உலகிலேயே அதிகபட்சமாக பெட்ரோல் விலை ரூ 200.. குறைந்தபட்சம் ரூ 2.. எங்கு தெரியுமா?

டெல்லி: உலகிலேயே ஒரு லிட்டர் பெட்ரோல் விலை ரூ 2க்கு விற்கப்படுகிறது. எங்கு தெரியுமா?

இந்தியாவில் கடந்த தீபாவளி பண்டிகை முதல் நான்கரை மாதங்களாக உயராத பெட்ரோல் டீசல் விலை தற்போது கடந்த இரு வாரங்களாக அன்றாடம் உயர்ந்து வருகிறது.

கடந்த 16 நாட்களில் இரு தினங்களை தவிர மற்ற நாட்களில் பெட்ரோல் விலை உயர்ந்து கொண்டே வருகிறது. எரிவாயு சிலிண்டர் விலையும் உயர்ந்ததால் இல்லத்தரசிகளும் சிறிய ஓட்டல் வைத்திருப்போரும் இன்னலுக்குள்ளாகியுள்ளனர்.

ஈரோடு

இந்த நிலையில் தமிழகத்தில் ஈரோட்டில் அதிகபட்சமாக பெட்ரோல் விலை 109 ரூபாய் வரை சென்றது. இதையடுத்து இன்றைய தினம் சென்னையில் லிட்டர் ரூ. 110.85க்கு பெட்ரோல் விற்பனை செய்யப்படுகிறது. அது போல் டீசல் விலை லிட்டருக்கு 76 காசுகள் அதிகரித்து ரூ.100.94 விற்பனையாகிறது.

பொது போக்குவரத்து

இதனால் பொதுமக்கள் பொது போக்குவரத்தை நாடத் தொடங்கிவிட்டனர். பேரல் கச்சா எண்ணெய் 99 டாலருக்கு குறைந்த போதிலும் பெட்ரோல் டீசல் விலை குறையவில்லை. இந்த நிலையில் உலகிலேயே ஒரு லிட்டர் பெட்ரோலின் விலை ரூ 2 க்கும் குறைவாகவே விற்கப்படுகிறது.

டிசம்பர் மாதம் விலை

இது டிசம்பர் மாத விலை பட்டியலாகும். வெனிசுலாவில் ரூ 1.86 க்கும் ஈரானில் ரூ 4.397 க்கும் அங்கோலாவில் ரூ 17.773க்கும், அல்ஜீரியாவில் ரூ 25.032க்கும் குவைத்தில் ரூ 25.133 க்கும் சூடானில் ரூ 27.407க்கும் கஜகஸ்தானில் ரூ 29.657 க்கும் கத்தாரில் ரூ 29.825 க்கும் பெட்ரோல் விலை விற்கப்படுகிறது.

அதிக விலை

அதாவது தண்ணீரின் விலையை விட குறைவான விலைக்கு பெட்ரோல் விலை விற்கப்படுகிறது. இந்தியாவில் கடந்த 2021 ஆம் ஆண்டு 25 முறை பெட்ரோல் டீசல் விலை உயர்த்தப்பட்டது. மிகவும் அதிகமாக ஹாங்காங்கில் பெட்ரோல் விலை லிட்டருக்கு ரூ 194.86 க்கு விற்பனை செய்யப்படுகிரது. அது போல் இஸ்ரேலில் 164.65க்கு விற்பனையாகிறது.

English summary

Highest and lowest petrol and diesel prices in the world are Hong Kong and Venisula respectively.