மோடி அரசு மீது 54% மக்கள் திருப்தி.. இந்தியா டுடே சர்வே
டெல்லி: மோடி அரசில் மக்கள் எந்த அளவுக்கு திருப்தியடைந்துள்ளார்கள் என்பதை இந்தியா டுடே தேசத்தின் மனநிலை கருத்துக் கணிப்பு வெளிப்படுத்தியுள்ளது.
இதுகுறித்து இந்தியா டுடே மற்றும் கார்வி இன்சைட்ஸ் ஆகியவை இணைந்து நடத்திய கருத்துக் கணிப்பு முடிவுகளில் வெளியாகியுள்ள தகவல்களை பாருங்கள்:
54 சதவீதம் பேர் மோடி அரசில் திருப்தியடைந்துள்ளதாகவோ அல்லது மிகவும் திருப்தியடைந்துள்ளதாகவோ தெரிவித்துள்ளனர். 23 சதவீதம் பேர் திருப்தி என்றோ அல்லது திருப்தி இல்லை என்றோ கூற முடியாத மனநிலையில் உள்ளதாக கூறியுள்ளனர்.
21 சதவீதம் பேர் அதிருப்தியடைந்துள்ளதாக கூறியுள்ளனர். இதே சர்வேயில், பாஜக தலைமையிலான தேசிய ஜனநாயக கூட்டணி 237 தொகுதிகளை வெல்லக்கூடுமம் என்றும் தெரிவிக்கப்பட்டுள்ளது. கடந்த லோக்சபா தேர்தலில் பாஜக கூட்டணி 336 தொகுதிகளை வென்றிருந்தது குறிப்பித்தக்கது.
காங்கிரஸ் தலைமையிலான ஐக்கிய முற்போக்கு கூட்டணியும் கூட முழு அறுதி பெரும்பானமை பெற முடியாது என்று தெரிவிக்கப்பட்டுள்ளது. இந்த கருத்துக் கணிப்புப்படி, தொங்கு நாடாளுமன்றம்தான் அமையும் என்று கூறப்பட்டுள்ளது.
Click it and Unblock the Notifications
Sign in with Google