கோலார் ’மோடி’ பேச்சு, 2 ஆண்டு சிறை, உச்சநீதிமன்றம் தீர்ப்பு, மீண்டும் எம்பி-ராகுல் வழக்கு ஒரு பார்வை

Published: Monday, August 7, 2023, 11:19 [IST]

Subscribe to Oneindia Tamil

டெல்லி: அவதூறு வழக்கில் 2 ஆண்டு சிறை தண்டனை விதிக்கப்பட்ட தீர்ப்பை உச்சநீதிமன்றம் நிறுத்தி வைத்த நிலையில் இன்று மீண்டும் லோக்சபா எம்.பி. பதவி அவருக்கு கிடைத்துள்ளது. வயநாடு தொகுதி எம்.பி.யாக ராகுல் காந்தி தொடருவார் என லோக்சபா செயலகம் அறிவித்துள்ளது.

A timeline of Congress leader Rahul Gandhi Defamation Case

ராகுல் காந்தி வழக்கில் இதுவரை நடந்தது என்ன?

2019 ஏப்ரல் 13: மோடி பெயரை முன்வைத்து கர்நாடகா மாநிலம் கோலாரில் ராகுல் காந்தி தேர்தல் பிரசாரம்

2023 மார்ச் 23-ந் தேதி ராகுல் காந்திக்கு 2 ஆண்டு சிறை தண்டனை விதித்து குஜராத் மாநிலம் சூரத் நீதிமன்றம் தீர்ப்பளித்தது.

மார்ச் 24-ந் தேதி ராகுல் காந்தியின் லோக்சபா எம்பி பதவி பறிக்கப்பட்டது.

ஏப்ரல் 3-ந் தேதி சூரத் மாவட்ட அமர்வு நீதிமன்றத்தில் 2 ஆண்டு சிறை தண்டனைக்கு தடை கோரி ராகுல் காந்தி மேல்முறையீட்டு மனுத் தாக்கல் செய்தார்.

ஏப்ரல் 13-ந் தேதி ராகுல் காந்தி மேல்முறையீட்டு மனுவை விசாரித்த சூரத் மாவட்ட அமர்வு நீதிமன்றம் ஏப்ரல் 20-ல் தீர்ப்பு வழங்குவதாக அறிவித்தது.

ஏப்ரல் 20-ந் தேதி 2 ஆண்டு சிறை தண்டனைக்கு தடை கோரிய ராகுல் காந்தியின் மேல்முறையீட்டு மனுவை சூரத் மாவட்ட அமர்வு நீதிமன்றம் டிஸ்மிஸ் செய்தது.

ஏப்ரல் 25-ந் தேதி குஜராத் உயர்நீதிமன்றத்தில் ராகுல் காந்தி மறு ஆய்வு மனுத் தாக்கல் செய்தார்.

ஜூலை 7-ந் தேதி ராகுல் காந்தியின் மறு ஆய்வு மனுவை உச்சநீதிமன்றம் டிஸ்மிஸ் செய்தது.

ஜூலை 15-ந் தேதி, தமக்கு விதிக்கப்பட்ட 2 ஆண்டு சிறை தண்டனைக்கு எதிராக ராகுல் காந்தி உச்சநீதிமன்றத்தில் மேல்முறையீட்டு மனுத் தாக்கல் செய்தார்.

ஜூலை 21-ந் தேதி ராகுல் காந்தி மேல்முறையீட்டு மனுவை விசாரித்த உச்சநீதிமன்றம், வழக்கு தொடர்ந்த பாஜக எம்.எல்.ஏ. புர்னேஷ் மோடிக்கு நோட்டீஸ் அனுப்ப உத்தரவிட்டது.

ஆகஸ்ட் 4-ந் தேதி ராகுல் காந்தி மேல்முறையீட்டு வழக்கில் உச்சநீதிமன்றம் தீர்ப்பளித்தது. ராகுல் காந்திக்கு 2 ஆண்டு சிறை தண்டனை விதித்த குஜராத் மாநிலம் சூரத் கீழ் நீதிமன்றத்தின் தீர்ப்பு நிறுத்தி வைக்கப்பட்டது.