ஜி 20 மாநாடு: டெல்லியில் அடுத்தடுத்து வந்து இறங்கிய உலக தலைவர்கள்.. யாரு எல்லாம் பாருங்க! லிஸ்ட்
டெல்லி: டெல்லியில் நடைபெறும் ஜி 20 உச்சி மாநாட்டில் பங்கேற்பதற்காக அமெரிக்க அதிபர் ஜோ பைடன் இந்தியா வந்தடைந்தார். அவரை தொடர்ந்து சிங்கப்பூர் பிரதமர் லீ சியன் லூங், உலக வங்கி தலைவர் அஜய் பங்கா மற்றும் இந்தோனேசியா அதிபர் ஜோக்கோ விடோடோ ஆகியோரும் டெல்லி வந்தடைந்தனர்.
டெல்லியில் ஜி 20 உச்சி மாநாடு நாளை மற்றும் நாளை மறுநாள் என இரண்டு நாட்கள் நடைபெறுகிறது. இதற்காக தலைநகர் டெல்லியில் பாதுகாப்பு ஏற்பாடுகள் பலப்படுத்தப்பட்டுள்ளது. சர்வதேச நாடுகளின் தலைவர்கள் இந்தியாவில் ஒன்றாக அணி திரண்டு பங்கேற்க உள்ளனர். ரஷ்யா சார்பில் புதின் பங்கேற்கவில்லை. புதினுக்கு பதிலாக ரஷ்ய வெளியுறவுத்துறை அமைச்சர் பங்கேற்கிறார்.
இதேபோல் அமெரிக்கா அதிபர் ஜோ பைடன், இங்கிலாந்தின் பிரதமர் ரிஷி சுனக், சீனா அதிபர் ஜி ஜின்பிங், பிரான்ஸ் அதிபர் இமானுவேல் மேக்ரான், ஆஸ்திரேலியா பிரதமர், சவுதி அரேபியா இளவரசர் முகமது பின் சல்மான் என ஏராளமான தலைவர்கள் டெல்லியில் நடைபெறும் ஜி 20 மாநாட்டில் பங்கேற்கின்றனர். டெல்லிக்கு வரும் வெளிநாட்டு தலைவர்கள் தங்குவதற்காக டெல்லியில் உள்ள முக்கியமான நட்சத்திர விடுதிகள் அனைத்தும் தயார் நிலையில் உள்ளன.
தற்போது உச்ச கட்ட பாதுகாப்பு வளையத்திற்குள் தலைவர்கள் தங்கும் நட்சத்திர ஓட்டல்கள் கொண்டு வரப்பட்டுள்ளன. இந்த நிலையில், இன்று மாலை 6.55 மணியளவில் அமெரிக்க அதிபர் ஜோ பைடன் இந்தியா வந்தடைந்தார். டெல்லி விமான நிலையத்திற்கு ஏர்போர்ஸ் ஒன் என்ற தனி விமானம் மூலம் அமெரிக்க அதிபர் ஜோ பைடன் டெல்லி வந்தடைந்தார். தொடர்ந்து அவர் டெல்லியில் உள்ள சாணக்கியாபுரி பகுதியில் இருக்கும் ஐடிசி மவுரியா ஓட்டலில் தங்குகிறார்.
அமெரிக்க அதிபர் ஜோ பைடனை அடுத்து பல்வேறு உலக தலைவர்களும் இந்தியா வந்துள்ளனர். அதன்படி, சிங்கப்பூர் பிரதமர் லீ சியன் லூங் டெல்லி வந்தடைந்தார். அவருக்கு உற்சாக வரவேற்பு அளிக்கப்பட்டது. இதனை தொடர்ந்து உலக வங்கி தலைவர் அஜய் பங்கா இந்தியா வந்தடைந்தார்.
ஜி 20 உச்சி மாநாட்டில் பங்கேற வந்த அஜய் பங்காவுக்கும் சிறப்பு வரவேற்பு அளிக்கப்பட்டது. இதனை அடுத்து இந்தோனேசியா அதிபர் ஜோக்கோ விடோடோவும் ஜி 20 மாநாட்டில் கலந்துகொள்வதற்காக இரவு 10.30 மணியளவில் டெல்லி வந்தடைந்தார். இவர்கள் அனைவரும் அவர்களுக்கு என்று டெல்லியில் ஒதுக்கப்பட்டுள்ள இடங்களில் தங்க வைப்பட்டுள்ளனர்.
Click it and Unblock the Notifications
Sign in with Google