யார் சிறந்த சிஎம்? மக்கள் ஆதரவு கெஜ்ரிவாலுக்கு தான்! அப்போ பாஜகவில் யார் டாப்? ஆக்சிஸ் எக்ஸிட் போல்

டெல்லி: டெல்லியில் நேற்று சட்டசபைத் தேர்தல் முடிந்துள்ள நிலையில், ஆக்சிஸ் மை இந்தியா எக்ஸிட் போல் முடிவுகள் இப்போது வெளியாகியுள்ளது. அதில் பாஜகவே இந்த முறை வெல்ல வாய்ப்பு இருப்பதாகக் கூறப்பட்டுள்ள சூழலில், முதல்வராக யார் வர வேண்டும் என்பது குறித்த தகவல்களை ஆக்சிஸ் மை இந்தியா எக்ஸிட் போல் வெளியிட்டுள்ளது.

டெல்லியில் அதிஷி முதல்வராக உள்ள நிலையில், ஆம் ஆத்மி ஆட்சியில் உள்ளது. அங்குக் கடந்த 10 ஆண்டுகளாக ஆம் ஆத்மி ஆட்சியில் உள்ள சூழலில், 3வது முறையாக ஆட்சியைத் தக்கவைக்கும் முனைப்பில் ஆம் ஆத்மி களமிறங்குகிறது.

மறுபுறம் இந்த முறை டெல்லியில் எப்படியாவது ஆட்சியைப் பிடித்தே தீர வேண்டும் என்ற முனைப்பில் பாஜக களமிறங்குகிறது. போட்டி கடுமையாக இருந்த சூழலில், நேற்று வாக்குப்பதிவு நடைபெற்றது. வரும் சனிக்கிழமை அதாவது பிப்ரவரி 8ம் தேதி அங்கு வாக்கு எண்ணிக்கை நடைபெறுகிறது.

இதற்கிடையே டெல்லி தேர்தல் தொடர்பான ஆக்சிஸ் மை இந்தியா எக்ஸிட் போல் சர்வே முடிவுகள் இப்போது வெளியாகியுள்ளது. அங்கு மொத்தம் 70 இடங்கள் உள்ள சூழலில் பாஜக 45-55 இடங்களிலும் ஆம் ஆத்மி 15- 25 இடங்களிலும் வெல்ல வாய்ப்பு இருப்பதாக ஆக்சிஸ் மை இந்தியா சர்வேயில் கூறப்பட்டுள்ளது.

அதேபோல சிறந்த முதல்வர் வேட்பாளர் யார் என்பது குறித்த தகவல்கள் வெளியாகியுள்ளது. அதில் கெஜ்ரிவால் முதலிடம் இருக்கிறார். சுமார் 33% மக்கள் கெஜ்ரிவாலுக்கு ஆதரவு அளித்துள்ளதாக ஆக்சிஸ் மை இந்தியா சர்வேயில் கூறப்பட்டுள்ளது. ஆம் ஆத்மி மூத்த பெண் தலைவரும் தற்போதைய முதல்வருமான அதிஷிக்கு 3% பேர் மட்டுமே ஆதரவளித்துள்ளனர்.

மணிஷ் சிசோடியாவுக்கு 1% மக்களும் ஆம் ஆத்மியில் இருந்து இதர தலைவர்களுக்கு 5% பேரும் ஆதரவளித்துள்ளதாக ஆக்சிஸ் மை இந்தியா எக்ஸிட் போல் சர்வேயில் கூறப்பட்டுள்ளது

பாஜகவைப் பொறுத்தவரை அதிகபட்சமாக பர்வேஷ் சர்மாவுக்கு 13% பேரும், மனோஜ் திவாரிக்கு 12% பேரும் ஆதரவளித்துள்ளதாக ஆக்சிஸ் மை இந்தியா எக்ஸிட் போல் சர்வேயில் கூறப்பட்டுள்ளது. தொடர்ந்து ஹர்ஷ் வர்தனுக்கு 9% பேரும், வீரேந்திர சச்தேவாவுக்கு 2% பேரும் ஆதரவளித்துள்ளனர். பாஜகவில் இருந்து இதர தலைவர்களுக்கு 12% பேர் ஆதரவளித்துள்ளனர்.

காங்கிரஸ் கட்சியைப் பொறுத்தவரைத் தேவேந்திர யாதவுக்கு 4% பேரும், இதர கட்சியினருக்கு 3% பேரும் ஆதரவளித்துள்ளனர்.

English summary

Arvind Kejriwal is the best Chief minister candidate in Delhi says Axis my India exit survey (டெல்லி சட்டசபை தேர்தலில் கெஜ்ரிவாலுக்கே மக்கள் ஆதரவு): All things to know about latest delhi election.