செய்தி கேட்டு அதிர்ச்சி அடைந்தேன்.. பெரும் இழப்பு.. சுஷ்மா மரணத்தால் கலங்கும் வெங்கையா நாயுடு!

டெல்லி: முன்னாள் மத்திய அமைச்சர் சுஷ்மா மரணம் இந்தியாவிற்கு பெரிய இழப்பு என்று துணை குடியரசுத் தலைவர் வெங்கையா நாயுடு தெரிவித்துள்ளார்.

முன்னாள் மத்திய அமைச்சர் சுஷ்மா சுவராஜ் மாரடைப்பு காரணமாக காலமானார். எய்ம்ஸ் மருத்துவனையில் அனுமதிக்கப்பட்ட அவர் சிகிச்சை பலனின்றி மரணம் அடைந்தார்.

இந்த நிலையில் சுஷ்மாவின் மரணத்திற்கு அரசியல் தலைவர்கள் இரங்கல் தெரிவிக்க தொடங்கி உள்ளனர். அரசியலில் மிக முக்கியமான தலைவரை இழந்துவிட்டேன். இந்திய அரசியலின் மாபெரும் அத்தியாயம் முடிந்து போனது என்று பிரதமர் மோடி குறிப்பிட்டுள்ளார்.

அதேபோல் பாஜக தேசிய தலைவர் அமித் ஷா, தேசிய செயல் தலைவர் ஜெபி நட்டா ஆகியோரும் இரங்கல் தெரிவித்துள்ளனர். இந்த நிலையில் துணை குடியரசுத் தலைவர் வெங்கையா நாயுடு சுஷ்மா சுவராஜின் மரணத்திற்கு இரங்கல் தெரிவித்துள்ளார்.

அதில், சுஷ்மாவின் இறப்பு செய்தி கேட்டு பெரிய அளவில் அதிர்ச்சி அடைந்தேன். அவரின் மரணம் இந்தியாவிற்கு பெரிய இழப்பு, எனக்கும் தனிப்பட்ட முறையில் இது பெரிய இழப்பு.

அவர் ஒரு சிறந்த அரசியல்வாதி, மிக சிறந்த நாடாளுமன்ற எம்பி, நல்ல பேச்சாளர், நிர்வாக திறன் கொண்ட சிறந்த அமைச்சர். அவரின் குடும்பத்தினருக்கும் உறவினர்களுக்கும் என் இரங்கலை தெரிவித்துக் கொள்கிறேன், என்று துணை குடியரசுத் தலைவர் வெங்கையா நாயுடு தெரிவித்துள்ளார்.

English summary

Deeply shocked by the sudden demise of Sushma Swaraj says Vice Pres M Venkaiah Naidu.