வெறும் 180 மீட்டர் தொலைவுக்காக.. ஓலா பைக் புக் செய்த டெல்லி பெண்! காரணத்தை கேட்டால் ஷாக் ஆகிடுவீங்க

டெல்லி: 180 மீட்டர் தொலைவு நடந்தால் வெறும் 2 நிமிடத்தில் வீட்டுக்கு சென்று விடலாம். ஆனால் டெல்லியை சேர்ந்த பெண் நடந்து செல்லாமல் இந்த 180 மீட்டர் தொலைவை கடக்க ‛ஓலா பைக்' முன்பதிவு செய்து பயணித்தது தொடர்பான வீடியோ வெளியாகி உள்ளது. இது இணையதளத்தில் அதிகம் கவனம் பெற்ற நிலையில் அதன் பின்னணி குறித்த முக்கிய தகவல் வெளியாகி உள்ளது.

தற்போது சென்னை, பெங்களூர், மும்பை, டெல்லி உள்பட பிற முக்கிய நகரங்களில் பொதுமக்களுக்காக வாடகை கார், வாடகை பைக் சேவைகள் உள்ளன. வீடு அல்லது வெளியே எங்கே இருந்தாலும் வாடகை கார், வாடகை பைக் உள்ளிட்டவை செல்போன் செயலியில் பதிவு செய்தால் போதும்.

அடுத்த சில நிமிடங்களில் கார், பைக்கில் வந்து நம்மை ‛பிக்அப்' செய்து செல்ல வேண்டிய இடத்தில் இறக்கவிட்டு விடுவார்கள். இந்த சேவையை தற்போது பெரும் நகரங்களில் பொதுமக்கள் அதிகம் பயன்படுத்தி வருகின்றனர். குறிப்பாக வாகனம் ஓட்ட தெரியாத இளம்பெண்கள் இந்த சேவைகள் மூலம் பயன்பெற்று வருகின்றனர். இந்நிலையில் தான் டெல்லியில் ஒரு வினோத சம்பவம் நடந்துள்ளது. வெறும் 180 மீட்டர் தொலைவில் உள்ள வீட்டுக்கு செல்ல பெண் ஒருவர் ‛ஓலா பைக்கை' முன்பதிவு செய்து பயணித்துள்ளார்.

அதாவது டெல்லியை சேர்ந்த ஒரு பெண் தான் வசிக்கும் வீட்டில் இருந்து 180 மீட்டர் தொலைவில் நின்று கொண்டிருந்தார். அங்கிருந்து வீட்டுக்கு அவர் செல்ல வேண்டும். ஆனால் அவர் செல்ல வேண்டிய பாதையில் தெருநாய்களின் தொல்லை உள்ளது. ஏராளமான தெருநாய்கள் வலம் வரும் என்பதால் அந்த பெண் வீட்டுக்கு நடந்து செல்ல பயந்தார்.

இதனால் அவர் மாற்றி யோசித்தார். தனது செல்போனில் இருந்த ‛ஓலா' செயலியில் இருந்து ‛ஓலா பைக்' முன்பதிவு செய்தார். அடுத்த சில நிமிடங்கள் ‛ஓலா பைக்' அங்கு வந்தது. பைக் ஓட்டிய நபர் லொகேஷனை செக் செய்தார். அங்கிருந்து 2 நிமிடத்தில் நடந்து செல்லும் தொலைவை காட்டியது. இதனால் சந்தேகம் அடைந்த பைக் ஓட்டுநர். செல்லும் லோகேஷன் சரிதானே? குறைந்த தூரத்தையே காட்டுகிறதே? என்று கேட்டார்.

அதற்கு அந்த பெண், ‛‛லோகேஷன் சரிதான். இங்கிருந்து அங்கு செல்லும் பாதையில் தெருநாய்கள் உள்ளது'' எனக்கூறி அந்த பெண் பைக்கில் ஏறி தனது வீட்டுக்கு சென்றார். வாடகை கட்டணமாக ரூ.19 அவர் செலுத்தினார்.இதுதொடர்பான வீடியோ தற்போது இணையதளங்களில் வெளியாகி வேகமாக பரவி வருகிறது.

இது தற்போது இணையதளங்களில் விவாதத்தைஏற்படுத்தி உள்ளது. இதுதொடர்பாக ஒருவர், ‛‛டெல்லியில் தெருநாய்களின் தொல்லை எப்படி உள்ளது? என்பதற்கு இந்த சம்பவம் சாட்சி'' என்று கூறியுள்ளார். இன்னொரு நபரோ, ‛‛இது ஜோக் அல்ல. தெருநாய்கள் மிகவும் ஆபத்தானவை. டெல்லி மாநகராட்சிஎன்ன செய்து கொண்டிருக்கிறது?'' என்று கேள்வி எழுப்பி உள்ளார்.

அதேவேளையில் இன்னும் சிலரோ கிண்டல் செய்துள்ளனர். ஒருவர், ‛‛அடுத்த முறை கழிவறையில் பள்ளி இருக்கும். அதற்கும் ஓலா புக் செய்யுங்கள்'' என்று கூறியுள்ளார். இன்னொருவரோ, ‛‛டெல்லியில் நடந்த போட்டியில் தெருநாய்கள் வெற்றி பெற்றுவிட்டது'' என்று தெரிவித்துள்ளார். மற்றொருவர், ‛‛தெருநாய் தொல்லை என்று சொல்கிறீர்கள். ஆனால் பைக் சென்ற இடத்தில் ஒரு தெருநாய் கூட இல்லையே?. நாய் மட்டுமில்லை. ஒரு மனிதரை கூட காணவில்லையே'' என கேள்வி எழுப்பியுள்ளார். இப்படியாக இந்த வீடியோ தற்போது இணையதளங்களில் விவாதமாகி வருகிறது.

English summary

If she walk 180 meters, she can reach home in just 2 minutes. But a video has surfaced of a woman from Delhibooking an 'Ola Bike' to avoid a group of street dogs to cover this 180 meters distance instead of walking. Now the video goes viral on internet.