Just In

மலை உச்சியில் மிகவும் ஆபத்தான சாலையில் யூடர்ன் அடித்த கார்? வீடியோ உண்மைதானா? நெட்டிசன்கள் சந்தேகம்

Updated: Wednesday, January 26, 2022, 9:41 [IST]

டெல்லி: மலையின் உச்சியில் நீல நிறத்தினாலான கார் ஒன்று யூடர்ன் அடித்த வீடியோ காட்டுத் தீயாய் பரவி வருகிறது. மிகவும் ஆபத்தான இந்த யூடர்னை அடித்த டிரைவருக்கு பாராட்டுகள் குவிகின்றன.

Recommended Video

Driver Making Dangerous U-Turn On Cliff Edge | Oneindia Tamil

இன்னும் சிலர் இந்த வீடியோ உண்மையானதா என்பதையும் ஆராயத் தொடங்கிவிட்டனர். எந்த ஒரு வேலையையும் ஈடுபாட்டுடன் செய்யும் போது அதில் தவறு ஏதேனும் நடக்காது என்பது அனைவரும் அறிந்ததே.

மேலும் நாம் செய்யும் தொழிலை விரும்ப விரும்ப அதில் புதிய புதிய விஷயங்களை செய்வதில் நம்மை தயார்படுத்திக் கொள்வோம். கார் ஓட்டுவது, லாரி ஓட்டுவது, சமையல் செய்வது, வீட்டை சுத்தப்படுத்துதல் என எந்த வேலையாக இருந்தாலும் அதில் உள்ள சவால்களை எதிர்கொண்டு வெல்ல வேண்டும்.

கார் வாங்க சென்ற விவசாயி.. 'பாக்கெட்ல 10 ரூபாயாவது இருக்கா'.. சேல்ஸ்மேன் நக்கல்.. விவசாயி செம பதிலடி கார் வாங்க சென்ற விவசாயி.. 'பாக்கெட்ல 10 ரூபாயாவது இருக்கா'.. சேல்ஸ்மேன் நக்கல்.. விவசாயி செம பதிலடி

நம்மால் முடியும்

செய்யும் வேலையில் நம்பிக்கை வைக்க வேண்டும். நம் மீதும் நம்பிக்கை வைக்க வேண்டும். நம்மால் முடியும் , நம்மால் முடியாட்டி வேறு யாரால் முடியும் என்பதையும் உணர வேண்டும். அந்த வகையில் சமூக வலைதளங்களில் ஒரு வீடியோ காட்டுத் தீயாய் பரவி வருகிறது. குறுகிய மலை உச்சியில் நீல நிற கார் ஒன்று யூடர்ன் அடிப்பதுதான் அந்த வீடியோ.

காரை லாவகமாக திருப்பிய டிரைவர்

சுமார் 1.22 நிமிடங்கள் ஓடும் அந்த வீடியோவில் காரை லாவகமாக திருப்பும் டிரைவரின் திறமையை பலரும் பாராட்டி வருகிறார்கள். ட்விட்டர் தளத்தில் இந்த வீடியோ 1.5 மில்லியன் பார்வைகளை அள்ளியிருந்தது. சிலர் இந்த வீடியோவை ரீட்வீட் செய்துள்ளனர். சிலர் இந்த வீடியோவை பார்த்துவிட்டு இது உண்மைதானா என கேட்கிறார்கள்.

மலை முகடு

காரணம் மிகவும் குறுகிய சாலை, மலை முகடு, கொஞ்சம் பிசிறினாலும் கீழே விழ வேண்டிய நிலை. அந்த வீடியோவில் ஒரு கட்டத்தில் காரை திருப்பும் போது டயர் அந்தரத்தில் தொங்கும். அதையும் லாவகமாக சமாளித்து காரை டிரைவர் திருப்பியுள்ளார். இது நிச்சயம் அந்த டிரைவருக்கு அவர் மேல் இருக்கும் நம்பிக்கை, விடா முயற்சி, அனுபவத்தையே காட்டுகிறது என்கிறார்கள்.

வீடியோ

மேலும் இதை அனுபவமிக்க ஓட்டுநர்கள் கூட செய்ய துணியாத ஒன்று. ஆனால் இதன் மற்றொரு ஆங்கிளில் இருந்து எடுக்கப்பட்ட வீடியோவும் பகிரப்படுகிறது. அதில் அந்த சாலைக்கு கீழே மற்றொரு சாலை இருப்பது வீடியோவில் பதிவாகி உள்ளது. எனவே வீடியோவின் உண்மைத்தன்மை என்ன என்பது தெரியவில்லை.