Exit Polls: 2014, 2019 -களில் தேர்தலுக்கு பிந்தைய கணிப்பு எந்த அளவு துல்லியமாக இருந்தது? டேட்டா இதோ

டெல்லி: லோக்சபா தேர்தல் இன்றுடன் முடிவடைந்தது. இந்த நிலையில் தேர்தலுக்கு பிந்தைய கருத்துக்கணிப்புகள் வெளியாகி வருகின்றன. இதில், கடந்த 2014 மற்றும் 2019ம் ஆண்டு லோக்சபா தேர்தலில் தேர்தலுக்கு பிந்தைய கருத்துக்கணிப்புகள் எந்த அளவுக்கு துல்லியமாக இருந்தது என்பதை இங்கே பார்க்கலாம்.

லோக்சபா தேர்தலுக்கான 7 கட்ட வாக்குப்பதிவும் இன்று 6 மணியுடன் முடிந்தது. தேர்தல் முடிந்ததும் தேர்தலுக்கு பிந்தைய கருத்துக்கணிப்பு முடிவுகள் வெளியாக உள்ளன. தேர்தலுக்கு பிந்தைய கருத்துக்கணிப்புகளை பொறுத்தவரை கடந்த தேர்தல்களில் எந்த அளவுக்கு துல்லியமாக இருந்தது என்பது பற்றி இங்கே பார்க்கலாம்.

கடந்த 2014- ஆம் ஆண்டு பெரும்பாலான கருத்துக்கணிப்புகள் பாஜக தலைமையிலான தேசிய ஜனநாயக கூட்டணி ஆட்சியை பிடிக்கும் என்று கூறின. ஆனாலும் பாஜக பெற்ற மிக பிரமாண்ட வெற்றியை துல்லியமாக கணிக்க தவறிவிட்டன.

2014 லோக்சபா தேர்தலுக்கு பிந்தைய கருத்துக்கணிப்பு:

தேசிய ஜனநாயக கூட்டணி:
இந்தியா டுடே - Cicero: 272 இடங்கள்
1.நியூஸ் 24 சாணக்யா: 280 இடங்கள்
2.சி.என்.என் ஐபிஎன் -சிஎஸ்டிஎஸ்: 280 இடங்கள்
3.டைம்ஸ் நவ் -ஓஆர்ஜி: 249 இடங்கள்
4.ஏபிபி நியூஸ் நீல்சன்: 274 இடங்கள்
5.என்.டிவி ஹன்சா: 279 இடங்கள்.

ஐக்கிய முற்போக்கு கூட்டணி பற்றிய கணிப்பு:
1. இந்தியா டுடே-சிசரோ: 115 இடங்கள்
2. நியூஸ் 24-சாணக்யா: 101 இடங்கள்
3. சிஎன் என் ஐபிஎன்: 97 இடங்கள்
4. டைம்ஸ் நவ் ORG: 148 இடங்கள்
5. ஏபிபி நியூஸ்-நீல்சன்: 97 இடங்கள்
6. என்டிடிவி-ஹன்சா : 103 இடங்கள்

உண்மையான தேர்தல் முடிவுகள்:
* தேசிய ஜனநாயக கூட்டணி: 336 இடங்கள்; பாஜக 282 இடங்களில் வெற்றி பெற்றது.
* ஐக்கிய முற்போக்கு கூட்டணிக்கு 60 இடங்கள்; காங்கிரஸ் 44 இடங்களில் மட்டுமே வெற்றி பெற்றது.

2019 லோக்சபா தேர்தலுக்கு பிந்தைய கருத்துக்கணிப்பு:

தேசிய ஜனநாயக கூட்டணி:
1. இந்தியா டுடே-ஆக்சிஸ்: 339-365 இடங்கள்
2. செய்திகள் 24- டுடே சாணக்யா: 350 இடங்கள்
3. நியூஸ் 18- ஐபிஎஸ்ஓஎஸ்: 336 இடங்கள்
4. டைம்ஸ் நவ் விஎம்ஆர்: 306 இடங்கள்
5. இந்தியா டிவி-சிஎன்எக்ஸ்: 300 இருக்கைகள்
6. சுதர்சன் செய்திகள்: 305 இடங்கள்

ஐக்கிய முற்போக்கு கூட்டணி:

1. இந்தியா டுடே-ஆக்சிஸ்: 77 - 108 இடங்கள்
2. செய்திகள் 24-இன்றைய சாணக்யா: 95 இடங்கள்
3.நியூஸ் 18- ஐபிஎஸ்ஓஎஸ்: 82 இடங்கள்
4. டைம்ஸ் நவ் விஎம்ஆர்: 132 இடங்கள்
5. இந்தியா டிவி-சிஎன்எக்ஸ்: 120 இடங்கள்
6. சுதர்சன் செய்திகள்: 124 இடங்கள்

உண்மையான தேர்தல் முடிவுகள்:
* தேசிய ஜனநாயக கூட்டணி 352 இடங்களில் வென்றது. பாஜக 303 இடங்களைப் பெற்றுள்ளது.
* ஐக்கிய முற்போக்கு கூட்டணி 91 இடங்களை வென்றது. காங்கிரஸ் மட்டும் 52 இடங்களில் வெற்றி பெற்றது.

லோக்சபா தேர்தல் 2024: லோக்சபா தேர்தலில் இந்த முறை பாஜக தலைமையிலான தேசிய ஜனநாயக கூட்டணிக்கும்- காங்கிரஸ் தலைமையிலான இந்தியா கூட்டணி கட்சிக்கும் இடையேயான நேரடி போட்டியாக உள்ளது. பாஜக இந்த முறையும் வெற்றி பெற்று ஆட்சியை பிடிப்போம் எனக் கூறிவருகிறது.

பிரதமர் மோடி 400 இடங்களில் பாஜக கூட்டணி வெல்லும் என பேசி வருகிறார். மறுபக்கம் இந்தியா கூட்டணி கட்சிகள் பாஜகவை வீழ்த்தி இந்தியா கூட்டணி ஆட்சி அமைபோம் என்று கூறி வருகிறது. தேர்தல் முடிந்துள்ள நிலையில், வாக்கு எண்ணிக்கை வரும் 4 ஆம் தேதி நடைபெறுகிறது.

English summary

The Lok Sabha elections ended today. In this situation, post-election polls are coming out. Here is how accurate the post-election polls were in the 2014 and 2019 Lok Sabha elections.