ஸ்மிருதி இரானிக்கு மேஜையை தட்டி பாராட்டிய பாஜக எம்பிக்கள்.. காரணம் தெரியுமா?

டெல்லி: ஸ்மிருதி இரானி எம்பியாக பதவியேற்றுக் கொண்ட போது பாஜக எம்பிக்கள் நீண்ட நேரம் மேஜையை தட்டி வரவேற்றனர்.

17ஆவது மக்களவையின் முதல் கூட்டத் தொடர் இன்று தொடங்கியது. கூட்டத்தின் முதல் நாளான இன்று எம்பிக்களுக்கு தற்காலிக சபாநாயகர் வீரேந்திரநாத் குமார் பதவிப்பிரமாணம் செய்து வைத்தார்.

பிரதமர் மோடி, அமித்ஷா, ராஜ்நாத் சிங் உள்ளிட்டோர் இன்று எம்பியாக பதவியேற்றனர். அப்போது பெண்கள் மற்றும் குழந்தைகள் நலத் துறை அமைச்சர் ஸ்மிருதி இரானி அமேதி தொகுதியின் எம்பியாக பதவியேற்றார்.

அப்போது பாஜக எம்பிக்கள் நீண்ட நேரம் மேஜையை தட்டி பாராட்டினர். இதற்கு காரணம் ராகுல்காந்திதான். அமேதி தொகுதியில் ராகுல் காந்தியை எதிர்த்து போட்டியிட்ட ஸ்மிருதி, 55 ஆயிரம் வாக்குகள் வித்தியாசத்தில் வீழ்த்தினார்.

ராகுலை வீழ்த்திய ஸ்மிருதிக்கு அமைச்சரவையில் முக்கிய துறை கிடைக்கும் என எதிர்பார்க்கப்பட்டது. எனினும் அவருக்கு பெண்கள் மற்றும் குழந்தைகள் நலத் துறை கிடைத்துள்ளது. எனினும் ராகுலை தோற்கடித்த உற்சாகத்தை நாடாளுமன்றத்தில் எம்பிக்கள் காட்டியதை நினைத்து பெருமிதம் அடைந்தார் ஸ்மிருதி.

English summary

BJP MPs gave an applause While Smriti Irani took oath as MP as she defeated RahulGandhi in Amedhi.