பிரஸ் மீட்டில் வந்த சிக்னல்.. ஓரம்கட்டப்படும் மோடி.. பிரதமர் பதவிக்கு அடிபோடும் அமித் ஷா?

லோக்சபா தேர்தலுக்கு பின் பாஜகவில் பிரதமர் மோடியை விட பாஜக தேசிய தலைவர் அமித் ஷா முன்னிறுத்தப்பட அதிக வாய்ப்பு இருப்பதாக தெரிவிக்கிறார்கள்.

Updated: Sunday, May 19, 2019, 9:50 [IST]

Subscribe to Oneindia Tamil

பாஜக எப்படி

லோக்சபா தேர்தலுக்கு பின் மோடியை ஓரங்கட்ட பாஜக முயல்கிறது என்று ஏற்கனவே செய்திகள் வெளியானது. பாஜக மீது இருக்கும் விமர்சனங்களுக்கு மோடியை காரணம் காட்டலாம். அவரை காரணம் காட்டி கட்சி மீது இருக்கும் குறைகளை மறைக்கலாம் என்று பாஜக நினைப்பதாக தெரிகிறது. அத்வானி போல மோடியின் நிலை மாறலாம் என்கிறார்கள்.

நிதின் கட்கரி

இந்த நிலையில்தான் பாஜகவில் நிதின் கட்கரி முன்னிறுத்தப்பட வாய்ப்பு உள்ளதாக செய்திகள் வந்தது. நிதின் ஆர்எஸ்எஸ் நபர். இவருக்கு ஆர்எஸ்எஸ் ஆதரவு பெரிய அளவில் இருக்கிறது. இந்த நிலையில் அவர் மோடிக்கு பதில் கட்சியில் முன்னிறுத்தப்பட வாய்ப்பு இருப்பதாக நிறைய தகவல்கள் வந்தது. நிதின் கட்கரி பேசிய சில விஷயங்களும் அதையே உணர்த்தியது.

ஆனால் இல்லை

ஆனால் பாஜக இதைவிட இன்னும் வலிமையான தலைவர் ஒருவரை தேடுவதாக கூறுகிறார்கள். ஆட்சி அனுபவம் மட்டுமில்லாமல், கட்சியை, கூட்டணியை வழிநடத்தும் அனுபவமும் இருக்க வேண்டும். லோக்சபா தேர்தலுக்கு பின் கூட்டணி வைக்க அந்த அனுபவம் அவசியம். அதனால் நிதின் கட்கரிக்கு பதில் வேறு ஒரு நபரை பிரதமராக முன்னிறுத்த வேண்டும் என்று பாஜக, ஆர்எஸ்எஸ் திட்டமிட்டு இருப்பதாக தெரிகிறது.

அமித் ஷாதான்

இந்த நிலையில்தான், அமித் ஷாவை முன்னிறுத்த பாஜக முயல்வதாக தெரிவிக்கிறார்கள். அமித் ஷா எப்போதும் தேர்தலில் நிற்பதில் ஆர்வம் காட்ட மாட்டார். ஆனால் அவரே தற்போது காந்தி நகரில் போட்டியிடுகிறார். பல்வேறு திட்டங்களை மனதில் வைத்து அமித் ஷா களமிறங்கி இருப்பதாக தெரிவிக்கிறார்கள். பாஜகவில் விரைவில் முக்கிய மாற்றம் வர போகிறது என்கிறார்கள்.

வாய்ப்பில்லை

மோடிக்கு எதிராக அமித் ஷா தொடங்கி பாஜகவின் அனைத்து தலைவர்களும் இருப்பதாக கூறுகிறார்கள். மோடியை விட தனக்குத்தான் அதிகமாக தெரியும் என்பதை உணர்த்தவே மோடியை வைத்து செய்தியாளர்களை அமித் ஷா சந்தித்தார். மோடியை ஒரு படி கீழே காட்டிவிட்டு, அமித் ஷாவை எல்லாம் தெரிந்தவர் என்பது போல காட்டியதும் இதற்காகத்தான் என்கிறார்கள். அந்த பிரஸ் மீட் மொத்தமும் இதை நினைவில் கொண்டே நடத்தப்பட்டதாக தெரிவிக்கிறார்கள்.