உ.பியில் காங்கிரஸ் கட்சிக்கு 1 சீட் தான்.. அப்போ ராகுல் நிலை? News Nation Exit poll ரிசல்ட் இதோ!

டெல்லி: நடந்து முடிந்துள்ள லோக்சபா தேர்தலில் பாஜக தலைமையிலான என்.டி.ஏ கூட்டணி 342 முதல் 378 இடங்களை கைப்பற்றும் என நியூஸ் நேஷன் வெளியிட்டுள்ள எக்ஸிட் போல் முடிவுகளில் தெரிவிக்கப்பட்டுள்ளது.

நாட்டில் மக்களவைத் தேர்தலின் கடைசி கட்ட வாக்குப்பதிவு இன்று நிறைவடைந்தது. ஏழாவது கட்டமாக 57 தொகுதிகளுக்கு இன்று வாக்குப்பதிவு நடைபெற்றது. இத்துடன் நாடு முழுவதும் கடந்த ஏப்ரல் 19 ஆம் தேதி முதல் நடந்து வந்த லோக்சபா தேர்தலும் முடிவுக்கு வந்தது. தேர்தல் முடிவுகளுக்காக நாட்டு மக்கள் ஆவலுடன் காத்திருக்கின்றனர். இந்நிலையில் தேர்தலுக்குப் பிந்தைய கருத்துக்கணிப்பு முடிவுகள் வெளியிடப்பட்டு வருகின்றன.

நியூஸ் நேஷன் எக்ஸிட் போல் கருத்துக்கணிப்பின்படி, பாஜக தனியாக 295 முதல் 327 இடங்களைப் பெறக்கூடும். அதேசமயம் தேசிய ஜனநாயக கூட்டணி 342 முதல் 378 இடங்களை கைப்பற்றும். மூலம் எதிர்க்கட்சிகளின் இந்தியா கூட்டணிக்கு 153 முதல் 169 இடங்களும், மற்றவர்களுக்கு 21 முதல் 23 இடங்களும் கிடைக்கும் என எதிர்பார்க்கப்படுவதாக தெரிவித்துள்ளது.

உத்தர பிரதேசம், மத்திய பிரதேசம் மற்றும் ராஜஸ்தானில் என்.டி.ஏ கூட்டணி அதிக இடங்களைப் பெறுகிறது என்பது நியூஸ் நேஷன் கருத்துக்கணிப்பு முடிவுகளில் தெளிவாகத் தெரிகிறது. நியூஸ் நேஷன் எக்ஸிட் போல் சர்வேயில் இருந்து இந்த முறை பாஜக மீண்டும் ஆட்சிக்கு வருவதாக தெரிவிக்கப்பட்டுள்ளது.

நாட்டின் மிகப்பெரிய மாநிலமான உத்தர பிரதேசத்தில் மொத்தமுள்ள 80 இடங்களில் பாஜக கூட்டணி 67 இடங்களையும், சமாஜவாதி கட்சி 9 இடங்களையும் காங்கிரஸ் கட்சி 1 இடத்தையும் பெறலாம் என்பது நியூஸ் நேஷன் வெளியிட்டுள்ள எக்ஸிட் போல் முடிவுகள்.

உ.பி.,யில், பாஜக 75 இடங்களில் தேர்தலில் போட்டியிட்டது, அதன் கூட்டணி கட்சிகளுக்கு ஐந்து இடங்கள் வழங்கப்பட்டன, அதில் அப்னா தளம் இரண்டு இடங்களிலும், ராஷ்டிரிய லோக்தளம் இரண்டு இடங்களிலும், சுஹேல்தேவ் பாரதிய சமாஜ் கட்சி ஒரு இடத்திலும் போட்டியிட்டன.

400-ஐ நெருங்கும் பாஜக கூட்டணி.. மொத்தமா அடிச்சு தூக்குதோ? காங்கிரஸை அதிரவைத்த ஜன் கி பாத் Exit poll


உ.பி.யில் இந்திய கூட்டணியில் காங்கிரஸ் 17 இடங்களிலும், சமாஜ்வாதி கட்சி 62 இடங்களிலும் போட்டியிட்டன. மேலும், டிஎம்சி ஒரு இடத்தில் போட்டியிட்டது. இந்த முறை காங்கிரஸ் தலைவர் ரேபரேலி தொகுதியிலும், அகிலேஷ் யாதவ் கன்னோஜ் தொகுதியிலும், அவரது மனைவி டிம்பிள் யாதவ் மெயின்புரி தொகுதியிலும் போட்டியிட்டுள்ளனர்.

இந்நிலையில் தான், காங்கிரஸ் கட்சி 1 இடத்தில் மட்டும் வெற்றி பெற வாய்ப்புள்ளதாகவும், சமாஜ்வதி கட்சி 9 இடங்களில் வெல்ல வாய்ப்பு என்றும், பாஜக கூட்டணி 67 இடங்களில் வெல்லும் என்றும் நியூஸ் நேஷன் கருத்துக்கணிப்பு முடிவுகளை வெளியிட்டு இருக்கிறது.

English summary

According to the exit poll results published by News Nation, the BJP-led NDA alliance will win 342 to 378 seats in Lok Sabha election 2024.