விர்ச்சுவல் மீட்டிங்கிற்கு நேரில் வரணுமா? - பாஸின் மிரட்டலுக்கு தகுந்த பதிலடி கொடுத்த Gen Z ஊழியர்!

சென்னை: காலம் வேகமாக மாறிக்கொண்டே வருகிறது. குறிப்பாக Gen Z தலைமுறையினர் அனைத்து துறைகளிலும் பழமையான மரபுகளை அடித்து துவைத்து வருகின்றனர். இப்படி இருக்கையில், விர்ச்சுவல் மீட்டிங்கிற்கு நேரில் வர வேண்டும் என்று சொன்ன பாஸுக்கு, Gen Z ஊழியர்கள் ஒருவர் நச் பதிலடி கொடுத்திருப்பது பேசு பொருளாகி உள்ளது.

இது தொடர்பான ஸ்கிரீன்ஷாட்கள் சோஷியல் மீடியாக்களில் பரவலாக ஷேராகி வருகின்றன. அதில், Gen Z ஊழியர் சொன்ன பதிலை போல, தாங்களும் சொல்ல நினைப்பதாக பலரும் கமென்ட் தெரிவித்து வருகின்றனர்.

என்ன நடந்தது?

நிறுவனத்தின் பாஸ், தனது ஊழியருக்கு ஒரு மெசேஜ் அனுப்பியிருக்கிறார். அதில், காலை 7 மணிக்கு ஆன்லைன் மீட்டிங் ஏற்பாடு செய்யப்பட்டிருப்பதாகவும், இதற்காக அலுவலகத்திற்கு காலை 6.30 மணிக்கே வந்துவிட வேண்டும் என்றும் சொல்லப்பட்டிருக்கிறது. ஒருவேளை வரவில்லை எனில், அது கீழ்படியாமை என்று பொருள் கொள்ளப்படும். இதற்காக நீங்கள் சஸ்பெண்ட் கூட செய்யப்படலாம் என்று எச்சரிக்கபடப்டிருந்தது.

Gen Z

இந்த மெசேஜை படிக்கும்போது, ஆன்லைன் மீட்டிங் என சொல்லிவிட்டு எதுக்குடா நேர்ல வர சொல்றீங்க என நமக்கே கேட்க தோன்றுகிறது. 90's கிட்ஸ் நமக்கே இப்படியெனில், Gen Z ஊழியருக்கு எப்படி இருக்கும்?

நச் ரிப்ளை

எனவே அந்த ஊழியர், இதற்காக நறுக்கென கேட்டுவிட்டார். "தகவல் சொன்னதற்கு நன்றி, ஆன்லைன் மீட்டிங்கிற்கு நான் நேரில் வரப்போவதில்லை. மீட்டிங்கின் பெயரே 'விர்ச்சுவல்' என்பதால், நான் ஆன்லைன் மூலமாகவே கலந்துகொள்வேன். வருகையை விட, இருக்கும் இடத்தைக் காட்டி வேலை நீக்கம் செய்வேன் என மிரட்டுவது, கம்பெனி பாலிசி போலத் தெரியவில்லை, இது 'PowerPoint Abuse' (அதிகார துஷ்பிரயோகம்) போலத் தெரிகிறது. நான் ஆன்லைனில் வந்துவிட்டேன்" என்று கூறியிருக்கிறார்.

இந்த ரிப்ளை தொடர்பான ஸ்கிரீன்ஷாட்கள் சோஷியல் மீடியாக்களில் பரவலாக ஷேராகி வருகிறது. இப்படிதான் நச் பதில் கொடுக்க வேண்டும் என்று பலரும் கூறி வருகின்றனர்.

பணி சூழல்

பணி சூழல் என்பது இந்தியாவில் மிக மோசமானதாக மாறியிருக்கிறது. அதிகாரிகளுக்கு கீழ்படிபவர்களே உண்மையான பணியாளர்கள் என்று கருதும் நிலை உருவாகியிருக்கிறது. இதை உடைக்க நீண்ட போராட்டம் தேவைப்படுகிறது. இப்படி இருக்கையில் Gen Z தலைமுறையினர் இதனை அசால்ட்டாக உடைத்து வருகின்றனர்.

English summary

Boss Asks Gen Z Staffer to Commute for a Virtual Call: Times are changing rapidly. The Gen Z generation, in particular, is challenging and overturning old traditions in all fields. In this context, a sharp reply given by a Gen Z employee to a boss who insisted on attending a virtual meeting in person has become a topic of discussion.