அடித்து நொறுக்கும் பாஜக! வட மாநிலங்களில் அப்படியொரு ஆதரவு.. அப்போ காங்.? பரபர லோக்சபா தேர்தல் சர்வே

டெல்லி: விரைவில் நடக்கவுள்ள லோக்சபா தேர்தலில் எந்தக் கட்சி வெல்லும் என்பது குறித்து லோக் போல் அமைப்பு நடத்திய சர்வே முடிவுகள் இப்போது வெளியாகியுள்ளது.

இந்தியாவில் இன்னும் சில மாதங்களில் லோக்சபா தேர்தல் நடைபெற உள்ளது. நாட்டில் இருக்கும் அனைத்து முக்கிய கட்சிகளும் ஏற்கனவே இந்த தேர்தலுக்காக பணிகளை ஆரம்பித்துவிட்டன.

ஒரு பக்கம் பாஜக தனது என்டிஏ கூட்டணி தலைமையில் தேர்தலை எதிர்கொள்கிறது. மறுபுறம் பல்வேறு எதிர்க்கட்சிகளும் ஒன்றாக இணைந்து பாஜகவை வீழ்த்த இந்தியா கூட்டணியை உருவாக்கியுள்ளன.

பிரதான கட்சிகள்: கடந்தாண்டு இறுதியில் நடந்த 5 மாநிலச் சட்டசபைத் தேர்தலில் 3இல் பாஜக ஆட்சியை அமைத்த நிலையில், அந்த தேம்புடன் தேர்தலைச் சந்திக்கிறது பாஜக.. இதற்காகக் கடந்த சில நாட்களுக்கு முன்பு பிரச்சார பாடல் ஒன்றையும் பாஜக வெளியிட்டு இருந்தது. கூட்டணி ஒரு பக்கம் இருந்தாலும் பிரதமர் மோடியை முன்னிறுத்தி பாஜக பிரச்சாரத்தை ஆரம்பித்துவிட்டது.

மறுபுறம் பாஜகவை வீழ்த்த இந்தியா கூட்டணியை எதிர்க்கட்சிகள் உருவாக்கியுள்ளன. நிதிஷ்குமார் விலகியுள்ளது இந்தக் கூட்டணிக்குப் பின்னடைவை ஏற்படுத்தினாலும் கூட, அடுத்தகட்ட நடவடிக்கையில் இந்தக் கூட்டணி தலைவர்கள் இறங்கியுள்ளனர். வரும் நாட்களில் தொகுதிப்பங்கீடு குறித்துப் பல முக்கிய தகவல்கள் வெளியாகும் என்று தெரிகிறது. இதற்கிடையே லோக் போல் அமைப்பு கோவா, உத்தரகண்ட், இமாச்சல பிரதேசம் ஆகிய மாநிலங்களில் நடத்திய சர்வே குறித்த முடிவுகள் இப்போது வெளியாகியுள்ளது.

புது சர்வே: யூனியன் பிரதேசமான கோவாவில் மொத்தம் இரண்டு லோக்சபா இடங்கள் உள்ளன. அதில் பாஜக 1-2 இடங்களில் வெல்ல வாய்ப்புள்ளதாகக் கூறப்பட்டுள்ளது. அதேநேரம் அங்கே காங்கிரஸ் கட்சி 0-1 இடத்தில் மட்டும் வெல்ல வாய்ப்புள்ளதாகக் கூறப்பட்டுள்ளது.

அதேபோல வடமாநிலங்களில் ஒன்றான இமாச்சல பிரதேசத்தில் மொத்தம் 5 லோக்சபா இடங்கள் இருக்கிறது. அதில் பாஜக 2-3 இடங்களில் வெல்ல வாய்ப்புள்ளதாகக் கூறப்பட்டுள்ளது. மறுபுறம் காங்கிரஸ் கட்சி அங்கே 1-2 இடங்களில் மட்டுமே வெல்ல வாய்ப்புள்ளதாக அதில் கூறப்பட்டுள்ளது.

மற்றொரு வடமாநிலமான உத்தரகண்ட்டில் மொத்தம் 5 எம்பி தொகுதிகள் இருக்கிறது. அங்கே பாஜக அப்படியே வெல்லும் என்று லோக் போல் சர்வேயில் கூறப்பட்டுள்ளது. அங்கே பாஜக 4-5 தொகுதிகளில் வெல்ல வாய்ப்புள்ளதாக பாஜக கூறுகிறது. மறுபுறம் காங்கிரஸ் அங்கே 0-1 இடத்தை மட்டுமே பெற வாய்ப்புள்ளதாகக் கூறப்பட்டுள்ளது.

மொத்தம் எத்தனை: இந்த மூன்று மாநிலங்களில் மொத்தமாக 11 இடங்கள் இருக்கிறது. அதில் அதிகபட்சமாக பாஜக 7 முதல் 10 இடங்களில் பாஜக வெல்ல வாய்ப்புள்ளதாகக் கூறப்பட்டுள்ளது. மறுபுறம் காங்கிரஸ் 1 முதல் 4 இடங்களில் மட்டுமே வெல்ல வாய்ப்புள்ளதாகக் கூறப்பட்டுள்ளது.

முன்னதாக தென்னிந்திய மாநிலங்கள் குறித்த சர்வேயை சமீபத்தில் இந்த அமைப்பு வெளியிட்டு இருந்தது. அதில் தென்மாநிலங்களில் மொத்தம் உள்ள 132 இடங்களில் இந்தியா கூட்டணி 83 இடங்களிலும் பாஜக கூட்டணிக்கு 18 இடங்களிலும் வெல்லும் என்று கூறப்பட்டு இருந்தது குறிப்பிடத்தக்கது.

English summary

Lok Poll survey predicts huge victory for BJP in northern states: Lok Poll survery for 2024 Lok Sabha election in tamil.