#TNWelcomesModi ஹேஷ்டேக்கை டுவிட்டரில் டிரென்டாக்கிய பாஜகவினர்

டெல்லி: பிரதமர் மோடியின் மதுரை வருகைக்கு எத்தனை எதிர்ப்பு கிளப்பியுள்ளதோ அதற்கு இணையாக அவரை வரவேற்கும் ஹேஷ்டேக்குகளை பாஜகவினர் டிரென்டாக்கி வருகின்றனர்.

நீட், விவசாயிகள் பிரச்சினை, மீனவர்கள் பிரச்சினை, மீத்தேன், ஹைட்ரோகார்பன் திட்டம், கஜா புயல், தூத்துக்குடி துப்பாக்கிச் சூடு உள்ளிட்ட விவகாரங்களில் பிரதமர் தமிழகத்துக்கு ஆதரவாக நடந்து கொள்ளவில்லை என்ற குற்றச்சாட்டு உள்ளது.

இந்த நிலையில் மதுரை தோப்பூரில் நடைபெறும் எய்ம்ஸ் மருத்துவமனை அடிக்கல் நாட்டு விழா இன்று நடைபெறுகிறது. இதில் பிரதமர் நரேந்திர மோடி கலந்து கொள்கிறார்.

அவர் தமிழகத்துக்கு வந்தால் கருப்பு கொடி போராட்டம் நடத்தப்படும் என எதிர்க்கட்சிகள் கூறியுள்ளன. இது ஒரு புறம் இருக்க டுவிட்டரிலும் மோடி எதிராக எதிர்ப்பலைகள் வீசுகிறது.

அதில் #GoBackModi, #மோடியே திரும்பி போ உள்ளிட்ட கோஷங்கள் சமூக வலைதளங்களை ஆக்கிரமித்துள்ளன. அதே வேளையில் மோடிக்கு ஆதரவான ஹேஷ்டேக்குகளை பாஜகவினர் டிரென்டாக்கி வருகின்றனர்.

#TNWelcomesModi

— H Raja (@HRajaBJP) January 27, 2019

அதன்படி டுவிட்டரில் #MaduraiThanksModi , #TNWelcomesModi , #MaduraiWelcomesModi , #TNThanksModi, #Tamilnadu உள்ளிட்ட ஹேஷ்டேக்குகள் இன்று டிரென்டிங்கில் உள்ளன.

English summary

BJP makes trending some hashtags such as #MaduraiThanksModi , #TNWelcomesModi , #MaduraiWelcomesModi , #TNThanksModi, #Tamilnadu which welcomes Modi and favours to him.