உடனே நிறுத்துங்க! இந்தியா உடன் கைகோர்த்த ஜி 7 நாடுகள்.. அதிர்ச்சியில் ஸ்டன் ஆன பாகிஸ்தான்.. ட்விஸ்ட்
டெல்லி: இந்தியாவிற்கும் பாகிஸ்தானுக்கும் இடையே அதிகரித்து வரும் பதட்டங்களுக்கு மத்தியில், பதட்டத்தை உடனடியாகக் குறைக்க G7 நாடுகள் வலியுறுத்தின. இந்த விவகாரம் பெரிதாகாமல் பாகிஸ்தான் தாக்குதல்களை நிறுத்த வேண்டும் என்று G7 நாடுகள் வலியுறுத்தின.
பாகிஸ்தான், இந்தியா இரண்டும் அணு ஆயுதம் கொண்ட நாடுகள். இப்படி அணு ஆயுதம் ஏந்திய அண்டை நாடுகள் மோதலைத் தடுக்க வேண்டும். விரிவுபடுத்த கூடாது.பிராந்திய ஸ்திரத்தன்மையை உறுதிப்படுத்த இரண்டு நாடுகளும் நேரடி உரையாடலில் ஈடுபட வேண்டும் என்று கூட்டமைப்பு அழைப்பு விடுத்தது.
கனடா, பிரான்ஸ், ஜெர்மனி, இத்தாலி, ஜப்பான், இங்கிலாந்து மற்றும் அமெரிக்காவை உறுப்பினர்களாக கொண்டுள்ள G7 குழு இந்த கோரிக்கையை விடுத்துள்ளன. அந்தந்த நாடுகளின் வெளியுறவு அமைச்சர்கள் சார்பாக இந்த கூட்டு அறிக்கை வெளியிடப்பட்டு உள்ளது.
அதில் பாகிஸ்தானுக்கு கடுமையான குட்டும் வைக்கப்பட்டு உள்ளது. ஏப்ரல் 22 அன்று பஹல்காமில் நடந்த கொடூரமான பயங்கரவாதத் தாக்குதலை கடுமையாகக் கண்டிக்கிறோம். இதில் பாகிஸ்தான் முறையான விசாரணைகளை மேற்கொள்ள வேண்டும். மேலும் இந்தியா மற்றும் பாகிஸ்தான் இரு நாடுகளும் அதிகபட்ச நிதானத்தைக் கடைப்பிடிக்க வேண்டும் என்று வலியுறுத்துகிறோம் என்று அந்த அறிக்கையில் கூறப்பட்டுள்ளது.
பாகிஸ்தானுக்கு கண்டனம் விதித்ததன் மூலம்.. இந்தியா உடன் ஜி 7 நாடுகள் கைகோர்த்து உள்ளது. கனடா, பிரான்ஸ், ஜெர்மனி, இத்தாலி, ஜப்பான், இங்கிலாந்து மற்றும் அமெரிக்கா ஆகியவை உலகின் டாப் பொருளாதார நாடுகள் ஆகும். அதிக பலம் கொண்ட பொருளாதார நாடுகள் ஆகும். இவை இந்தியாவுடன் கரம் கோர்த்து உள்ளன.
போர் நடக்கும் அபாயம்
இந்த தொடர் மோதல்களால் இரண்டு நாடுகளுக்கும் இடையில் போர் மூளும் அபாயம் ஏற்பட்டு உள்ளது. அப்படி நடக்கும் பட்சத்தில் எந்தெந்த நாடுகள் இந்தியாவை ஆதரிக்கும், பாகிஸ்தானை ஆதரிக்கும், நடுநிலையாக இருக்கும் என்று பார்க்கலாம்.
இந்தியாவை ஆதரிக்கும் நாடுகள்:
அமெரிக்கா - முக்கியமாக மொத்த QUAD கூட்டாண்மை வழியாக அமெரிக்கா ஆதரிக்கும்
பிரான்ஸ் - வலுவான உறவு (எ.கா., ரஃபேல் ஜெட்)
ரஷ்யா - பாரம்பரியமாக நெருங்கிய நட்பு நாடு (சீனாவுடன் ரஷ்யா நட்பில் இருந்தாலும், இந்தியாவுடன் இன்னும் நெருக்கமாக உள்ளது).
ஆஸ்திரேலியா - QUAD கூட்டாளி
ஜப்பான் - QUAD கூட்டாளி
யுனைடெட் கிங்டம் - வரலாற்று உறவு உள்ளது., இந்திய புலம்பெயர்ந்தோர் செல்வாக்கு உள்ளது.
இஸ்ரேல் - வலுவான உறவு. இரண்டு நாடுகளுக்கு இடையே பாதுகாப்பு மற்றும் உளவுத்துறை ஒத்துழைப்பு.
வியட்நாம் - சீனாவின் ஆதிக்கத்திற்கு எதிராக இந்தியாவுடன் நெருங்கிய நட்புறவு.
ஐக்கிய அரபு எமிரேட்ஸ் மற்றும் சவுதி அரேபியா - ஆச்சரியப்படும் விதமாக, இந்தியாவுடன் நெருக்கமான உறவு கொண்டது.
பூட்டான், நேபாளம் (நடுநிலை ஆனால் இந்தியாவை நோக்கி சற்று சாய்ந்திருக்கலாம்)
பங்களாதேஷ் - இந்தியாவுடனான உறவு பாகிஸ்தான் எதிர்ப்பால் மீண்டும் புதுப்பிக்கப்படலாம்.
ஏறக்குறைய 10-12 நாடுகள் இந்தியாவை தீவிரமாக அல்லது இராஜதந்திர ரீதியாக ஆதரிக்கலாம்.
பாகிஸ்தானுக்கு ஆதரவாக இருக்கும் நாடுகள்:
சீனா - வலுவான நட்பு. முக்கிய உள்கட்டமைப்பு முதலீடுகள் (CPEC) அதிகம்.
துருக்கி - காஷ்மீர் பிரச்சனைகளில் பாகிஸ்தானுக்கு குரல் கொடுக்கும் முக்கிய ஆதரவாளர்.
மலேசியா (அரசாங்கத்தைப் பொறுத்து) - காஷ்மீர் மீதான சில வரலாற்று ஆதரவு காரணமாக பாகிஸ்தான் பக்கம் சாயலாம்.
கத்தார் - பாகிஸ்தான் உடன் இராணுவ உறவுகளைக் கொண்டுள்ளது.
ஈரான் (ஒருவேளை நடுநிலையாக இருக்கலாம், ஆனால் பாகிஸ்தான் பக்கம் சிறிது அனுதாபம் உள்ளது).
எனவே தோராயமாக 3-5 நாடுகள் பாகிஸ்தானை தீவிரமாக அல்லது இராஜதந்திர ரீதியாக ஆதரிக்கலாம்.
நடுநிலையாக இருக்க வாய்ப்புள்ள நாடுகள்:
ஐரோப்பிய ஒன்றியம் (பிரான்ஸ், இங்கிலாந்து தவிர, மற்ற நாடுகள் இந்தியா பக்கம் செல்லலாம்).
ஆசியான் நாடுகள் (இந்தோனேசியா, தாய்லாந்து போன்றவை நடுநிலையாக இருக்கலாம்).
ஆப்பிரிக்க நாடுகள்
தென் அமெரிக்க நாடுகள் (பிரேசில், அர்ஜென்டினா போன்றவை)
Click it and Unblock the Notifications
Sign in with Google