குடியரசு துணைத் தலைவா் வேட்பாளர் தோ்வு! டெல்லியில் இன்று கூடுகிறது பாஜக ஆட்சிமன்றக் குழு

Updated: Sunday, August 17, 2025, 7:58 [IST]

Subscribe to Oneindia Tamil

டெல்லி: குடியரசு துணைத் தலைவராக இருந்த ஜகதீப் தன்கர் திடீரென ராஜினாமா செய்திருந்தார். இதனையடுத்து புதிய துணைத் தலைவருக்கான தேர்தல் நடைபெற இருக்கிறது. எனவே தேசிய ஜனநாயக கூட்டணி சார்பில் வேட்பாளரை நிறுத்துவது தொடர்பாக இன்று பாஜக ஆலோசனையை மேற்கொள்கிறது.

இதற்காக டெல்லியில் பாஜக ஆட்சிமன்ற குழு இன்று கூடுகிறது. துணைத் தலைவருக்கான வேட்பாளரை தேர்ந்தெடுக்கும் அதிகாரத்தை கட்சியின் பிரதமர் மோடிக்கும், கட்சியின் தலைவர் ஜெ.பி.நட்டாவுக்கும் ஏற்கெனவே கொடுத்திருக்கின்றனர்.

எதிர்க்கட்சிகள் சார்பில் வேட்பாளர் அறிவிக்கப்பட்டால் செப்.9ம் தேதி தேர்தல் நடத்தப்படும். கடந்த 7ம் தேதி வேட்புமனுத்தாக்கல் தொடங்கியிருக்கிறது. இது 21ம் தேதி முடிவடைகிறது. இன்னும் வேட்பாளர்கள் அறிவிக்கப்படவில்லை என்பது கவனிக்கத்தக்கது.