பாஜகவுக்கு இப்படி ஒரு விளம்பரம் தேவையா.. பேஸ்புக்குக்கு அள்ளி கொடுத்து.. அதிக விளம்பரங்களுடன் லீடிங்

பேஸ்புக் விளம்பரத்துக்கு பாஜக ஏகப்பட்ட செலவு செய்துள்ளது தெரியவந்துள்ளது

டெல்லி: ஃபேஸ்புக் விளம்பரத்துக்காக மட்டும் பாஜக கோடி கணக்கில் செலவு செய்திருக்கிறதாம்.. "இந்த விஷயத்தில் மட்டும் பாஜக, முதலிடத்தை எப்போதுமே பிடித்துவிடுகிறதே எப்படி? பாஜகவுக்கு இப்படி ஒரு விளம்பரம் தேவையா?" என்ற விமர்சனங்கள் எழுந்து வரும் அளவுக்கு, அது சம்பந்தமான ஒரு லிஸ்ட் வெளியாகி உள்ளது!

ஃபேஸ்புக் பக்கங்களில் பாஜக பல்வேறு பெயர்களில் இயங்கி வருவதாகவும், அப்படி செயல்படும் பக்கங்களுக்கு முன்னுரிமை அளிக்கும் வகையில் அந்த பேஸ்புக் நிறுவனத்திற்கு விளம்பரமும் தந்து வருவதாகவும், சொல்லப்படுகிறது.. இதை முன்னிறுத்திதான், மோடி அரசுக்கு ஆதரவாக ஃபேஸ்புக் நிறுவனம் செயல்படுவதாக சமீபத்தில் கூடஒரு குற்றச்சாட்டு எழுந்தது.

இப்படி ஒரு புகார் எழுந்த நிலையில், ஃபேஸ்புக்கில் அதிக செலவில் அரசியல் விளம்பரம் செய்த இந்திய அரசியல் கட்சிகளில், பாஜக திரும்பவும் முதலிடத்தை பிடித்திருக்கிறதாம்.

2019-ம் ஆண்டு, பிப்ரவரி மாதம் முதல் 2020-ம் ஆண்டு ஆகஸ்ட் வரையிலான இந்த ஒன்றரை வருஷத்தில் இந்திய அரசியல் கட்சிகள் விளம்பரத்திற்காக மட்டும் எவ்வளவு செலவு செய்தன என்பது குறித்த லிஸ்ட் ஒன்று சமீபத்தில் வெளியிடப்பட்டது.

அதில், இந்த ஒன்றரை வருஷத்தில், ரூ.4.61 கோடியை ஃபேஸ்புக் விளம்பரத்திற்காக பாஜக மட்டுமே செலவு செய்துள்ளது... முதல் 10 இடங்களில் உள்ள பேஸ்புக் அக்கவுண்ட்டுகளில் 4 அக்கவுண்ட்டுகள் பாஜகவுடடன் தொடர்புடையவை என்று தெரியவந்துள்ளது. அதில் 3 கணக்குகளின் பெயர்கள் பாஜக ஆபீஸ் அட்ரசுடன் இணைக்கப்பட்டுள்ளன என்றும் கூறப்பட்டுள்ளது.

"My First vote for modi" என்ற பக்கம் கடந்த 18 மாசத்தில் ரூ.1.39 கோடிக்கு செலவிட்டுள்ளது. "Bharat ke Mann ki Baat" என்ற ஃபேஸ்புக் பக்கம் ரூ.2.24 கோடி செலவிட்டுள்ளது. இந்த 2 ஃபேஸ்புக் பக்கங்களும் நாடாளுமன்றத் தேர்தலுக்கு 4 மாசத்துக்கு முன்பாகவே தொடங்கப்பட்டதாகும். "Nation with Namo" என்ற ஃபேஸ்புக் பக்கம் ரூ.1.28 கோடியும் பாஜக முன்னாள் எம்பி ஆர்கே சிங்கா தொடர்புடைய ஒரு பக்கம் 65 லட்சம் ரூபாயையும் செலவிட்டுள்ளது.

ஆக, இந்த கணக்கை எல்லாம் மொத்தமாக சேர்த்து பார்த்தால், பாஜகவின் செலவு ரூ.10.17 கோடியாக உயரும் என்று கூறப்பட்டுள்ளது.. காங்கிரஸ் கட்சிக்கு இந்த 18 மாசத்தில் மொத்தமாக செலவு செய்யப்பட்ட தொகை ரூ.1.84 கோடியாம். ஆம் ஆத்மி கட்சி 69 லட்சம் ரூபாய் செலவிட்டுள்ளது.

இது பாஜகவுக்கு தேவையா? இப்படி ஃபேஸ்புக்கில் செலவு செய்துதான் மக்களிடையே நிறைய உண்மையை மூடி மறைப்பதாக விமர்சனங்கள் எழுந்து வருகின்றன!

English summary

bjp was the largest political advertiser on facebook in india