AIADMK General Council Case: உச்சநீதிமன்றத் தீர்ப்பு குறித்து தூக்கமில்லாமல் தவித்தேன்- எடப்பாடி பழனிசாமி

ஜூலை 11 ஆம் தேதி நடந்த அதிமுக பொதுக் குழு தொடர்பாக உச்சநீதிமன்றத்தில் இன்று தீர்ப்பு

மதுரை: உச்சநீதிமன்றத்தின் தீர்ப்பு எப்படி இருக்குமோ என தூக்கமில்லாமல் தவித்தேன் என அதிமுகவின் இடைக்கால பொதுச் செயலாளர் எடப்பாடி பழனிசாமி தெரிவித்தார்.

ஜூலை 11 ஆம் தேதி நடந்த அதிமுக பொதுக் குழுவில் எடப்பாடி பழனிச்சாமி பொதுக் குழு உறுப்பினர்களால் இடைக்கால பொதுச் செயலாளராக தேர்வு செய்யப்பட்டார். மேலும் அதே பொதுக் குழுவில் ஓபிஎஸ் அதிமுக அடிப்படை உறுப்பினர் பதவி உள்ளிட்ட பதவிகளிலிருந்து நீக்கப்பட்டார்.

இதை எதிர்த்து ஓபிஎஸ், அவரது ஆதரவாளர் வைரமுத்து ஆகியோர் ஜூலை 11 ஆம் தேதி நடந்த பொதுக் குழு செல்லாது என அறிவிக்கக் கோரி உயர்நீதிமன்றத்தை நாடினர். அங்கு நடந்த வழக்கு விசாரணையில் அதிமுக பொதுக் குழு செல்லும் என சென்னை உயர்நீதிமன்றம் தீர்ப்பளித்தது. இதையடுத்து உயர்நீதிமன்றத்தின் தீர்ப்பை எதிர்த்து ஓபிஎஸ்ஸும் வைரமுத்துவும் உச்சநீதிமன்றத்தை நாடியுள்ளனர்.

இந்த வழக்கின் அனைத்து தரப்பு வாதங்களும் முடிந்து எழுத்துப்பூர்வமாக விளக்கம் அளிக்கப்பட்டது. இதையடுத்து வழக்கின் தீர்ப்பு தேதி குறிப்பிடாமல் ஒத்தி வைக்கப்பட்டது. இந்த நிலையில் இந்த வழக்கின் தீர்ப்பு இன்று உச்சநீதிமன்றத்தில் வழங்கப்படுகிறது. காலை 10.30 மணிக்கு இந்த வழக்கின் தீர்ப்பை நீதிபதிகள் வழங்குகிறார்கள்.

English summary

AIADMK General Committee Meeting LIVE News Updates in Tamil (ஓபிஎஸ் vs இபிஎஸ்: அதிமுக யாருக்கு..? அதிமுக பொதுக்குழு வழக்கு இன்று உச்சநீதிமன்றம் தீர்ப்பு): Check Out the LIVE News Updates on AIADMK General Council Meeting Case Verdict by Supreme Court Today in Tamil.