உதவியாளர் பிழைத்துக் கொள்ள! வெற்றி மாயமானது ஏன்? சைதை துரைசாமி மகன் செய்த மிகப் பெரிய தவறு என்ன?

Updated: Friday, February 9, 2024, 9:32 [IST]

Subscribe to Oneindia Tamil

டெல்லி: ஒரே காரில் பயணம் செய்த கோபிநாத் உயிருடன் மீட்கப்பட்ட நிலையில் சைதை துரைசாமியின் மகன் வெற்றி துரைசாமி மட்டும் காணாமல் போனது ஏன்?

சைதை துரைசாமியின் மகன் வெற்றி துரைசாமி தனது திரில்லர் படத்திற்காக லொகேஷன் பார்க்க இமாச்சல் பிரதேசம் சென்றிருந்தார். அவருடன் உதவியாளர் திருப்பூரை சேர்ந்த கோபிநாத்தும் சென்றிருந்தார்.

Do you know what is the wrong did by Vetri Duraisamy?

அங்கு இருவரும் ஒரு ஹோட்டலில் சாப்பிட்டுவிட்டு பிறகு வாடகைக்கு காரை அமர்த்திக் கொண்டு அதில் இருவரும் லொகேஷன் பார்க்கச் சென்றுக் கொண்டிருந்தனர். கடந்த ஞாயிற்றுக்கிழமை (பிப்.4) மாலை சட்லஜ் ஆற்றின் மேல் உள்ள நெடுஞ்சாலையில் கார் சென்றுக் கொண்டிருந்த போது காரை ஓட்டிய ஓட்டுநர் டென்சினுக்கு திடீரென மாரடைப்பு ஏற்பட்டு கார் தாறுமாறாக ஓடியது.

உடனே 200 அடி உயரத்தில் இருந்த கசாங் லா எனும் பகுதியில் உள்ள பள்ளத்தில் கவிழ்ந்து சட்லஜ் ஆற்றுக்குள் கார் விழுந்தது. தகவலறிந்த போலீஸார், தீயணைப்பு படையினர், மீட்பு படையினர் சென்றனர். அங்கு காரை கயிறு கட்டி மீட்ட போது அதில் டென்சின் உயிரிழந்திருந்தார். அது போல் அங்கிருந்த கற்கள் மீது விழுந்த கோபிநாத் காயங்களுடன் மீட்கப்பட்டுள்ளார்.

மாயமான வெற்றியை தேடும் பணிகள் நடைபெற்று வந்த நிலையில் வெற்றியின் ஐஃபோன் கிடைத்துள்ளது. அது போல் அங்கு பாறை இடுக்கில் மனித மூளை ஒன்றும் கண்டெடுக்கப்பட்டது. அதை கைப்பற்றிய போலீஸார் டிஎன்ஏ சோதனைக்கு அனுப்பப்பட்டுள்ளது. அது போல் சைதை துரைசாமியின் டிஎன்ஏவும் சோதனைக்காக எடுத்துக் கொள்ளப்பட்டுள்ளது.

சுமார் 5 நாட்களாக வெற்றி துரைசாமியை மீட்பு படையினர் தேடி வருகிறார்கள். இந்த நிலையில் நேற்று முன் தினம் வெற்றி துரைசாமியின் உடைகள் கிடைத்தன. அவருடைய சூட்கேஸ், உடமைகள் கிடைத்துள்ளன. ஒரே காரில் டிரைவருடன் சேர்த்து 3 பேர் பயணம் செய்துள்ளனர்.

அவர்களில் ஓட்டுநர் டென்சினுக்கு மாரடைப்பு ஏற்பட்டது. இதனால்தான் கார் ஆற்றில் கவிழ்ந்தது. அந்த அதிர்ச்சியில் கூட அவர் இறந்திருப்பார். முன் சீட்டில் உட்கார்ந்திருந்த வெற்றியின் நிலை தெரியவில்லை. ஆனால் பின் சீட்டில் உட்கார்ந்திருந்த கோபிநாத் மட்டும் உயிருடன் மீட்கப்பட்டது எப்படி என்ற கேள்வி எழுந்த நிலையில் அவர் சீட் பெல்ட் அணிந்திருந்தாராம். ஆனால் வெற்றி துரைசாமி சீட் பெல்ட் அணியவில்லையாம். ஒரு வேளை வெற்றியும் சீட் பெல்ட் அணிந்திருந்தால் காயங்களுடன் மீட்கப்பட்டிருப்பார் என தகவல்கள் வெளியாகியுள்ளன.