என் டிவிட்டை சேவ் செய்து கொள்ளுங்கள்.. பாஜகதான் ஜெயிக்கும்.. சவால் விடும் எம்பி மனோஜ்.. எப்படி?

டெல்லி: டெல்லியில் பாஜக 48 இடங்களில் வென்று ஆட்சியை பிடிக்கும். கருத்து கணிப்புகளை பொய்யாக்கி பாஜக கண்டிப்பாக தேர்தலில் வெற்றிபெறும் என்று டெல்லி பாஜக எம்பி மனோஜ் திவாரி தெரிவித்துள்ளார்.

டெல்லி சட்டசபை தேர்தலுக்கான வாக்கு எண்ணிக்கை இன்று காலை 8 மணிக்கு நடக்க உள்ளது. வாக்கு எண்ணுவதற்கான பணிகள் தீவிரமாக நடந்து வருகிறது.மிகுந்த எதிர்பார்ப்பிற்கு இடையில் கடந்த பிப்ரவரி 8ம் தேதி டெல்லி சட்டசபை தேர்தல் விறுவிறுப்பாக நடந்து முடிந்தது.

டெல்லி சட்டசபை தேர்தலில் 62.59% வாக்குகள் பதிவானது. டெல்லியில் மொத்தம் 70 தொகுதிகள் உள்ளது. அங்கு பெரும்பான்மை பெற மொத்தம் 36 இடங்களில் வெல்ல வேண்டும்.

யார்?

இந்த சட்டசபை தேர்தலில் ஆம் ஆத்மி கட்சிதான் மாபெரும் வெற்றியை பெறும் என்று தேர்தலுக்கு பிந்தைய கருத்து கணிப்புகள் தெரிவித்தது. பெரும்பாலும் டெல்லியில் நாடானது சட்டமன்ற தேர்தலில் ஆளும் ஆம் ஆத்மி கட்சி மீண்டும் வெற்றிபெற்று, ஆட்சியை தக்க வைக்கும் என்று அனைத்து கருத்து கணிப்புகளும் ஒரே மாதிரியாக தெரிவித்துள்ளது. அதன்படி டெல்லியில் ஆம் ஆத்மி குறைந்த பட்சம் சராசரியாக 54 -60இடங்களை வெல்ல வாய்ப்புள்ளது.

என்ன இடங்கள்

அதேபோல் பாஜக கட்சி அங்கு 10-14 இடங்களை வெல்ல வாய்ப்புள்ளது. மேலும் காங்கிரஸ் 2 இடங்களை வெல்ல வாய்ப்பு இருக்கிறது, என்று கூறப்பட்டு இருக்கிறது. இதனால் ஆம் ஆத்மி உறுப்பினர்கள் எல்லோரும் இப்போதே வெற்றி கொண்டாட்டத்திற்கு தயார் ஆகிக் கொண்டே இருக்கிறார்கள். டெல்லி தேர்தல் பாஜக vs ஆம் ஆத்மிக்கு இடையிலான கடுமையான போட்டியாக திகழ்ந்தது குறிப்பிடத்தக்கது. பிரச்சாரத்தில் இரண்டு கட்சிகளும் கடுமையாக மோதிக்கொண்டது.

பாஜக

இந்த நிலையில் டெல்லி தேர்தல் குறித்து டெல்லி பாஜக எம்பி மனோஜ் திவாரி கருத்து தெரிவித்துள்ளார். அதில் , டெல்லியில் பாஜக 48 இடங்களில் வென்று ஆட்சியை பிடிக்கும். கருத்து கணிப்புகளை பொய்யாக்கி பாஜக கண்டிப்பாக தேர்தலில் வெற்றிபெறும். என்னுடைய டிவிட்டை சேவ் செய்து வைத்துக் கொள்ளுங்கள். அதற்கு பின் வந்து தோல்விக்கு பொய்யான காரணம் செல்ல வேண்டாம், வாக்கு பதிவு எந்திரம் மீது பழி போட வேண்டாம் என்று சவால் விட்டு இருக்கிறார்.

சவால் வெல்லுமா

அவரின் இந்த சவால் டெல்லி தேர்தலில் பெரிய அளவில் பரபரப்பை ஏற்படுத்தி உள்ளது. பாஜக தோல்வி அடையும் என்று ஆம் ஆத்மி நினைத்த நிலையில், மனோஜ் திவாரி இப்படி டிவிட் செய்துள்ளார். இன்று மாலை டெல்லி பாஜக எம்பிக்கள் 7 பேரும் அவசர கூட்டம் நடத்த இருக்கிறார்கள். பாஜக உள்துறை அமைச்சர் அமித் ஷா மற்றும் தேசிய தலைவர் ஜே பி நட்டாவுடன் இன்று மாலை இவர்கள் ஆலோசனை நடத்த உள்ளனர்.

English summary

Delhi Assembly Election Result: Save my tweet, BJP will win, says Manoj Tiwari MP.