யாரைப் பார்த்து தீவிரவாதி என்கிறீர்கள்.. பாஜக தலைவர்களை வெளுத்துத் தள்ளிய கெஜ்ரிவால் மகள்!

டெல்லி: தனது தந்தையை தீவிரவாதி என்று அழைத்த பாஜக தலைவர்களை கடுமையாக விமர்சித்துள்ளார் டெல்லி முதல்வரும் ஆம் ஆத்மி ஒருங்கிணைப்பாளருமான அரவிந்த் கெஜ்ரிவால் மகள் ஹர்ஷிதா.

இரு தினங்களுக்கு முன்பு மத்திய அமைச்சர் பிரகாஷ் ஜவடேகர் அளித்த பேட்டி ஒன்றில், அரவிந்த் கெஜ்ரிவால் தீவிரவாதிதானென்றும் அதற்கான ஆதாரங்கள் இருப்பதாகவும் தெரிவித்தார்.

அவரே தன்னை போராட்டக்காரர் என்று அழைத்துக் கொள்வதாகவும், போராட்டக்காரர், கிளர்ச்சியாளர் என்பதற்கும், தீவிரவாதி என்பதற்கும் பெரிய வித்தியாசம் இல்லை என்றும் தெரிவித்தார்.

பாஜக எம்பி

முன்னதாக, பாஜக எம்பி பர்வேஸ் வர்மா, டெல்லி தேர்தல் பிரச்சாரத்தின்போது பேசுகையில் அரவிந்த் கெஜ்ரிவாலை தீவிரவாதி என்று அழைத்தார். ஷாகின் பாக் போராட்டக்காரர்களுக்கு அவர் பிரியாணி வழங்குவதாகவும் குற்றம்சாட்டினார். இதையடுத்து ஆம் ஆத்மி கொடுத்த புகாரை ஏற்றுக் கொண்ட தேர்தல் ஆணையம் 96 மணி நேரம் பிரச்சாரம் செய்ய அவருக்கு தடை விதித்துள்ளது குறிப்பிடத்தக்கது.

அழுக்கு

இதுகுறித்து அரவிந்த் கெஜ்ரிவால் மகள் ஹர்ஷிதாகூறுகையில், அரசியல் என்பது அழுக்கானது, சாக்கடை என்று கூறுவார்கள். ஆனால், இப்போது பாஜக தலைவர்கள் அதை இன்னும் கீழே கொண்டு சென்று விட்டனர். எனது தந்தையை தீவிரவாதி என்று அழைக்கிறார்கள். ஒரு தீவிரவாதி தான் சுகாதார திட்டங்களை மக்களுக்கு இலவசமாக கொண்டு சேர்த்தாரா?

தீவிரவாதியா

ஒரு தீவிரவாதிதான் அனைத்து குழந்தைகளுக்கும் கல்வி சென்று சேர வேண்டும் என்று பாடுபட்டாரா? ஒரு தீவிரவாதிதான், மின்சாரம் மற்றும் குடிநீர் அனைத்து மக்களுக்கும் சென்றடைய உழைத்தாரா, என்று ஹர்ஷிதா அடுக்கடுக்காக கேள்விகளை எழுப்பியுள்ளார். டெல்லி முதல்வராக அரவிந்த் கெஜ்ரிவால் செய்த பணிகளை அவர் இவ்வாறு. சுட்டிக் காட்டியுள்ளார்.

Harshita Kejriwal,Delhi CM Arvind Kejriwal's daughter: They say politics is dirty but it's a new low. Is it terrorism if health facilities are made free&brought to people?Is it terrorism if children are made educated?Is it terrorism if electricity&water supply are improved?(04.2) pic.twitter.com/hClnayFJTC

— ANI (@ANI) February 5, 2020

தேர்தல் நாள்

பாஜகவின் 200 எம்பிக்களையும், 11 முதல்வர்களையும் கொண்டுவந்து வேண்டுமானாலும் டெல்லியில் பிரசாரம் செய்யட்டும். ஆம் ஆத்மிக்காக 2 கோடி சாமானிய மக்கள் பிரச்சாரம் செய்கிறார்கள். தேர்தல் நாளன்று இவர்களுக்கு தக்க பதிலடி கிடைக்கும். வீண் பழிகளை சுமத்தும் அரசியல் மக்களுக்கு தேவையா? அல்லது வளர்ச்சி பணிகளை மேற்கொள்ள கூடிய அரசு மக்களுக்கு தேவையா என்பதை மக்கள் உணர்ந்து கொண்டுள்ளனர். இவ்வாறு அவர் தெரிவித்தார்.

English summary

Delhi Chief Minister Arvind Kejriwal's daughter have hit out at BJP leaders who called her ejriwal a terrorist in the acrimonious campaign for the Saturday Delhi election, calling it a "new low in politics".