லோக்சபா தேர்தல்.. வெளியானது பாஜகவின் 7வது வேட்பாளர் பட்டியல்.. நடிகை நவ்நீத் ராணாவுக்கு வாய்ப்பு
டெல்லி: வரும் லோக்சபா தேர்தலுக்கான பாஜகவின் 7 வது வேட்பாளர் பட்டியல் இன்று வெளியிடப்பட்டுள்ளது. இதில் நடிகை நவ்நீத் ராணாவுக்கு போட்டியிட வாய்ப்பு வழங்கப்பட்டுள்ளது.
இந்தியாவில் 7 கட்டங்களாக லோக்சபா தேர்தல் நடைபெற உள்ளது. ஏப்ரல் 19 ம் தேதி முதற்கட்ட தேர்தலும் ஜுன் 2ம் தேதி 7 ம் கட்ட தேர்தலும் நடைபெற உள்ளது. அதன்பிறகு ஜுன் 4ல் ஓட்டுகள் எண்ணப்பட்டு முடிவுகள் அறிவிக்கப்பட உள்ளது.
தமிழ்நாட்டில் இன்றுடன் வேட்புமனு தாக்கல் நிறைவு பெற்றுவிட்டது. வரும் ஏப்ரல் 19 ல் தேர்தல் நடைபெற உள்ளது. ஆனால் பல மாநிலங்களில் ஏப்ரல் 19 ம் தேதி தேர்தல் நடைபெறவில்லை. அடுத்தடுத்த கட்டங்களில் தான் தேர்தல் நடைபெற உள்ளது.
இந்நிலையில் தான் பிற மாநிலங்களுக்கான வேட்பாளர்களை அனைத்து கட்சிகளும் அறிவித்து வருகின்றனர். அந்த வகையில் பாஜக சார்பில் இன்று 7 வது கட்ட வேட்பாளர் பட்டியல் வெளியிடப்பட்டது. இதில் மொத்தம் 2 வேட்பாளர்களின் பெயர்கள் இடம்பெற்றிருந்தன.
மகாராஷ்டிரா மாநிலம் அமராவதி தனி தொகுதியில் நடிகை நவ்நீத் ராணா வேட்பாளராக களமிறக்கப்பட்டுள்ளார். இவர் கடந்த முறை சுயேச்சையாக போட்டியிட்டு இந்த தொகுதியில் வென்ற நிலையில் பாஜகவில் வாய்ப்பு வழங்கப்பட்டுள்ளது. அதேபோல் அண்டை மாநிலமான கர்நாடகாவில் சித்ரதுர்கா தனி தொகுதியில் கோவிந்த் கார்ஜோள் வேட்பாளராக அறிவிக்கப்பட்டுள்ளார். இவர் கர்நாடகாவின் முன்னாள் அமைச்சர் ஆவார். கடந்த ஆண்டு நடந்த சட்டசபை தேர்தலில் பாஜக சார்பில் போட்டியிட்டு தோற்ற நிலையில் கோவிந்த் கார்ஜோளுக்கு சித்ரதுர்கா (தனி) லோக்சபா தேர்தலில் போட்டியிட பாஜக வாய்ப்பு வழங்கி உள்ளது என்பது குறிப்பிடத்தக்கது.
Click it and Unblock the Notifications
Sign in with Google