விபத்தில் சிக்கிய ஸ்கூட்டர்! பதறிப்போய் காரில் இருந்து இறங்கி ஓடிய ராகுல்! டெல்லியில் நெகிழ்ச்சி

டெல்லி: டெல்லியில் நடுரோட்டில் விபத்தில் ஸ்கூட்டர் விபத்தில் சிக்கிய நபரை பார்த்ததுடன் ராகுல் காந்தி தனது காரை நிறுத்தி வேகமாக ஓடிச்சென்று செய்த செயல் அனைவரையும் நெகிழ வைத்துள்ளது.

மணிப்பூர் வன்முறை தொடர்பாக மத்திய பாஜக அரசுக்கு எதிராக காங்கிரஸ் உள்ளிட்ட எதிர்க்கட்சிகள் நம்பிக்கையில்லா தீர்மானம் கொண்டு வந்துள்ளன. இந்த தீர்மானத்தின் மீதான 2வது நாள் விவாதம் இன்று நடந்தது.

இந்த விவாதத்தில் பங்கேற்க ராகுல் காந்தி இன்று காலை தனது தாய் சோனியா காந்தியின் வீட்டில் இருந்து காரில் புறப்பட்டார். வீட்டில் இருந்து கார் வெளியே வந்தது.

அப்போது வீட்டின் அருகே உள்ள சாலையின் நடுப்பகுதியில் 2 கார்கள் நின்றன. கார்களின் முன்பு சாலையில் ஸ்கூட்டர் விழுந்து கிடந்தது. அதனருகே சிலர் நின்று கொண்டிருந்தனர். இதை கவனித்த ராகுல் விபத்து நடந்து இருப்பதை உணர்ந்தார். இதையடுத்து அவர் தனது காரை நிறுத்தக்கூறி வேகமாக கீழே இறங்கினார்.

அதன்பிறகு அவர் காரில் இருந்து வேகவேகமாக விபத்து நடந்த இடத்துக்கு வந்து கீழே விழுந்த ஸ்கூட்டரை தூக்கி சாலையின் ஓரம் கொண்டு செல்ல உதவினார். அதன்பிறகு விபத்தில் சிக்கியவரிடம் நலம் விசாரித்து அங்கிருந்து புறப்பட்டார்.

இந்த வேளையில் ராகுல் காந்தி சாலையில் நிற்பதை கவனித்த பலரும் அவரை நெருங்க முயன்றார். ஆனால் ராகுல் காந்தியின் பாதுகாவலர்கள் அவர்களை தடுத்து நிறுத்தினர். இந்த வேளையில் அவர்கள் ராகுல்.. ராகுல்.. என அவரை அழைத்தனர். இருப்பினும் நாடாளுமன்ற விவாதத்துக்கு நேரம் ஆகிவிட்டால் ராகுல் காந்தி அங்கிருந்து வேகவேகமாக காரில் புறப்பட்டு சென்றனார்.

#WATCH | Delhi | While exiting 10 Janpath, Congress MP Rahul Gandhi, got off his car to inquire on a scooter-rider who got into an accident nearby. pic.twitter.com/5YprbtRc2K

— ANI (@ANI) August 9, 2023

இந்நிலையில் தான் விபத்தில் சிக்கிய நபரிடம் காரை நிறுத்தி இறங்கி சென்று ராகுல் காந்தி நலம் விசாரித்தது தொடர்பான வீடியோ இணையதளங்களில் வெளியாகி வேகமாக பரவி வருகிறது.

English summary

Rahul Gandhi's act of stopping his car and running after seeing the person involved in the scooter accident in the middle of the road in Delhi has moved everyone.