CUET PG 2025 Results: கியூட் முதுநிலை தேர்வு முடிவுகள் வெளியானது.. ரிசல்ட்களை பார்ப்பது எப்படி?

Updated: Wednesday, May 7, 2025, 6:55 [IST]

Subscribe to Oneindia Tamil

டெல்லி: கியூட் முதுநிலை தேர்வு முடிவுகள் வெளியிடப்பட்டுள்ளன. தேசிய தேர்வு முகமை, 157 பாடங்களுக்கான மாணவர் சேர்க்கைக்கான CUET முதுகலை தேர்வு முடிவுகளை நேற்று (மே 6) வெளியிட்டுள்ளது.

நாடு முழுவதும் உள்ள 191 மத்திய, மாநில, தனியார் பல்கலைக்கழகங்கள் மற்றும் அதன் கீழ் இயங்கும் கல்லூரிகளில் இளநிலை, முதுநிலை பட்டப்படிப்புகளில் சேர பல்கலைக்கழக பொது நுழைவுத்தேர்வில் (க்யூட்) தேர்ச்சி பெற வேண்டும். இந்த தேர்வை தேசிய தேர்வுகள் முகமை (என்டிஏ) ஆண்டுதோறும் நடத்தி வருகிறது.

CUET PG 2025 Result Declared by NTA How to check mark

கியூட் முதுநிலை தேர்வு

அதன்படி வரும் கல்வியாண்டில் (2025-26) முதுநிலை படிப்புகளுக்கான க்யூட் தேர்வு கணினி வழியில் கடந்த மார்ச் 13 முதல் ஏப்ரல் 1 ஆம் தேதி வரை நடத்தப்பட்டது. இதற்கான இணையதள விண்ணப்பப்பதிவு கடந்த ஜனவரி 2 ஆம் தேதி தொடங்கி பிப்ரவரி 8 ஆம் தேதி வரை நடந்தது. நாடு முழுவதும் 6,54,019 இந்த தேர்வுக்கு விண்ணப்பித்திருந்தனர்.

கியூட் முதுநிலை தேர்வுகள் நிறைவடைந்து கணினி வழி விடைத்தாள் மதிப்பீட்டுப் பணிகள் நடைபெற்று வந்தன. கடந்த மாதம் வெளியிடப்பட்ட தேர்வின் தற்காலிக விடைக்குறிப்புக்கு எதிராக ஆட்சேபனைகள் எழுந்ததைத் தொடர்ந்து, CUET PG 2025 இறுதி விடைக்குறிப்பு வெளியிடப்பட்டது.

தேர்வு முடிவுகள் வெளியீடு

தேர்வர்களிடமிருந்து பெறப்பட்ட சவால்களை பாட வல்லுநர்கள் ஆய்வு செய்து, ஏதேனும் ஆட்சேபனைகள் சரியாக இருந்தால் திருத்தங்கள் செய்யப்பட்ட பின்னர் இறுதி விடைக்குறிப்புகள் தயாரிக்கப்பட்டு வெளியிடப்பட்டன.

அதைத்தொடர்ந்து, தேசிய தேர்வு முகமை (NTA), கியூட் முதுகலை நுழைவுத் தேர்வு (CUET PG) 2025 முடிவுகளை நேற்று அதிகாரப்பூர்வமாக அறிவித்துள்ளது. தேர்வு எழுதிய விண்ணப்பதாரர்கள் இப்போது தங்கள் மதிப்பெண் அட்டைகளை தேசிய தேர்வு முகமையின் அதிகாரப்பூர்வ வலைத்தளமான exams.nta.ac.in/CUET-PG இல் பார்க்கலாம்.