'அவர் கொள்கை பிடிச்சிருக்கு..' பாஜகவில் இணைந்தார் கவுதம் கம்பீர்

பிரபல முன்னாள் கிரிக்கெட் வீரர் கவுதம் கம்பீர் தற்போது பாஜக கட்சியில் இணைந்து இருக்கிறார்.

By Shyamsundar I

Updated: Friday, March 22, 2019, 14:27 [IST]

Subscribe to Oneindia Tamil

Recommended Video

கொள்கை பிடிச்சிருக்கு: பாஜகவில் இணைந்த கவுதம் கம்பீர்- வீடியோ

டெல்லி: பிரபல முன்னாள் கிரிக்கெட் வீரர் கவுதம் கம்பீர் தற்போது பாஜக கட்சியில் இணைந்து இருக்கிறார்.

இந்திய கிரிக்கெட் அணியின் முன்னாள் தொடக்க வீரர் கவுதம் கம்பீர். பல்வேறு கேப்டன்களுக்கு கீழ் விளையாடிய இவர் தோனி தலைமையிலான 2011, 50 ஓவர் உலகக் கோப்பை கிரிக்கெட் அணியில் விளையாடினார். அந்த தொடரில் இந்திய அணியின் வெற்றிக்கு இவரும் முக்கிய காரணம்.

இந்த நிலையில் இந்திய கிரிக்கெட் அணியில் விளையாடாமல் இருந்த இவர், ஐபிஎல் போட்டிகளில் மட்டும் விளையாடிக் கொண்டு இருந்தார். கடந்த ஐபிஎல் தொடரிலும் டெல்லி அணியில் இருந்து பாதியில் வெளியேறினார். தற்போது இவர் பாஜக கட்சியில் தன்னை இணைத்துக் கொண்டு இருக்கிறார்.

பாஜக கட்சி

பாஜக அணியில் தற்போது தொடர்ச்சியாக பிறக்கட்சியை சேர்ந்த நபர்கள், அரசியல்வாதிகள், பிரபலங்கள் இணைந்து வருகிறார்கள். முக்கியமாக சினிமா மற்றும் விளையாட்டு அணிகளை சேர்ந்த பிரபலங்கள் கட்சியில் இணைகிறார்கள். அதன் ஒரு பகுதியாக கவுதம் கம்பீர் பாஜக கட்சியில் இணைந்து இருக்கிறார்.

போட்டி வாய்ப்பு

இவருக்கு தேர்தலிலும் வாய்ப்பு அளிக்கப்பட இருக்கிறது. இவர் லோக்சபா தேர்தலில் டெல்லியில் ஒரு தொகுதியில் போட்டியிடுவார் என்று எதிர்பார்க்கப்படுகிறது. இவர் டெல்லியை சேர்ந்தவர் என்பதால் அங்கு இவருக்கு வாய்ப்பு அளிக்கப்பட உள்ளது.

என்ன சொன்னார்

பிரதமர் மோடியின் கொள்கையை பார்த்து பாஜகவில் இணைந்ததாகவும். மக்களுக்கு சேவை செய்வதே தனது குறிக்கோள் என்றும் இவர் கூறி இருக்கிறார். பாஜகவில் இணைவதை பெருமையாக கருதுவதாக இவர் தெரிவித்துள்ளார்.

பிரச்சாரம் செய்வார்

லோக்சபா தேர்தலில் இவர் கண்டிப்பாக பாஜக வேட்பாளர்கள் சார்பாக பிரச்சாரம் செய்ய இருக்கிறார். இவரைப் போலவே பாஜகவில் கிரிக்கெட் வீரர் சேவாக் இணைவார் என்று கூறப்பட்டது. ஆனால் சேவாக் அந்த செய்திகளை மறுத்துவிட்டார் என்பது குறிப்பிடத்தக்கது.