முடிந்தவரை போராடினோம்.. தோல்வியை ஏற்கிறோம்.. கெஜ்ரிவாலுக்கு வாழ்த்துகள்.. எம்பி கவுதம் காம்பீர்

டெல்லி: டெல்லி சட்டசபை தேர்தலில் ஆம் ஆத்மி கட்சியின் வெற்றியையும் பாஜகவின் தோல்வியையும் ஒப்புக் கொள்கிறேன் அக்கட்சிக்கு எனது வாழ்த்துகள் என கிழக்கு டெல்லியின் எம்பி கவுதம் காம்பீர் தெரிவித்துள்ளார்.

டெல்லி சட்டசபைக்கு கடந்த 8-ஆம் தேதி வாக்குப் பதிவு நடைபெற்றது. 70 தொகுதிகளை கொண்ட சட்டசபைக்கு 36 இடங்களை பெற்றால் பெரும்பான்மை பலம் கிடைத்துவிடும்.

ஜஸ்ட் பாஸ் மார்க் என சொல்லப்படும் 36 சீட்டுகளுக்காக பாஜக, ஆம் ஆத்மி, காங்கிரஸ் கட்சியிடையே கடும் போட்டி நிலவியது. இந்த தேர்தல் முடிவுகள் இன்று வெளியாகி வருகிறது. இதில் 65 இடங்களுக்கு மேல் ஆம் ஆத்மி முன்னிலை வகித்து வருகிறது.

கருத்து

இதனால் கருத்து கணிப்புகளின் படி ஆம் ஆத்மியே வெற்றி பெறும் நிலை உள்ளது. இந்த நிலையில் இந்த வெற்றி குறித்து பாஜகவின் கிழக்கு டெல்லி எம்பி கவுதம் காம்பீர் செய்தியாளர்களிடம் தனது கருத்தை தெரிவித்தார். அவர் கூறுகையில் டெல்லி தேர்தல் முடிவுகளை ஏற்கிறோம். அரவிந்த் கெஜ்ரிவால் மற்றும் டெல்லி மக்களுக்கு வாழ்த்துகளும், பாராட்டுகளும்.

சர்ச்சை

எங்களால் முயன்றதை செய்தோம். எனினும் எங்களால் டெல்லி மக்களை திருப்திப்படுத்த முடியவில்லை. அரவிந்த் கெஜ்ரிவாலின் தலைமையில் டெல்லி வளர்ச்சி பெறும் என நம்புகிறேன் என காம்பீர் தெரிவித்தார். கிரிக்கெட் வீரரான காம்பீர் நாடாளுமன்றத் தேர்தலுக்கு முன்பு தான் பாஜகவில் இணைந்தார். அவர் பிரசாரம் செய்ததிலிருந்தே சர்ச்சைதான்.

BJP MP from East Delhi, Gautam Gambhir: We accept #DelhiElectionResults and congratulate Arvind Kejriwal & the people of Delhi. We tried our best but, probably, we could not convince the people of the state. I hope Delhi develops under the chief ministership of Arvind Kejriwal. pic.twitter.com/GO4HG7s5fI

— ANI (@ANI) February 11, 2020

ஜிலேபி

அண்மையில் காற்று மாசு குறித்து நாடாளுமன்றத்தில் ஆலோசனை நடைபெற்ற போது டெல்லியின் மக்கள் பிரதிநிதி என்ற முறையில் கலந்து கொள்ளாமல் இந்தியா- வங்கதேசம் இடையேயான கிரிக்கெட் போட்டியின் வர்ணனையாளராக சென்றுவிட்டார். மேலும் டெல்லி மக்கள் சுவாசிக்கக் கூட சுத்தமான காற்று இல்லாமல் அவதிப்பட்டு வரும் நிலையில் ஜிலேபி சாப்பிடுவது போல் புகைப்படத்தை ட்விட்டரில் பதிவு செய்திருந்தார்.

பொறுப்பில்லாத காம்பீர்

இதை எதிர்த்து ஆம் ஆத்மி கட்சியினர் காம்பீர் எங்கே என கேட்டு போஸ்டர்களை ஒட்டியிருந்தனர். இதற்கு பதிலளித்த காம்பீர், நாடாளுமன்றத் தேர்தலுக்கு முன்பே கிரிக்கெட் வர்ணனைக்கு பணம் பெற்று ஒப்பந்தம் செய்து கொண்டேன். அதனால்தான் என்னால் ஆலோசனை கூட்டத்தில் பங்கேற்க முடியவில்லை. நான் ஜிலேபி சாப்பிடுவதை நிறுத்திவிட்டால் டெல்லியில் காற்று சுத்தமாகிவிடுமா என கொஞ்சமும் பொறுப்பில்லாமல் கேள்வி எழுப்பினார்.

English summary

BJP MP Gautam Gambhir congratulates Aam Aadmi party and accept the lose of BJP.