மாபெரும் பொருளாதார வீழ்ச்சி இது.. உலக அளவில் இந்தியாதான் மிக மோசம்.. எச்சரிக்கும் வல்லுநர்கள்!

Published: Monday, August 31, 2020, 19:16 [IST]

Subscribe to Oneindia Tamil

டெல்லி: இந்தியா தற்போது அதிகாரபூர்வமாக பொருளாதார வீழ்ச்சியை சந்தித்துள்ளது என்று பொருளாதார வல்லுநர்கள் கூறுகிறார்கள். ஜி7 நாடுகள் மற்றும் ஜி 20 நாடுகள் அனைத்திலும் இந்தியாவின் ஜிடிபி மிக மோசமான சரிவை சந்தித்து இருக்கிறது.

ஏன் மோசம்

இந்தியாவின் ஜிடிபி வளர்ச்சி 10% வரை சரிய வாய்ப்புள்ளது அதிகபட்சம் 12% வளர்ச்சி சரிய வாய்ப்புள்ளது என்று கூறப்பட்டது. இன்னும் சில நிறுவனங்கள் இந்தியாவின் ஜிடிபி வளர்ச்சி 22% சரிய வாய்ப்புள்ளது என்று கூறினார்கள். ஆனால் கணிப்புகளை எல்லாம் பொய்யாக்கி இந்தியாவின் ஜிடிபி வளர்ச்சி 23.9% சரிவை சந்தித்துள்ளது.

ஜி20 நாடுகள்

ஜி20 நாடுகளிலும் இந்தியாவின் ஜிடிபி வளர்ச்சிதான் மிக மோசமானதாக உள்ளது. பிரிட்டன் மட்டுமே உலகம் முழுக்க மிக மோசமான சரிவை சந்தித்தது.தற்போது இந்தியா பிரிட்டனை விட மோசமான சரிவை சந்தித்து இருக்கிறது. இதனால் இந்தியா தற்போது recession எனப்படும் பொருளாதார வீழ்ச்சியை அடைந்துவிட்டதாக பொருளாதார வல்லுநர்கள் கூறியுள்ளனர்.

பயன் இல்லை

இந்த பொருளாதார சீர்கேட்டை சரி செய்ய மத்திய பாஜக அரசு நிறைய திட்டங்களை அறிவிப்புகளை வெளியிட்டது. ஆனால் இது எதுவும் பலன் அளிக்கவில்லை என்பது இதன் மூலம் உறுதியாகிறது . ஆர்பிஐயிடம் அவசர நிதியை வாங்கியது உட்பட, இந்தியாவின் பொருளாதாரத்தை எந்த விதமான திட்டமும் உயர்த்தவில்லை. மிக முக்கியமாக ஜிஎஸ்டி வரி விதிப்பு முறையில் மாற்றம் செய்தது தொடங்கி எல்லாம் இந்தியாவின் ஜிடிபியை சரிவையே நோக்கியே கொண்டு சென்றுள்ளது.

ஜி7 நாடுகள்

இந்தியாவின் ஜிடிபி வளர்ச்சி ஜி7 நாடுகளில் மிக மோசமானது ஆகும்.
இந்தியாவின் ஜிடிபி வளர்ச்சி 23.9% சரிந்துள்ளது
பிரிட்டன் ஜிடிபி வளர்ச்சி 20.4% சரிந்துள்ளது
பிரான்ஸ் ஜிடிபி வளர்ச்சி 13.8% சரிந்துள்ளது
இத்தாலி ஜிடிபி வளர்ச்சி 12.4% சரிந்துள்ளது
கனடா ஜிடிபி வளர்ச்சி 12% சரிந்துள்ளது
ஜெர்மனி ஜிடிபி வளர்ச்சி 10.1% சரிந்துள்ளது
அமெரிக்க ஜிடிபி வளர்ச்சி 9.5% சரிந்துள்ளது
ஜப்பான் ஜிடிபி வளர்ச்சி 7.6% சரிந்துள்ளது
சீனாவின் ஜிடிபி வளர்ச்சி 3.2% முன்னேறியுள்ளது

இன்னும் சரியும்

இதில் கவலை அளிக்கும் விஷயம், இந்தியாவின் அனைத்து துறைகளும் சரிவை சந்தித்துள்ளது. உற்பத்தி துறை வளர்ச்சி -39.3% சரிவு, சுரங்கத்துறை வளர்ச்சி -23.3 % சரிவு, மின்சார துறை வளர்ச்சி -7 % சரிவு, பொதுத்துறை -10 % சரிவு, ஹோட்டல்/டிரான்ஸ்போர்ட் -47 % சரிவு, கட்டுமானம்-50 % சரிவை சந்தித்துள்ளது.

இனி என்ன நடக்கும்

இதனால்தான் தற்போது அதிகாரபூர்வமாக பொருளாதார வீழ்ச்சியை இந்தியா சந்தித்து இருப்பதாக வல்லுனர்கள் கூறுகிறார்கள். இதனால் இனி வரும் நாட்களில் மாபெரும் வேலைவாய்ப்பின்மை உருவாக வாய்ப்புள்ளது. நாளை , பங்கு சந்தை பாதாளத்திற்கு செல்ல வாய்ப்புள்ளது என்றும் கணித்து உள்ளனர். நாளை பங்கு சந்தை வீழ்ச்சி பொருளாதார சரிவை மேலும் அதிகரிக்க வாய்ப்புள்ளது என்று கூறுகிறார்கள்.

Published On August 31, 2020