உண்மையில் பொருத்தமான வெற்றி.. 5 ஆண்டுகளும் சாதனையாக அமைய வாழ்த்து..ஸ்டாலினுக்கு குவியும் வாழ்த்துகள்
டெல்லி: தமிழக சட்டசபைத் தேர்தலில் அமோக வெற்றி பெற்ற மு.க.ஸ்டாலினுக்கு வாழ்த்துகள் என்றும் தமிழக மக்களின் கோரிக்கைகளை நிறைவேற்றவும் வாழ்த்துவதாக டெல்லி முதல்வர் அரவிந்த் கெஜ்ரிவால் தெரிவித்துள்ளார்.
தமிழக சட்டசபை தேர்தல் கடந்த ஏப்ரல் 6-ஆம் தேதி நடைபெற்றது. இந்த தேர்தலில் அதிமுக, திமுக, மக்கள் நீதி மய்யம், அமமுக, நாம் தமிழர் ஆகியவற்றின் 5 முனை போட்டியாக இருந்தன.
இதற்கான வாக்கு எண்ணிக்கை இன்றைய தினம் நடைபெற்று கொண்டிருக்கிறது. முதலில் தபால் வாக்குகள் எண்ணப்பட்டன.
மொத்தமுள்ள 234 தொகுதிகளில் திமுக கூட்டணி 140 இடங்களுக்கு மேல் முன்னிலை வகித்து வருகிறது. இதையடுத்து அண்ணா அறிவாலயத்தில் பட்டாசு வெடித்து இனிப்புகள் வழங்கி கொண்டாடினர். மேலும் ஸ்டாலினுக்கு ஒவ்வொரு தலைவராக வாழ்த்துகளை தெரிவிக்கிறார்கள்.
டெல்லி முதல்வர் அரவிந்த் கெஜ்ரிவால் தனது ட்விட்டரில் கூறுகையில் தமிழக சட்டசபைத் தேர்தலில் வெற்றி பெற்ற மு.க.ஸ்டாலினுக்கு வாழ்த்துகள். அவர் ஆட்சியின் 5 ஆண்டுகளும் சாதனைகளாக அமைய வாழ்த்துகிறேன். தமிழக மக்களின் அபிலாஷைகளை நிறைவேற்றும் சிறந்த அரசாக வாழ்த்துகிறேன் என தெரிவித்துள்ளார்.
அது போல் தேசியவாத காங்கிரஸ் கட்சியின் மூத்த தலைவர் சரத்பவாரும் வாழ்த்து தெரிவித்துள்ளார். இதுகுறித்து அவர் தனது ட்விட்டரில் கூறுகையில் தமிழக சட்டசபை தேர்தலில் நீங்கள் வெற்றி பெற்றதற்கு வாழ்த்துகள். உண்மையில் உங்களுக்கு பொருத்தமான வெற்றி. உங்கள் மீது நம்பிக்கை வைத்துள்ள தமிழக மக்களுக்கு பணியாற்ற வேண்டும் என வாழ்த்துகிறேன் என தெரிவித்துள்ளார்.
Click it and Unblock the Notifications
Sign in with Google