collapsed at Mustafabad due to heavy rain in Delhi. Many feared being trapped in this building. Rescue work starts from the National Disaster Response Force and Delhi Police.