அல்லா ரக்கா ரகுமான்.. ஏ.ஆர் ரகுமான் திடீரென்று போட்ட ஒரு டிவிட்.. இணையம் முழுக்க செம வைரல்!

2 ஆஸ்கார் வென்ற இசை அமைப்பாளர் ஏ.ஆர் ரகுமான் தன்னுடைய முழு பெயரை வெளியிட்டு செய்திருக்கும் டிவிட் இணையம் முழுக்க வைரலாகி உள்ளது.

Updated: Monday, December 16, 2019, 14:29 [IST]

Subscribe to Oneindia Tamil

டெல்லி: 2 ஆஸ்கார் வென்ற இசை அமைப்பாளர் ஏ.ஆர் ரகுமான் தன்னுடைய முழு பெயரை வெளியிட்டு செய்திருக்கும் டிவிட் இணையம் முழுக்க வைரலாகி உள்ளது.

குடியுரிமை சட்ட திருத்தத்திற்கு எதிராக நாடு முழுக்க கடுமையான போராட்டம் நடந்து வருகிறது. டெல்லி, அசாம், மும்பை என்று பல்வேறு பகுதிகளில் கல்லூரி மாணவர்கள் போராட்டம் நடத்தி வருகிறார்கள். தற்போது தமிழகத்திலும் கல்லூரி மாணவர்கள் போராட்டம் செய்ய தொடங்கி உள்ளனர்.

நாடு முழுக்க இப்படி போராட்டம் நடந்து வரும் நிலையில் ஏ.ஆர் ரகுமான் தான் பிரிட்டன் செல்லும் விமான டிக்கெட் புகைப்படத்தை டிவிட் செய்துள்ளார். அதில் அவரின் முழு பெயர் இடம்பெற்றுள்ளது. அல்லா ரக்கா ரகுமான் என்று அவரின் பெயர் அதில் இடம்பிடித்துள்ளது.

✈️ pic.twitter.com/wCDdNCdhOF
— A.R.Rahman (@arrahman) December 15, 2019

பெயர்

முதல் முறையாக ஏ.ஆர் ரகுமான் இப்படி தன்னுடைய முழு பெயர் தெரியும் வகையில் டிவிட் செய்துள்ளார். சரியாக மதியம் வட இந்தியாவில் குடியுரிமை சட்டத்திற்கு எதிராக போராட்டம் நடக்கும் போது ஏ.ஆர் ரகுமான் இப்படி டிவிட் செய்து இருந்தார். ஏ.ஆர்என்பதன் விளக்கம் அல்லா ரக்கா என்று இன்றுதான் பலருக்கும் தெரிய வந்துள்ளது.

I think he told what he meant to say in this pic for the current situation 👍
— Comrade 💪 (@inaveen31) December 15, 2019

என்ன பதில்

இதனால் அவர் தன்னுடைய முழு பெயரின் அடையாளத்தை வேண்டும் என்று வெளியே கூறி அதன் மூலம் மறைமுகமாக போராடுகிறார் என்று கூறுகிறார்கள். மாணவர்கள் போராட்டத்திற்கு மறைமுகமாக ஆதரவு தருகிறார் என்று பலர் டிவிட் செய்து வருகிறார்கள். ஏ.ஆர் ரகுமான் டிவிட்டிற்கு பலரும் ஆதரவாகவும், எதிராகவும் பதில் அளித்து வருகிறார்கள்.

ஜல்லிக்கட்டு போராட்டம்

ஏற்கனவே ஏ.ஆர் ரகுமான் ஜல்லிக்கட்டு போராட்டத்தின் போது , தமிழா, தமிழா நாளை நம் நாடே பாடலை டிவிட்டரில் வெளியிட்டு ஆதரவு மறைமுகமாக தெரிவித்தார். இந்தி எதிர்ப்பு போராட்டத்தின் போதும் அதற்கு ஆதரவாக டிவிட் செய்து வைரலானார்.

அடையாள அரசியல்

இந்த நிலையில் இந்த முறையும் அவர் தனது பெயரை வெளிப்படுத்தி பேசி உள்ளார். ஆனால் நேரடியாக எதிர்க்க விருப்பம் இல்லாமல் மறைமுகமாக டிவிட் செய்து இருக்கிறார் என்று கூறுகிறார்கள். இவரின் டிவிட்டை பலரும் ஷேர் செய்து வருகிறார்கள்.