பீகார் எக்ஸிட் போல்.. மோடி அலை ஓயவே ஓயாது.. பாஜக - நிதிஷ் கூட்டணி மீண்டும் ஆட்சி.. காங்கிரஸ் போல்ட்!
டெல்லி: பீகார் தேர்தலில் பாஜகவுக்கு வெற்றி வாய்ப்பு உள்ளதாக போல் டயரி கருத்துக் கணிப்பு வெளியிட்டு உள்ளது. 184 முதல் 209 தொகுதிகளில் பாஜக - ஐக்கிய ஜனதா தள கூட்டணி வெற்றி பெறும் வாய்ப்பு உள்ளது என்று போல் டயரி கூறி உள்ளது.
காங்கிரஸ் - ராஷ்ட்ரிய ஜனதா தளம் கூட்டணி 32 முதல் 49 தொகுதிகளில் வெற்றி பெறும் வாய்ப்பு என்று போல் டயரி கூறி உள்ளது. மற்றவை 1-5 இடங்களில் வெல்லும் என்றும் இதில் கணிக்கப்பட்டு உள்ளது.
டெல்லி தேர்தலை சரியாக கணித்த போல் டைரி இந்த பீகார் தேர்தலில் பாஜக கூட்டணிக்கு வெற்றி என்று கணித்துள்ளது. டெல்லியில் 70 இடங்களில் பாஜக 42-50 இடங்களை வெல்லும் என்று இந்த நிறுவனம் கணித்தது. பாஜக 48 இடங்களை வென்றது. அதேபோல் ஆம் ஆத்மி 18-25 இடங்களை வெல்லும் என்று கணித்தது. அதேபோல் அப்போது ஆம் ஆத் 22 இடங்களை வென்றது. அதேபோல் இந்த முறை பீகாரில் பீகார் தேர்தலில் பாஜகவுக்கு வெற்றி வாய்ப்பு உள்ளதாக போல் டயரி கருத்துக் கணிப்பு வெளியிட்டு உள்ளது.
பீகாரில் மொத்தம் 243 தொகுதிகள் உள்ளன. பாஜக - ஜேடியூவின் ஆளும் தேசிய ஜனநாயகக் கூட்டணிக்கும் (NDA) எதிர்க்கட்சிகளின் காங்கிரஸ் - ஆர்ஜேடியின் மகா கூட்டணியான மகாகத்பந்தனுக்கும் இடையே கடுமையான போட்டி நிலவுகிறது. இதில் ஆட்சியை பிடிக்க 122 தொகுதிகளில் வெற்றிபெற வேண்டும். மொத்தமுள்ள 243 தொகுதிகளில், 121 தொகுதிகளுக்கான வாக்குப்பதிவு கடந்த 6ம் தேதி நடந்தது. 122 தொகுதிகளுக்கான தேர்தல் இன்று நடைபெற்று வருகிறது. வாக்குகள் எண்ணி முடிவுகள் அறிவிக்கும் பணி நவம்பர் 14 அன்று நடைபெறும். பீகார் சட்டமன்றத் தேர்தலில் 14 லட்சம் புதிய வாக்காளர்கள் உட்பட 7.4 கோடிக்கும் அதிகமானோர் வாக்களிக்கத் தகுதி பெற்றுள்ளனர்.
பீகார் தேர்தல் - முந்தைய ரிசல்ட்ஸ்
பீகார் முந்தைய தேர்தல் முடிவுகள்
பீகார் சட்டமன்றத் தேர்தலின் முடிவுகளுக்காகக் காத்திருக்கும் இந்த வேளையில், அதன் தேர்தல் வரலாறு மிகவும் போட்டி நிறைந்ததாகவும், கணிக்க முடியாத அரசியல் களமாகவும் இருந்துள்ளது. இங்கு கூட்டணிகள் அடிக்கடி மாறுவதும், இறுதி முடிவுகள் பெரும்பாலும் தேர்தலுக்குப் பிந்தைய கருத்துக்கணிப்புகளை மீறி வருவதும் வழக்கமாகிவிட்டது.
2020ஆம் ஆண்டு நடைபெற்ற சட்டமன்றத் தேர்தல், பாஜகவின் தேசிய ஜனநாயகக் கூட்டணிக்கு (NDA) ஒரு நூலிழை வெற்றியைத் தேடித்தந்தது. ஜனதா தளம் (ஐக்கியம்) (JDU) மற்றும் பாரதிய ஜனதா கட்சி (BJP) தலைமையிலான இக்கூட்டணி, பெரும்பான்மைக்குத் தேவையான 122 இடங்களைவிட சற்று அதிகமாகவே பெற்றது.
லோக ஜனசக்தி கட்சி (LJP) தனித்துப் போட்டியிட்டதால் ஏற்பட்ட உள் மோதல்களுக்கு மத்தியிலும், NDA மொத்தம் 125 இடங்களைக் கைப்பற்றியது.
இந்தத் தேர்தலில், தேஜஸ்வி யாதவ் தலைமையிலான ராஷ்ட்ரிய ஜனதா தளம் (RJD) 75 இடங்களுடன் தனிப்பெரும் கட்சியாக உருவெடுத்தது. அதன் முக்கிய கூட்டணிக் கட்சியான காங்கிரஸ் 19 இடங்களைப் பெற்றது. ஒட்டுமொத்தமாக, மகாகத்பந்தன் (மகா கூட்டணி) 110 இடங்களை வென்றது.
தேர்தலுக்குப் பிந்தைய கருத்துக்கணிப்புகள், RJD தலைமையிலான மகாகத்பந்தனுக்குக் குறிப்பிடத்தக்க வெற்றி கிடைக்கும் என்று கணித்திருந்தன. கணிப்புகளை பொய்யாக்கி பாஜக வென்றது.
Click it and Unblock the Notifications
Sign in with Google