காந்தி இயக்கம் பற்றி மக்கள் அறிய வருகிறது "காந்திபீடியா" தகவல் களஞ்சியம்.. பட்ஜெட்டில் அறிவிப்பு

டெல்லி: தகவல் களஞ்சியம் என்றழைக்கப்படும் விக்கிபீடியா போல, காந்தி இயக்கம் பற்றி மக்கள் அறிந்து கொள்ள காந்திபீடியா உருவாக்கப்படும் என மத்திய பட்ஜெட்டில் அறிவிக்கப்பட்டுள்ளது.

உலகெங்கிலும் உள்ள பயனர்களால் உருவாக்கப்பட்ட மற்றும் திருத்தம் செய்யக்கூடிய வகையில் செயல்பட்டு வருகிறது இலவச ஆன்லைன் கலைக்களஞ்சியமான விக்கிபீடியா

இந்நிலையில் பெரும் எதிர்பார்ப்புகளுக்கிடையே நாடாளுமன்றத்தில் பட்ஜெட்டை தாக்கல் செய்து பேசி வருகிறார் மத்திய நிதி அமைச்சர் நிர்மலா சீதாராமன்

பட்ஜெட் தாக்கலின் போது பேசிய அமைச்சர் விக்கிபீடியா போல, காந்தி இயக்கம் பற்றிய கொள்கைகள் முழுவதையும் அறிந்து கொள்ள காந்திபீடியா உருவாக்கப்படும் என அறிவித்தார். மேலும் காந்திபீடியா பக்கம் நேர்மறையான காந்திய கொள்கைகளை உலகம் முழுவதிலும் பரப்பும் வகையில் உருவாக்கப்படும்.

காந்திய எண்ணங்கள் மற்றும் தத்துவம் பற்றி இளைஞர்கள் அறிந்து கொள்ளும் வகையில் தேசிய அறிவியல் அருங்காட்சியகத்தால் 'காந்திபீடியா' அமைக்கப்படும் என கூறினார்.

மேலும் காந்திபீடியா என்பது மகாத்மா காந்தியின் படைப்புகள் மற்றும் அவர் எழுதிய புத்தகங்களின் தொகுப்பாக அமைக்கப்படும். காந்திய இலக்கியம், தத்துவம், ஆடியோக்கள், வீடியோக்கள் மற்றும் அரிய புகைப்படங்கள் தொடர்பான தகவல்களை வழங்கும் வகையில் அமைக்கப்படும் என்றார்.

2109- ம் ஆண்டு மகாத்மா காந்தியின் 150-வது பிறந்த நாளை நினைவுகூரும் வகையில் அரசு நிகழ்வுகளின் படி இந்த அறிவிப்பு வெளியிடப்பட்டுள்ளது. காந்தியின் 150-வது பிறந்த நாளையொட்டி உலகம் முழுவதிலும் மோடி தலைமையிலான அரசு பல்வேறு ஏற்பாடுகளை செய்து வருகிறது.

உலகெங்கிலும் உள்ள பயனாளர்களால் உருவாக்கப்பட்ட மற்றும் திருத்தம் செய்யக்கூடிய வகையில் செயல்பட்டு வருகிறது இலவச ஆன்லைன் கலைக்களஞ்சியமான விக்கிபீடியா

English summary

The Union Budget has announced that Gandhipedia will be created to make people aware of the Gandhi movement.