இந்தியால இவ்வளவு பேர் சொந்தமா விமானம் வச்சிருக்காங்களா?.. யார் யார் தெரியுமா.. லிஸ்ட் இதோ

Updated: Saturday, August 10, 2024, 19:14 [IST]

Subscribe to Oneindia Tamil

டெல்லி: நம் நாட்டில் பலர் இன்னும் விமான பயணத்துக்காக காத்திருக்கின்றனர். அதேநேரத்தில் பலர் சொந்தமாக விமானம் வைத்துள்ளனர். யார் யார் சொந்தமாக விமானம் வைத்துள்ளனர் என்ற லிஸ்ட் வெளியாகியுள்ளது. இதில் தமிழ்நாட்டைச் சேர்ந்த ஒருவரும் இருக்கிறார்.

இந்தியாவில் பைக் வாங்குவதையும், கார் வாங்குவதையுமே கனவாக வைத்துள்ள கோடிக்கணக்கான மிடில்கிளாஸ் மக்கள் இருக்கின்றனர். பிடித்த வாகனங்களை வாங்க ஓடி ஓடி உழைப்பதும், வாங்கிய வாகனங்களுக்காகவே இஎம்ஐ கட்டுவதற்கு வேலைக்கு செல்லும் கலாசாரமும் அன்றாடமாகிவிட்டது. இதே இந்தியாவுக்கு இன்னொரு முகமும் உள்ளது. அது செல்வந்தர்களின் முகம். அன்றாடம் காய்ச்சிகள் அதிகம் இருக்கும் ஊரில் அம்பானிகளும் இருக்கத்தான் செய்கிறார்கள். “பணக்காரன் இன்னும் பணக்காரன் ஆகிட்டு இருக்கான். ஏழை இன்னும் ஏழை ஆகிட்டு இருக்கான்.” என்ற சிவாஜி பட ரஜினி வசனத்தை போல ஏற்றத் தாழ்வு நம் சமூகத்தின் தவிர்க்க முடியாத அடையாளமாகிவிட்டது.

அந்த வகையில் சொந்தமாக விமானம் வைத்துள்ள விவிஐபிகள் குறித்த விவரம் வெளியாகியுள்ளது. அரசியல் புள்ளிகள், சினிமா பிரபலங்கள், விளையாட்டு வீரர்கள், தொழிலதிபர்கள் அவர்களுக்கு சொந்தமான தனி விமானங்களில் பயணிப்பதை பார்த்துள்ளோம். விமானப் போக்குவரத்து தலைமை இயக்குநரகம் (டிஜிசிஏ) வெளியிட்டுள்ள தகவல் படி, இந்தியாவில் 550க்கும் மேற்பட்ட தனியார் விமானங்கள் உள்ளன. இதில் ஹெலிகாப்டர்கள் மற்றும் பிரைவேட் ஜெட்களும் அடங்கும்.

இந்த விமானங்கள் பெரும்பாலும் தனி நபர்கள் பெயரிலும், நிறுவனங்கள் பெயரிலும் உள்ளன. முகேஷ் அம்பானி மிகவும் காஸ்ட்லியான பிரைவேட் ஜெட் வைத்துள்ளார். இதுதவிர அனில் அம்பானி, லக்‌ஷ்மி மிட்டல், பங்கஜ் முன்ஜல், கலாநிதி மாறன், நவீன் ஜிண்டால், அமார் பூனாவாலா, கௌதம் அதானி ஆகியோரிடமும் தனி விமானங்கள் இருக்கின்றதாம்.