அடேங்கப்பா! ஜெட் ஸ்பீடு! தேர்தலே அறிவிக்கல.. அதுக்குள்ள வேட்பாளர்கள் பட்டியல்.. 'ஷாக்' கொடுத்த பாஜக!
டெல்லி: 5 மாநில தேர்தல் தேதியை தேர்தல் ஆணையமே இன்னும் அறிவிக்காத நிலையில், முதற்கட்ட வேட்பாளர்கள் பட்டியலை அறிவித்து எதிர்க்கட்சிகளுக்கு 'பிபி' ஏற்றியுள்ளது பாஜக தலைமை. மத்திய பிரதேசம், சத்தீஸ்கர் மாநில சட்டப்பேரவை தேர்தலுக்கான முதற்கட்ட வேட்பாளர் பட்டியலை பாஜக வெளியிட்டுள்ளது.
2024 லோக்சபா தேர்தலுக்கு முன்பாக ராஜஸ்தான், மிஸோரம், சத்தீஸ்கர், தெலங்கானா, மத்திய பிரதேசம் ஆகிய 5 மாநிலங்களில் சட்டபேரவைத் தேர்தல் நடைபெற உள்ளது. இந்த 5 மாநில சட்டசபை தேர்தல் முடிவுகள் 2024 நாடாளுமன்ற தேர்தலுக்கான முன்னோட்டமாக அமையும் என எதிர்பார்க்கப்படுகிறது.
இதனால், இந்த 5 மாநில சட்டமன்ற தேர்தல்களை அரசியல் கட்சிகள் தீவிரமாக அனுகுகின்றன. இந்த 5 மாநிலங்களில் உள்ள கட்சிகள் மட்டுமல்லாது, நாடு முழுவதும் உள்ள அரசியல் கட்சிகளும், அரசியல் ஆய்வாளர்களும் இந்த தேர்தலை உற்றுநோக்கி வருகின்றனர்.
தேர்தல் நடைபெறும் 5 மாநிலங்களில், மத்திய பிரதேசத்தில் மட்டுமே பாஜக ஆட்சியில் உள்ளது. ராஜஸ்தான் மற்றும் சத்தீஸ்கரில் காங்கிரஸ் ஆட்சி நடைபெற்று வருகிறது. எனவே, 2024 லோக்சபா தேர்தலில் வென்று மீண்டும் ஆட்சியைக் கைப்பற்றுவதற்கு உத்வேகம் அளிக்கும் வகையில், இந்த 5 மாநில சட்டப்பேரவை தேர்தலில் வெற்றி பெற வேண்டும் என்ற முனைப்புடன் பாஜக பணியாற்றி வருகிறது.
BJP releases the first list of 21 candidates for the upcoming Chhattisgarh Assembly Elections. pic.twitter.com/7vhoSgfbCY
— ANI (@ANI) August 17, 2023
இன்னும் 5 மாநில சட்டப்பேரவை தேர்தலுக்கான தேதி அறிவிக்கப்படவில்லை. இந்த மாத இறுதியில் தேர்தல் தேதி அறிவிக்கப்படும் எனக் கூறப்படுகிறது. இந்நிலையில், சட்டப்பேரவை தேர்தல் தேதியை இந்திய தேர்தல் ஆணையம் அறிவிப்பதற்கு முன்பாகவே தங்களது வேட்பாளர்களை அறிவித்துள்ளது பாஜக.
மத்திய பிரதேசம், சத்தீஸ்கர் ஆகிய மாநில சட்டப்பேரவை தேர்தலுக்கான முதற்கட்ட வேட்பாளர் பட்டியலை பாஜக வெளியிட்டுள்ளது. மத்தியப் பிரதேச சட்டப்பேரவைத் தேர்தலில் மொத்தமுள்ள 230 தொகுதிகளில் பாஜக சார்பில் போட்டியிடும் 39 வேட்பாளர்கள் அடங்கிய முதல் கட்ட பட்டியல் வெளியிடப்பட்டுள்ளது.
BJP releases the first list of 39 candidates for the upcoming Madhya Pradesh Assembly Elections. pic.twitter.com/7xdtQFxz9M
— ANI (@ANI) August 17, 2023
அதேபோல சத்தீஸ்கர் சட்டப்பேரவைத் தேர்தலில், மொத்தமுள்ள 90 தொகுதிகளில் 21 வேட்பாளர்கள் அடங்கிய முதற்கட்ட பட்டியலை பாஜக வெளியிட்டுள்ளது. தேர்தல் ஆணையம் தேர்தலை அறிவிப்பதற்கு முன்பே வேட்பாளர் பட்டியலை பாஜக வெளியிடுவது இதுவே முதல் முறை.
भारतीय जनता पार्टी केन्द्रीय चुनाव समिति की बैठक भाजपा राष्ट्रीय अध्यक्ष श्री @JPNadda की अध्यक्षता में कल दिनांक 16.08.2023 को संपन्न हुई।
— BJP (@BJP4India) August 17, 2023
केन्द्रीय चुनाव समिति ने छत्तीसगढ़ एवं मध्य प्रदेश में होने वाले आगामी विधानसभा चुनाव 2023 के लिए निम्नलिखित नामों पर अपनी स्वीकृति प्रदान… pic.twitter.com/SxDPiWW44d
மத்திய பிரதேசம் மற்றும் சத்தீஸ்கர் சட்டமன்றத் தேர்தல் குறித்து பாஜகவின் மத்திய தேர்தல் குழு நேற்று கூடி ஆலோசித்தது. பாஜக தேசியத் தலைவர் ஜே.பி.நட்டா தலைமையில் நடைபெற்ற இந்த ஆலோசனைக் கூட்டத்தில், பிரதமர் மோடி, உள்துறை அமைச்சர் அமித் ஷா, பாதுகாப்புத்துறை அமைச்சர் ராஜ்நாத் சிங் உட்பட பலர் கலந்து கொண்டனர். இந்நிலையில் தான் இன்று முதற்கட்ட வேட்பாளர் பட்டியல் வெளியாகியுள்ளது.
Click it and Unblock the Notifications
Sign in with Google