"தங்கம் விலை குறைகிறது.." பட்ஜெட் 2024: எந்த பொருட்கள் விலை உயர்கிறது.. எதன் விலை குறைகிறது?
டெல்லி: மத்திய நிதியமைச்சர் நிர்மலா சீதாராமன் இன்றைய தினம் மத்திய பட்ஜெட்டை தாக்கல் செய்தார். அவர் தாக்கல் செய்யும் ஏழாவது பட்ஜெட் இதுவாகும். இதில் பல்வேறு பொருட்களுக்கான வரியை நிர்மலா சீதாராமன் மாற்றி அமைத்தார். இதன் காரணமாக சில பொருட்களின் விலை குறையும் அதேநேரம் சில பொருட்களின் விலை அதிகரிக்கவும் செய்கிறது. இது குறித்து நாம் விரிவாக பார்க்கலாம்.
நமது நாட்டில் வழக்கமாக ஒவ்வொரு ஆண்டும் பிப். 1ம் தேதி மத்திய பட்ஜெட் தாக்கல் செய்யப்படும். அதைத் தொடர்ந்து மற்ற மாநில அரசுகளும் பட்ஜெட்களை தாக்கல் செய்யும்.
நிர்மலா சீதாராமன்: ஆனால், இந்தாண்டு மத்தியில் லோக்சபா தேர்தல் நடைபெற்றதால் நிர்மலா சீதாராமன் கடந்த பிப். மாதம் இடைக்கால பட்ஜெட்டையே தாக்கல் செய்தார். லோக்சபா தேர்தலில் வென்று என்டிஏ கூட்டணி ஆட்சியைப் பிடித்துள்ள நிலையில், இன்றைய தினம் நிதியமைச்சர் நிர்மலா சீதாராமன் முழு பட்ஜெட்டை தாக்கல் செய்தார். இதற்காக நேற்றைய தினம் நாடாளுமன்ற பட்ஜெட் கூட்டத்தொடர் தொடங்கியது. அதைத் தொடர்ந்து பொருளாதார ஆய்வறிக்கையும் தாக்கல் செய்யப்பட்டது.
பட்ஜெட் கூட்டத்தொடரின் இரண்டாவது நாளான இன்று மத்திய நிதியமைச்சர் நிர்மலா சீதாராமன் பட்ஜெட்டை தாக்கல் செய்தார். நிர்மலா சீதாராமன் தாக்கல் செய்யும் ஏழாவது பட்ஜெட் இதுவாகும்.. கிராமப்புறப் பொருளாதாரம், விவசாயம், சிறு குறு தொழிற்சாலைகள் உள்ளிட்ட விஷயங்களுக்கு இதில் முக்கியத்துவம் கொடுக்கப்பட்டுள்ளது.
கடந்த பட்ஜெட்: மேலும், பொதுவாக பட்ஜெட் அறிவிப்பில் பல முக்கிய பாயிண்டுகள் இடம்பெற்று இருக்கும். இதனால் பல பொருட்கள் காஸ்ட்லியாகவும் பல பொருட்கள் மலிவானதாகவும் மாறும். அதன்படி கடந்த 2023-24 பட்ஜெட்டிற்கு பிறகு தொலைக்காட்சிகள், ஸ்மார்ட்போன்கள், இறால் தீவனம், ஆய்வக வைரங்கள் விலை கணிசமாகக் குறைந்தன. மறுபுறம் சிகரெட், சைக்கிள்கள், கவரிங் நகைகள், விமான டிக்கெட்கள், மின்சார புகைபோக்கி, ஜவுளி ஆகியவை காஸ்ட்லியாக மாறின.
விலை குறையும்: அதேபோல ஸ்மார்ட்போன்கள், 25 முக்கியமான கனிமங்கள், சோலர் மின்சார உபகரணங்கள், கடல் ஆய்வு பொருட்கள், தங்கம், வள்ளி உள்ளிட்ட பொருட்களுக்கு வரி குறைக்கப்பட்டுள்ளன. இதனால் இதன் விலை குறைய வாய்ப்பு இருக்கிறது.
இ-காமர்ஸ் மீதான டிடிஎஸ் விகிதம் 1 சதவீதத்தில் இருந்து 0.1 சதவீதமாகக் குறைக்கப்பட்டுள்ளது. இது தவிர 25 முக்கியமான கனிமங்கள், தங்கம், வள்ளி உள்ளிட்ட பொருட்களுக்கு வரி குறைக்கப்பட்டுள்ளன. இதனால் இதன் விலை குறைய வாய்ப்பு இருக்கிறது.
விலை அதிகரிக்கும்: அதேபோல அமோனியம் நைட்ரேட், பிலாஸ்டிக், தொலைத்தொடர்பு உபகரணங்களின் வரி அதிகரித்துள்ளதால் இது சார்ந்த பொருட்களின் விலை அதிகரிக்க வாய்ப்பு இருக்கிறது.
தங்கம் விலை: கடந்த சில மாதங்களாகவே தங்கம் விற்பனை குறைந்துள்ளதாகவும் இதனால் தங்கம் மீதான டியூட்டியை குறைக்க வேண்டும் என்றும் நகைக்கடை வியாபாரிகள் கோரிக்கை விடுத்து வந்தனர். இதை ஏற்றுத் தங்கத்திற்கான வரியைக் குறைத்துள்ளனர். தங்கம், வெள்ளிக்கான இறக்குமதி வரி 15%இல் இருந்து 6%ஆக குறைக்கப்பட்டுள்ளது. பிளாடினத்திற்கான வரியும் 6.4%ஆக குறைக்கப்பட்டுள்ளது. இதன் காரணமாகத் தங்கம் விலை கணிசமாகக் குறைகிறது. சென்னையில் பட்ஜெட்டிற்கு பிறகு ஒரு சவரன் தங்கம் ரூ.2080 வரை குறைந்துள்ளது குறிப்பிடத்தக்கது.
Click it and Unblock the Notifications
Sign in with Google