என்னாதுங்க இது மேகியோட இதை போய் கலக்குறாங்களே.. ஹுவ்வே எப்படி சாப்பிடுவது? இது ஒரு காம்போவா?

Updated: Saturday, May 14, 2022, 23:24 [IST]

Subscribe to Oneindia Tamil

டெல்லி: என்னாது மேகியில் மாங்காய் பழ ஜூஸா என முகம் சுளிக்கும் அளவுக்கு வீடியோ ஒன்று வைரலாகி வருகிறது.

பொதுவாக ஒவ்வொரு உணவுக்கும் ஒவ்வொரு காம்பினேஷன் இருக்கிறது. அது அதனுடன் சேர்ந்தால்தான் நாம் விரும்பிய ருசி கிடைக்கும். இல்லாவிட்டால் எல்லாம் கெட்டுவிடும்.

ஆனால் தற்போது புதுமைகளை புகுத்துவது என்ற பெயரில் நிறைய உணவு பொருட்கள் தயாரிக்கப்படுகின்றன. யோசித்து பார்க்க முடியாத அளவுக்கு பல வகையான காம்பினேஷன்களை அறிமுகப்படுத்தியுள்ளார்கள்.

ஃபேன்டா மேகி

இதை எப்படிதான் சாப்பிடுவது என ஒரு புறம் இருந்தாலும் சாப்பிட்டுதான் பார்ப்போமே என சிலர் துணிந்து சாப்பிடுகிறார்கள். அந்த வகையில் உருவானதுதான் ஃபேன்டா மேகி. வெல்லத்தால் செய்யப்பட்ட மேகி லட்டு, மேகி மில்க் ஷேக் , மேகி ஐஸ் கிரீம் வித் ஓரியோ பிஸ்கெட் போன்றவை இணையத்தையே கலங்கடித்தன.

ஓரியோவில் பக்கோடா

அது போல் ஓரியோ பிஸ்கெட்டை கொண்டு பக்கோடா போடும் புதுமையும் நம் இந்தியாவில் நடந்தது. க்ரீம் கொண்ட சாக்லேட் பிஸ்கெட்டை கடலை மாவில் சேர்த்து அதை பக்கோடாவாக போடும் வீடியோவும் வைரலானது. அது போல் ரசகுல்லா சாட் . அதாவது ரசகுல்லாவுடன் தயிர், உலர் பழங்கள், புளிப்பு சட்னி என வித்தியாசமான சாட் ஐட்டத்தை செய்திருந்தார்கள்.

மிர்ச்சி ஐஸ்கிரீம் ரோல்

பச்சை மிளகாயை போட்டு ஐஸ்கிரீம் செய் அதற்கு மிர்ச்சி ஐஸ்கிரீம் என பெயரிட்டிருந்தனர். பட்டர் சிக்கன் பானிபூரியும் சாலையோர உணவில் முக்கிய இடம் பிடித்தன. மும்பையில் சாலையோர கடைகளில் வடா பாவ் மிகவும் விருப்பமான உணவாகும். அத்தகைய பிரபலமான வடா பாவ்வில் பிரெஞ்சு ஸ்டைலில் பாவ்வுக்கு பதில் குரோசண்ட் வைத்து விற்பனை செய்தனர்.

வீடியோ வைரல்

தற்போது ஒரு புது வீடியோ வைரலாகி வருகிறது. அதாவது மேகியில் மாங்காய் சேர்ப்பது, இல்லாவிட்டால் மேகியில் மாசாவை சேர்ப்பது என வீடியோ டிரென்டாகி வருகிறது. இதை பார்க்கும் போது மேகி சாப்பிடும் ஆசையே விட்டு போகும் போலயே என பலர் கமென்ட் அடிக்கிறார்கள். இந்த வீடியோ வைரலாகி வருகிறது.