தங்கம், வெள்ளி விலை குறைக்க, பட்ஜெட்டில் நிர்மலா சீதாராமன் சொன்ன முக்கிய பாயிண்ட்.. கவனிச்சீங்களா

டெல்லி: இன்று பட்ஜெட்டை தாக்கல் செய்த மத்திய நிதியமைச்சர் நிர்மலா சீதாராமன் தங்கம், வெள்ளி பொருட்களின் இறக்குமதி வரியை அதிரடியாக குறைத்து அறிவித்தார். தங்கம், வெள்ளிகளுக்கான இறக்குமதி வரி 6 சதவிகிதம் ஆகவும் வைரத்திற்கு 6.4 சதவிகிதமாகவும் இறக்குமதி வரி குறைக்கப்பட்டுள்ளது. பிளாட்டினத்திற்கான இறக்குமதி வரி 12 சதவிகிதத்தில் இருந்து 6 சதவிகிதமாக குறைக்கப்படுகிறது.

2024-25ஆம் நிதியாண்டுக்கான மத்திய பட்ஜெட்டை பிப்ரவரி 1ஆம் தேதி நிதியமைச்சர் நிர்மலா சீதாராமன் தாக்கல் செய்தார். தேர்தலுக்கு முன் தாக்கல் செய்யப்பட்ட அது இடைக்கால பட்ஜெட்.. தற்போது லோக்சபா தேர்தல் முடிந்து புதிய அரசு பதவியேற்றுள்ள நிலையில், தற்போதைய மோடி அரசு முழு பட்ஜெட்டை இன்று தாக்கல் செய்தது.

2024 லோக்சபா தேர்தல் முடிந்து பாஜகவிற்கு பெரும்பான்மை கிடைக்காத நிலையில், இந்த பட்ஜெட் மிக முக்கியமானதாக பார்க்கப்படுகிறது. 2024 மக்களவை தேர்தலுக்கு பின் மோடி 3.0 அரசு தாக்கல் செய்யும் முதல் பட்ஜெட் என்பதால் இதன் மீது பெரிய எதிர்பார்ப்பு ஏற்பட்டுள்ளது. நிதி அமைச்சர் நிர்மலா சீதாராமன் பட்ஜெட்டை தாக்கல் செய்தார். அப்போது அவர் தங்கம், வெள்ளி, வைரத்திற்கு இறக்குமதி வரி குறைக்கப்படுவதாக அறிவித்தார்.

இது தொடர்பாக அவர் கூறும்போது, "தங்கம், வெள்ளிகளுக்கான இறக்குமதி வரி 6 சதவிகிதம் ஆகவும் வைரத்திற்கு 6.4 சதவிகிதமாகவும் இறக்குமதி வரி குறைக்கப்பட்டுள்ளது. பிளாட்டினத்திற்கான இறக்குமதி வரி 12 சதவிகிதத்தில் இருந்து 6 சதவிகிதமாக குறைக்கப்படுகிறது. தங்கம், வெள்ளிக்கு தற்போது இறக்குமதி வரி 15 சதவிகிதமாக உள்ள நிலையில் 6.4 சதவிகிதமாக குறைக்கப்பட்டுள்ளது.

நீண்ட காலமாக ஜூவல்லரி துறையில் வரியை குறைக்க வேண்டும் என்ற கோரிக்கை முன்வைக்கப்பட்டு வந்த நிலையில், இறக்குமதி வரியை குறைத்துள்ளார் நிதியமைச்சர் நிர்மலா சீதாராமன். இதனால், நகை வியாபாரிகள் மகிழ்ச்சி அடைந்துள்ளனர். அதேபோல வெளிநாட்டு நிறுவனங்களுக்கான கார்ப்பரேட் வரி 40 சதவிகிதத்தில் இருந்து 35 சதவிகிதமாக குறைக்கப்பட்டுள்ளது. தொழில் முதலீட்டிற்கான ஏஞ்சல் வரி முற்றிலுமாக நீக்கப்பட்டுள்ளது. இவ்வாறு அவர் கூறினார்.

English summary

Union Budget 2024-25 LIVE News Updates in Tamil (மத்திய பட்ஜெட் 2024): Union Finance Minister Nirmala Sitharaman, who presented the budget today, announced drastic reduction in import duty on gold and silver products. The import duty on gold and silver has been reduced to 6 percent and on diamonds to 6.4 percent. Import duty on platinum is reduced from 2 percent to 6 percent.