காஷ்மீரில் அதிரடி மாற்றங்கள் செய்ய தயார்.. இன்று மத்திய அரசு முக்கிய அறிவிப்பு வெளியிட திட்டம்!?

ஜம்மு காஷ்மீரில் அதிரடி மாற்றங்கள் செய்வது தொடர்பான முக்கிய அறிவிப்புகள் இன்று வெளியாக வாய்ப்புள்ளது என்று கூறுகிறார்கள்.

Updated: Wednesday, August 28, 2019, 8:47 [IST]

Subscribe to Oneindia Tamil

Recommended Video

காஷ்மீரில் அதிரடி மாற்றங்கள் செய்ய தயார்.. இன்று மத்திய அரசு முக்கிய முடிவு?- வீடியோ

டெல்லி: ஜம்மு காஷ்மீரில் அதிரடி மாற்றங்கள் செய்வது தொடர்பான முக்கிய அறிவிப்புகள் இன்று வெளியாக வாய்ப்புள்ளது என்று கூறுகிறார்கள். இன்று நடக்கும் அமைச்சரவை கூட்டத்திற்கு பின் இது தொடர்பான அறிவிப்பு வெளியாகும் என்கிறார்கள்.

கடந்த சில நாட்களுக்கு முன் ஜம்மு காஷ்மீருக்கு வழங்கிய சிறப்பு அந்தஸ்தை நீக்குவதாக மத்திய அரசு அறிவித்தது. அது மட்டுமில்லாமல் ஜம்மு காஷ்மீரை இரண்டு யூனியன் பிரதேசங்களாக பிரித்து உள்ளது.

அங்கு வீட்டு சிறையில் வைக்கப்பட்ட முன்னாள் முதல்வர்கள் அரசியல் தலைவர்கள் யாரும் இன்னும் விடுதலை செய்யப்படவில்லை. இதனால் இன்னும் காஷ்மீரில் சரியாக அமைதி திரும்பவில்லை.

ஜம்மு காஷ்மீர்

இந்த நிலையில் காஷ்மீர் பிரச்சனை தொடர்பாக நேற்று முக்கியமான உள்துறை ஆலோசனை கூட்டம் ஒன்று நடைபெற்றது. உள்துறை அமைச்சர் அமித் ஷா தலைமையில் இந்த ஆலோசனை கூட்டம் நடந்தது. உளவுத்துறை அதிகாரிகள், உள்துறை அதிகாரிகள் இந்த கூட்டத்தில் கலந்து கொண்டனர்.

இன்று டெல்லி

அதேபோல் இன்று டெல்லியில் அமைச்சரவை கூட்டம் நடக்கிறது. மத்திய பாஜக அமைச்சர்கள் எல்லோரும் சேர்ந்து டெல்லியில் பிரதமர் மோடி தலைமையில் நடக்கும் கூட்டத்தில் கலந்து கொள்கிறார்கள். இதிலும் இன்று காஷ்மீர் பிரச்சனை குறித்து விவாதிக்கப்பட உள்ளது.

வாய்ப்பு

இதனால் இன்று காலை காஷ்மீர் குறித்த முக்கிய அறிவிப்பு வெளியாக வாய்ப்புள்ளது என்கிறார்கள். காஷ்மீரில் புதிய முதலீடுகளை செய்யவும், அங்கு நலத்திட்டங்களை கொண்டு வரவும், புதிய வளர்ச்சி திட்டங்களை கொண்டு வரவும் இன்று முக்கிய அறிவிப்பு வெளியாகும் என்று கூறுகிறார்கள்.

முடிவு

காஷ்மீரில் மத்திய அரசு செய்ய இருக்கும் திட்டங்கள் குறித்து இன்று முக்கிய அறிவிப்பு வெளியாகலாம் என்கிறார்கள். அமைச்சரவை கூட்டத்தில் இது தொடர்பாக முடிவு செய்யப்பட உள்ளது. அதேபோல் காஷ்மீரில் பாதுகாப்பை குறைப்பது தொடர்பான ஆலோசனையும் இன்று நடக்கும் என்பது குறிப்பிடத்தக்கது. இன்று காஷ்மீர் தொடர்பான வழக்கு விசாரிக்கப்பட உள்ள நிலையில் இந்த ஆலோசனை கூட்டம் முக்கியத்துவம் பெறுகிறது.