அரசு ஊழியர்களுக்கு ஜாக்பாட் அறிவிப்பு.. தீபாவளி போனஸ் வழங்க ஒப்புதல்.. யாருக்கு எவ்வளவு கிடைக்கும்!

டெல்லி: மத்திய அரசு ஊழியர்களுக்கு சூப்பர் செய்தியாக தீபாவளி போனஸ் வழங்க மத்திய அரசு ஒப்புதல் அளித்துள்ளது.

ஒவ்வொரு ஆண்டும் மத்திய அரசு மற்றும் மாநில அரசு குறிப்பிட்ட ஊழியர்களுக்குத் தீபாவளி சமயத்தில் போனஸ் வழங்கப்படுவது வழக்கம். கடைநிலை ஊழியர்களுக்கு இதுபோல வழங்கப்படும் போனஸ் மிகவும் உதவியாக இருக்கும்.

பல குடும்பங்களில் தீபாவளி பண்டிகையைச் சிறப்பாகக் கொண்டாட இந்த போனஸ் மிகவும் முக்கியமாக உதவும். இந்தாண்டு அடுத்த மாதம் அதாவது நவ. 12ஆம் தேதி தீபாவளி கொண்டாடப்படுகிறது.

போனஸ்: தீபாவளிக்கு ஒரு மாதத்திற்குக் குறைவான நாட்களே இருக்கும் நிலையில், தீபாவளி போனஸ் குறித்த அறிவிப்பு எப்போது வரும் என மத்திய அரசு ஊழியர்கள் ஆவலாகக் காத்திருந்தனர். இதற்கிடையே இது தொடர்பான முக்கிய அறிவிப்பு இப்போது வெளியாகியுள்ளது.

அதன்படி மத்திய அரசு ஊழியர்களுக்குத் தீபாவளி போனஸ் வழங்க ஒப்புதல் அளிக்கப்பட்டுள்ளது. C பிரிவு & கெசட் ரேங்க் இல்லாத B பிரிவு ஊழியர்களுக்குத் தீபாவளி போனஸ் வழங்க மத்திய அரசு ஒப்புதல் அளித்துள்ளது.

The central government has approved a Diwali bonus for Group C and non-gazetted Group B rank officials, including paramilitary forces, with a maximum limit of Rs 7,000. (n/1) pic.twitter.com/IK0if6Swxh

— Press Trust of India (@PTI_News) October 17, 2023

எவ்வளவு கிடைக்கும்: அதேபோல துணை ராணுவப் படைகளில் பணிபுரிவோருக்கும் தீபாவளி போனஸ் அளிக்க ஒப்புதல் தரப்பட்டுள்ளது. ஊழியர்களுக்கு அதிகபட்சமாக ரூ.7000 வரை போனஸ் அளிக்க மத்திய அரசு ஒப்புதல் அளித்துள்ளது.

எந்தெந்த ஊழியர்களுக்கு எவ்வளவு போனஸ் கிடைக்கும் என்பது குறித்து மத்திய அரசு விரிவான அறிக்கை ஒன்றையும் வெளியிட்டுள்ளது. இது மத்திய அரசு ஊழியர்களுக்கு மிகப் பெரிய மகிழ்ச்சியைத் தருவதாகவே அமைந்துள்ளது.

English summary

Diwali bonus for Central govt employees got approved: Central govt Diwali bonus announcement latest in tamil.